Lom 14

1 Binɨb Klays yɨl mɨdɨl nop gos kɨles ma nepal okok, kɨlop binɨb chɨn agɨl dɨnɨmɨb. Pen gos kɨlop tɨg asɨkɨnɨgun agɨl, kɨli ayɨp takaw penpen ma agɨnɨmɨb. 2 Binɨb Klays nop gos nepal ogɨnap mɨdɨl, tap ñɨÅeb okok monmon ñɨbal. Binɨb Klays nop gos kɨles ma nepal okok pen, kɨli chag tap yɨpɨl okok ma ñɨbal. 3 Binɨb tap ñɨÅeb monmon ñɨbal okok, kɨli binɨb chag tap yɨpɨl ma ñɨbal okok kɨlop yɨlɨk nɨÅɨd kud ma ñɨnɨgel. Pen binɨb chag tap yɨpɨl ma ñɨbal okok, kɨli binɨb tap monmon ñɨbal okok kɨlop tɨg asɨkɨl, tap tɨmel gebal agɨl ma nɨgɨnɨgel. Mel. God binɨb tap monmon ñɨbal okok kɨlop dek nop yɨl mɨdebal. 4 Nɨbi bɨ olap binɨb wog gɨñeb ne okok, kɨli tap tɨmel gebal agɨl ma yɨbɨl agɨnɨmɨb. Kɨli wog kɨli ak kɨles tɨmel gɨl gɨnɨgabal akaÅ, apyap pakenɨgabal ak, bɨawl kɨli ak tap ne. Bɨawl ak pen kɨlop kɨles ñɨnɨmuÅ tek lup. Anɨb ak tek kɨlop kod mɨdaknɨÅ, kɨles ne ak dɨl, kɨles gɨl jak tep gɨl yenɨgabal. 5 Binɨb ogɨnap apal, Ãɨn olap ñɨn awl ak, ñɨn ogɨnap ñɨn awl mel apal. Pen binɨb ogɨnap apal, Mɨnek mɨnek ñɨn nokom olap tek mɨdeb apal. Binɨb mɨdupsek pen, kɨli nokom nokom mɨdebal tek, gos tep kɨlop owup adek ak nɨÅɨd gel amnɨmuÅ. 6 Binɨb kɨli ñɨn olap ñɨn awl ak mɨdeb agɨl, kɨli Bɨawl ak nop gos nɨÅɨd anɨgɨpal. Pen binɨb tap ñɨÅeb monmon ñɨbal okok, kɨli Bɨawl ak nop gos nɨÅɨd, God nop tep agɨl ñɨbal. Pen binɨb chag tap yɨpɨl ma ñɨbal okok, kɨli Bɨawl ak nop gos nɨÅɨd, kas tap okok dɨl God nop tep agɨl ñɨbal. 7 Chɨn nopun, chɨn bɨ olap ne nokom koÅɨm yonɨmuÅ tek ma lek, gos yad ke nɨÅɨd koÅɨm mɨdebin agɨl ma agep. Pen ne nokom kumnɨmuÅ tek ma lek, gos yad ke nɨÅɨd kumnɨgayn agɨl ma agep. 8 Chɨn koÅɨm mɨdɨl nɨm, Bɨawl ak gos nɨÅɨd ne ayɨp mɨdobun. Chɨn kumonɨgabun, Bɨawl ak gos nɨÅɨd ne ayɨp mɨdɨl kumnɨgabun. Anɨb ak koÅɨm yonɨgabun akaÅ kumnɨgabun ak, Bɨawl ne yɨl nep yonɨgabun. 9 Takaw apin ak jɨj ak anɨgɨl mɨdeb. Klays kumɨl, tɨkjakɨl koÅɨm mɨdeb. Anɨb ak tek ne binɨb koÅɨm mɨdebal okok sek kumɨlak okok sek, kɨlop mɨdupsek kod mɨdɨl, Bɨawl kɨli ak mɨdeb. 10 Pen nɨbi ogɨnap, taynen mam ay kɨlop tɨg asɨkɨl, tap tɨmel gebal agɨl nepɨm? Nɨbi ogɨnap, taynen mam ay kɨlop yɨlɨk nɨÅɨd kud ñɨbɨm? Nɨb nepɨm, chɨn mɨdupsek am God wɨdɨn mɨdup adek ak amon, gɨpun okok bɨlokɨnɨgab. 11 Buk Baybol ak anɨgɨl tɨkɨl agak, Bɨawl ak agup, Yad bɨ pel mɨdep ak, anɨb ak tek yad nɨÅɨd yɨbɨl agebin agup agɨl tɨkak. Binɨb okok mɨdupsek yɨp yɨl apɨl kɨgom yɨmnɨgabal agup agɨl tɨkak. Kɨgom yɨmɨl, mɨdupsek agyɨkɨl agɨnɨgabal, Nad God nokom nɨm mɨdeban agɨnɨgabal agup agɨl tɨkak. 12 Anɨb ak nɨm, chɨn mɨdupsek mɨdobun tek, God chɨnop nokom nokom agnɨgek, tɨtay gɨpun okok agñɨnɨgabun. 13 Anɨb ak nɨbi mam ay Klays yɨl mɨdebal okok kɨlop tɨg asɨkɨl, tap tɨmel gebal agɨl ma agɨnɨmɨb. Nɨbi pen anɨgɨl gos nɨgɨnɨmɨb. Mam ay tap tɨmel gɨl apyap pakɨnɨgel tek ma lɨnɨmuÅ agɨl, adek ak nep gos nɨÅɨd, anɨgem amnɨmuÅ. 14 Yad Bɨawl Jisas yɨl mɨdebin tek, ne gos yɨp gek nɨgtep gɨpin. God ne binɨb tap olap asɨkep tek yenɨgel agɨl, gos anɨb ak ma nɨgup. Bɨ olap pen ne tap olap asɨkep tek gonɨmuÅ, bɨ anɨb ak ne tap anɨb ak asɨkɨnɨmuÅ. 15 Anɨb ak nep nɨbi tap ñɨÅeb okok monmon ñɨbem, mam olap nɨÅɨd, tap asɨkep ñɨbebɨm agɨl gos nɨgup ak, tap anɨgɨl ñɨbɨm ak nop gem mɨdtep ma gup. Nɨbi anɨgɨl nɨm, mam nop mapen ma lɨpɨm. Klays nop nen kumak, anɨb ak tek nɨbi tap monmon ñɨbem ne apyap pakɨl kul gɨnɨmuÅ tek lup ak ma gɨnɨmɨb. 16 Anɨb ak nɨbi tap tep olap gɨnɨgun agɨl gɨnɨmɨb tek lup ak pen, binɨb ogɨnap nɨbop nɨÅɨd, tap tɨmel gebal gos nɨgɨnɨgel tek lenɨgab, gos nepɨm anɨb ak kelɨgɨnɨmɨb. 17 Nɨgɨm. God binɨb kɨlop dɨl kod mɨdeb, takaw anɨb ak tap mɨdup ñɨg ñɨÅɨnɨgabun akaÅ ma ñɨÅɨnɨgabun takaw ak mel. Takaw God binɨb dɨl kɨlop kod mɨdeb anɨb ak pen anɨgɨl mɨdeb. God Kawnan ne ak binɨb ayɨp mɨdaknɨÅ, kɨli God agak tek kɨdek gɨl, kɨmɨgel mɨdtep gɨl, mɨñmɨñ gɨl gɨpal. 18 Binɨb Klays wog ne anɨgɨl gɨpal ak, God kɨlop nɨgek nop tep gek, binɨb ogɨnap kɨlop nɨgel binɨb tep mɨdebal apal. 19 Anɨb ak nɨm, chɨn kɨmɨgel jɨmñɨl mɨdep ak pel kɨles gɨl kɨdek gɨnɨgun. Pen abe chɨn pel kɨles gɨl, penpen gɨtep gɨl gos sek mɨdɨl kɨles gɨl jak tep gɨl yonɨgun. 20 Pen nɨbi tap ñɨÅeb okok monmon ñɨÅɨnɨgun agɨl gos ak nep nɨÅɨd, God wog ne ak gɨ tɨmel gɨnɨgabɨm. NɨÅɨd apun, tap mɨdup okok mɨdupsek ñɨÅeb tek mɨdeb. Nɨbi pen tap okok monmon ñɨbem, mam ay okok nɨÅɨd, tap asɨkep ñɨbebɨm agɨl apyap pakɨl tap tɨmel gel nɨm, nɨbi anɨb ak gɨ tɨmel gɨpɨm. 21 Anɨb ak takaw yad agɨnɨgebin ak, tep mɨdeb. Nɨbi chag tap yɨpɨl okok ñɨbɨl, ñɨg wayn ñɨbɨl, tap olap ke gɨnɨgabɨm ak, anɨb ak mam ay okok kɨlop gek apyap pakɨnɨgel tek lenɨgab, anɨb ak kelɨgɨl ma gɨnɨmɨb. 22 Nad tap anɨb okok gos tay nepan ak, gos nad nab ayaÅ yek Bapi God ayɨp tap ñɨli ke. Bɨ olap, ne tap ogɨnap tap tep nɨgɨnɨmuÅ gos nɨÅɨd, gos ne nab ayaÅ abe gos anɨb ak nep nɨgup ak, mɨñmɨñ gɨlɨg yenɨgab. 23 Bɨ olap pen tap ogɨnap gos pal lɨlɨg ñɨÅɨnɨmuÅ ak, God nɨgek takaw mɨÅel ak ne dɨnɨmuÅ. Taynen? Klays nop gos lɨnɨgɨlɨg ma ñɨÅub, gos pal lɨlɨg ñɨÅub ak nɨm, God nɨgek takaw mɨÅel anɨb ak ne dɨnɨmuÅ. Chɨn tap olap gɨnɨgabun ak pen, Klays nop gos lɨnɨgɨlɨg ma gonɨgabun, anɨb ak tap si tap tɨmel gɨnɨgabun.