Yɛsɑ̃ɑ̃ 125

¹ Bɛ̀ ɔ̃ ndentì fɛ̀ɛ̀ yɛ̀nfɛ̀ kɛ kɔri Kuyie ncĩ́ɛ̃̀tɛ̀. Bɛ̀ɛ̀ ĩkú Kuyie nyĩ́nkɛ̀ bɛ̀ dònnɛ̀ Siyɔ̃ɔ̃ tɑ̃rì ndi dìì fìíkú kɛ í nɑmpú, dì fííkúmu sɑ̃́ɑ̃̀.

² Yɛtɑ̃rɛ̀ fitɛ́ mɛ̀ɛ̀ botí Sedisɑdɛmmu, ti Yiɛ̀ nKuyie mmɛ nfitɛ́ ku nìtìbɛ̀ di mmɔ̀nnì nɛ̀ sɑ̃́ɑ̃̀o.

³ Okpɑ̀ɑ̀tì yɛiwe bɑ́ɑ́ kɑri bɛ̀ɛ̀ wetí bɛ tenkɛ̀ bìtì, bɛ̀ɛ̀ wetí bɛ̀ yɑ̀ɑ̀ bo dɔkɛ mɛyɛi mmudɔɔ̀rìmù.

⁴ Ti Yiɛ̀ nKuyie ndɔɔ̀ mɛsɑ̀ɑ̀ mbɛ̀ɛ̀ dɔ̀ɔ̀ri dɛ̀ɛ̀ wenni, bɛ̀ɛ̀ yɛ̀mmɛ̀ wenni.

⁵ Bɛ̀ɛ̀ tũ̀ nyicɛ yɛiyi ti Yiɛ̀ nKuyie nhɑ́ bɛ̀ bɛ̀ti, kɛ́wɛ̃nnɛ́nɛ̀ bɛyɛibɛ. Kɛ̀ kunɑɑtí mbonɛ̀ Isidɑyɛɛribɛ.