Yɛsɑ̃ɑ̃ 133

¹ Dɑfiti yɛ̀nfɛ̀ bɛ̀ ɔ̃ɔ̃ ndentì fɛ̀ kɛ kɔri Kuyie ncĩ́ɛ̃̀tɛ̀. Dɛ̀ wennimu, kɛ nɑɑti Kuyie nkɔbɛ bo nwɛ̃mmɛ̀ kɛ bo.

² Dɛ̀ dò mbɛ̀ ɔ̃ɔ̃ cóú mmɛ̀mmɛ ikuɔ́ kó mɛkùɔ̀ nyikuɔ́ nìùtì yuu, kɛ̀ mɛ̀ɛ ɔri o dɛɛ̀nfɛ̀, ikuɔ́ nìùtì Anɔɔ dɛɛ̀nfɛ̀, kɛ́ɔri o yɑɑ̀bòrì mɑ̀nkɛ.

³ Kɛ dò nhƐdimɔɔ tɑ̃rì ɔ̃ɔ̃ mɑntɛ̀mɛ̀, kɛ́pɔ̃ntɛ́ kɛ́cútɛ́nní Siyɔ̃ɔ̃ tɑ̃rì ĩ́nkɛ̀ dɛɛ̀ borɛ̀ ndɛ Kuyie nduɔ́mmɛ̀ ku kó mɛsɑ̀ɑ̀ nku kɔbɛ nɛ̀ mufòmmu sɑ̃́ɑ̃̀.