Yɛsɑ̃ɑ̃ 87

¹ Kodee bí kó fɛyɛ̀nfɛ̀. Ti Yiɛ̀ nKuyie mpũ̀ṹtɛ́ Sedisɑdɛmmu ditɑ̃sɑ̀ɑ̀rì ĩ́nkɛ̀ nkɛ.

² Siyɔ̃ɔ̃ ɛì ndi ti Yiɛ̀ nKuyie ndɔ́mɛ̀, kɛ̀ dɛ̀ pɛ̃ɛ̃tɛ́ yɛhɛkɛ̀ tɛyɛ̀ yɛmɔu Sɑkɔbu yɑɑ̀bí bo yɛ̀.

³ Fɔ̃́ nKuyie nkó dihɛì, bɛ̀ dɑ sɑ̃ntí kɛ̀ dɛ̀ dɛumu ɑ yetìrì kpɛ́í.

⁴ Kɛ̀ Kuyie ndɔ̀: N yóó kɑɑmmu bɛ̀ɛ̀ n yɛ̃́, kɛ́kɑɑnnɛ̀ Esibiti kɔbɛ nɛ̀ Bɑbidɔnni kɔbɛ nɛ̀ Fidisii ɛì kɔbɛ nɛ̀ Tiiri ɛì kɔbɛ nɛ̀ Etiopii ɛì kɔbɛ kɛ dɔ̀ bɛ̀ pɛitɛ́ diɛ.

⁵ Siyɔ̃ɔ̃ ɛì diì yóó nɑɑ́ nyɛbotɛ̀ yɛmɔu kpɛri, Kuyie nkùù bɑkɛ́ kɛĩ́nkɛ̀ nɛ̀ kɛtenkɛ̀ kuù yóó dì mɑɑ́.

⁶ Ti Yiɛ̀ nKuyie nkuù yóó kɑɑ nyɛbotɛ̀, kɛ́wɑ̃ri ku pɑ́tíri miɛkɛ kɛ dɔ̀: bɛ̀ bɛ̀ pɛitɛ́ Sedisɑdɛmmu nwe.

⁷ Bɛhɑubɛ̀ nɛ̀ bɛdèmbɛ̀ kɛ̀ bɛ̀ ndiè kɛ dɑ sɑ̃ntí kɛ tú bɛ kpɛrɛ dɛmɔu bonní ɑ borɛ̀ ndɛ.