Yɛsɑ̃ɑ̃ 82

¹ Asɑfu kó fɛyɛ̀nfɛ̀. Kuyie nyìtɛ́ kɛ còḿmúmu ku kó ditĩ̀nnì cuokɛ̀, kɛ bekùnɛ̀ bɛ̀ɛ̀ tu bɛbeémbɛ̀.

² Dɛ̀ yó nkɑ̃́ɑ̃́kɛ́ dɛ kɛ̀ di yóu di bo ncɑɑ̀rimɛ̀ tibeéntì, nɛ̀ di bo nkómmúmɛ̀ bɛyɛibɛ?

³ Di ntũ nyikuɔ́ yɛ̃mmɛ̀ kɛ́nduɔ̀ bɛcĩ̀rìbɛ̀ nɛ̀ iciribí bɛ̀ dò nkɛ́nte dɛ̀, di mbekùnɛ̀ bɛsénnìbɛ̀ nɛ̀ bɛcĩ̀rìbɛ̀ dɛ̀ bèkúmɛ̀.

⁴ Ndɛɛrínnɛ̀ bɛsénìbɛ̀ nɛ̀ bɛcĩ̀rìbɛ̀, fietɛnɛ̀ bɛ bɛyɛibɛ nɔu miɛkɛ.

⁵ Di í yɛ̃́ dɛ̀mɑrɛ̀, di í ciì, di kérí dibiìnnì miɛkɛ nkɛ, kɛ̀ kɛtenkɛ̀ kó dipũũ dimɔu sɑ̃̀ntɛ̀.

⁶ M bɛ́immu kɛ tú: Di tú kɛĩ́nkɛ̀ kɔbɛ mbɛ, kɛ tú di mɔu Kuyie nkùù bɑkɛ́ kɛĩ́nkɛ̀ nɛ̀ kɛtenkɛ̀ ku kó ibí.

⁷ Di yóó kú bɛnìtìbɛ̀ kɔ̃mɛ mmɛ, di yóó duómu dimɔu sikpɑ̀ɑ̀tìbìí kɔ̃mɛ.

⁸ Ti Yiɛ̀ nKuyie nyítɛ́ kɛ́bekɛ́nɛ̀ kutenkù, kɛ yɛ̃́ fɔ̃́ɔ̃̀ temɛ̀ yɛbotɛ̀ yɛmɔu.