Yɛsɑ̃ɑ̃ 3

¹ Dɑfiti do cokùnɛ̀ o birɛ Abusɑdɔmmu, kɛ́ndiè nfɛ̀ɛ̀ yɛ̀nfɛ̀.

² N Yiɛ̀ nKuyie n dùɔ̀ntɔbɛ̀ sũmu, bɛ̀ɛ̀ n wɑnti bɛ̀ í sénní.

³ Bɛ̀ í sénní bɛ̀ɛ̀ nɑ́ɑntɛ n kpɛ́í, bɛ̀ɛ̀ tu fɔ̃́ nKuyie nhɑ í yó n dɛɛtɛ́

⁴ N Yiɛ̀ nKuyie nfɔ̃́ɔ̃̀ tu n kó kudɔpìkù, ɑ dɛumɛ̀ kpɛ́í nte kɛ̀ dɛ̀ n nɑɑti.

⁵ Kɛ̀ n kuɔ́nko kɛ yu n Yiɛ̀ nKuyie, kù ɔ̃ɔ̃ yiemmu ku tɑ̃sɑ̀ɑ̀rì ĩ́nkɛ̀.

⁶ N duɔ́mu kɛ yɛ̃̀ nkɛ duɔ́, kɛ èntɛ, kɛ yɛ̃́ n Yiɛ̀ nKuyie nni ncúɔ́mɛ̀.

⁷ N yí yĩɛ̃̀kù bɛnìtìbɛ̀ sikɔu sikɔu, bɛ̀ɛ̀ n cɛ̃̀tinɛ̀ tipíìtì timɔu.

⁸ N Yiɛ̀ nKuyie, ítɛ́ kɛ́cómmú kɛ́ n dɛɛtɛ́, fɔ̃́ɔ̃̀ bèmmù n dootitɔbɛ̀, kɛ bɔ́kíí bɛnitiyonkubɛ nìì.

⁹ N Yiɛ̀ nfɔ̃́ɔ̃̀ dɛɛrí, ɑ sɑ̀ɑ̀ nni mbonɛ̀ ɑ nìtìbɛ̀.