Yɛsɑ̃ɑ̃ 67

¹ Bɛdèmbɛ̀ kóo kótì dìè nfɛ̀ɛ̀ yɛ̀nfɛ̀ kɛ bie ntibómbonti iwɛ̃ĩ kpɛti.

² Kuyie ntí kuɔ́ mmɛsémmɛ̀, ti dɔɔ̀ mɛsɑ̀ɑ̀, ɑ ti wéntɛ́ fɛnɔnsɑ̀ɑ̀fɛ̀.

³ Kɛ̀ dɛ̀ɛ yie nkɛ̀ kutenkù kumɔu kɔbɛɛ bɑntɛ́ ɑ cɛ, kɛ̀ yɛbotɛ̀ɛ yĩ́ɛ̃́tɛ́ ɑ dɛɛrímɛ̀.

⁴ Kɛ̀ bɛnìtìbɛ̀ bɛmɔu ndɑ sɑ̃ntí fɔ̃́ nKuyie, kɛ̀ yɛbotɛ̀ yɛmɔu ndɛ́úkùnkoo ɑ yètìrì.

⁵ Dɛ̀ nnɑɑti ibotí kɛ̀ ì dɑ sɑ̃ntí, fɔ̃́ɔ̃̀ bekùnɛ̀ yɛbotɛ̀ kɛ̀ dɛ̀ sìɛ́, kɛ ni ibotí kɛtenkɛ̀ ĩ́nkɛ̀.

⁶ Bɛnìtìbɛ̀ bɛmɔu ndɑ sɑ̃ntí fɔ̃́ nKuyie, kɛ̀ yɛbotɛ̀ yɛmɔu ndɛ́únkùnkoo ɑ yètìrì.

⁷ Ti Yiɛ̀ nKuyie nhɑ ti dɔ̀ɔ̀mu mɛsɑ̀ɑ̀, kɛ̀ kɛtenkɛ̀ pɛí tidiitì.

⁸ Kuyie nkuù ti dɔɔri mɛsɑ̀ɑ̀, itemmɑ̀nkɛ imɔu kɔbɛ dí kù depɛ.