Isɔbu 25

¹ Kɛ̀ Bididɑɑ Suɑɑ ɛì kouu bɛ́i nkɛ dɔ̀:

² Kuyie nkpeńnìmu kɛ duò tikɔ̃m̀bùɔ̀tì, kuù bɑkɛ́ kɛĩ́nkɛ̀ kɔbɛ, kɛ bɛ̀ duɔ́ nkɛ̀ bɛ̀ bo kɛ̀ dɛ̀ bɛ̀ nɑɑti.

³ Ku kó bɛhɑ̃ɑ̃pɔ̀mbɛ̀ we mbo nɑ kɛ́ bɛ̀ kɑ̀ɑ, ku kó kuwenniku nɛ́ í mí bɛ we ĩ́nkɛ̀?

⁴ Onìtì bo yĩ́mɛ kɛ dɔ̀ ò wetí Kuyie nyììkɛ̀, Onìtì pɛitɛ́ wè bo yĩ́mɛ kɛ dɔ̀ ò kpɑ mɛyɛi?

⁵ Otɑ̃̀nkù yie mɛ ntú otɑ̃̀nkù kɛ í mí ku ììkɛ̀, kɛ̀ siwɑ̃̀ɑ̃ tu siwɑ̃̀ɑ̃ kɛ̀ kù í sì wùó nsisɑ̀ɑ̀sì.

⁶ Kòo nìtì pɛitɛ́ wè wèè nɛ́ tú dibɛù, onìtì nwèè tu tɛbɛutɛ̀ weè nɛ́ bo nwennɑɑ̀?