Yɛsɑ̃ɑ̃ 100

¹ Disɑ̃nni kó fɛyɛ̀nfɛ̀. Kɛtenkɛ̀ kɛmɔu kɔbɛ piɛtɛnɛ̀ ti Yiɛ̀ nKuyie.

² Mpĩ́nnɛ̀ ti Yiɛ̀ nKuyie ntɔ̃mmú nɛ̀ diwɛ̀ì. Kɔtɛnɛ̀ní ku borɛ̀ kɛ́ndiènnɛ̀ diwɛ̀ì.

³ Bɑntɛ́nɛ̀ kɛ dò nKuyie nkuù tu ti Yiɛ̀. Kuù ti dɔ̀ɔ̀ kɛ̀ ti tú ku kɔbɛ, ku nìtìbɛ̀, ku pìètì kù cɛ̃mmú tì.

⁴ Kɛ̀ di níí tɑti ku cĩ́ɛ̃̀tɛ̀ di nkù sɑ̃ntí. Kɛ̀ di tɑ tɛ dɑ̀nkù di ndɛ́úkùnko ku yètìrì, kɛ́ nkù dɔúnnɛ̀ mutɔ̃mmú, kɛ dɛ́úkùnko ku yètìrì.

⁵ Ti Yiɛ̀ nKuyie nnìtimu kɛ̀ ku sɑ̀ɑ̀ mbo sɑ̃́ɑ̃̀. Kuù dɔ̀ɔ̀ri timɔ́mmɔnti nɛ̀ kù bɑɑ bomɛ̀ sɑ̃́ɑ̃̀.