Yɛsɑ̃ɑ̃ 121

¹ Bɛ̀ ɔ̃ nkɔri Kuyie ncĩ́ɛ̃̀tɛ̀ kɛ dentì fɛ̀ɛ̀ yɛ̀nfɛ̀. M búɔ́ yɛtɑ̃rɛ̀ bíɛ́kɛ̀ nkɛ mɛteèmmɛ̀ yóó kɛ nyɛnní.

² N Yiɛ̀ nKuyie nkuù tu n kóo teèntì, kunku kùù dɔ̀ɔ̀ kɛĩ́nkɛ̀ nɛ̀ kɛtenkɛ̀.

³ Kuyie mbɑ́ɑ́ yóu díndi Isidɑyɛɛribɛ kɛ̀ di nɑɑ̀cɛ̀ii seitɛ, wèè di bɑɑ munɔndɔmmú í ò pĩĩ.

⁴ Isidɑyɛɛribɛ kóo bɑ̀rì munɔndɔmmú í ò pĩĩ, ò ɔ̃ɔ̃ í nyɛ̃̀ nkɛ́duɔ́.

⁵ Ti Yiɛ̀ nKuyie nkuù tu di kóo bɑ̀rì kɛ di díɛ́kɛ́ ku kó mɛdɛ́ɛ̀, kù bomu di bɑkù yoú.

⁶ Diyiè bɑ́ɑ́ di kɔkɛ́nɛ̀ kuyie mmɔ̀nnì, yoo otɑ̃̀nkù kɛyènkɛ̀ mɔ̀nnì.

⁷ Ti Yiɛ̀ nKuyie nyó ndi kɑ̃nkɛ́mu mɛyɛi mɛmɔu. Kù yó nkɑ̃nkɛ́mu di fòmmu.

⁸ Kɛ̀ di yɛtì, ti Yiɛ̀ nKuyie nyó ndi bonɛ̀mu, kɛ̀ di kũntiní kù ndi bonɛ̀, kɛ́túótɛ́ yíe nnɛ̀ di bo mbomɔ̀ɔ sɑ̃́ɑ̃̀.