Lepelesin 9

1 Ensel mamɨd ak, akɨl ne ak pugek, gap wɨsɨp alaÅ nɨb pɨgju lum awl owak olap nop nɨgɨnek. Pen nop ki olap kaw mɨgan kɨluÅ ma tɨkak ak ñɨlak. 2 Ãelak, kaw kanɨbtub ak yɨkek, sɨkom awl yɨbɨl ak aplanɨl, sub ak sek, wɨsɨp alaÅ sek gek yu gɨl, kɨsɨlɨm owak. 3 Anɨgek, joÅ gɨlobɨd okok, sɨkom nab anɨb okok nɨb gɨ dam lum ayaÅ lɨl, meg gaw awl okok gɨpal tek gɨnɨg gelak. 4 Gɨlobɨd anɨb okok kɨlop agak, Mɨj wɨj mab wɨj tap tɨtay lum ayaÅ jakɨnɨmuÅ okok, gɨ tɨmel ma gɨnɨmɨb agak. Binɨb kɨli God kɨjɨkɨl nebeÅ kɨlop alaÅ ma mɨdeb okok nep, gɨ tɨmel gɨnɨmɨb agak. 5 Agak anɨb ak, pɨsnep paklem kumnɨgel agɨl ma agak. Yokɨp takan anep mamɨd ak yɨpɨl mab tɨmel ñɨnɨmɨb agɨl agak. Kɨlop yɨpɨl mab tɨmel ñɨnɨgabal anɨb ak, meg gaw awl okok suwel yul gup tek gɨnɨgab. 6 Ãɨn nab anɨb ak, binɨb anɨb okok kubɨnop agɨl nɨgɨnɨgabal ak pen, kumeb kanɨb tam olap ma yenɨgab. 7 JoÅ gɨlobɨd anɨb okok, chag hos penpen ñagɨnɨg, tap kɨles lɨpal tek okok lɨ yelak. Kɨmɨg kɨli dum alaÅ nag gol dɨl gɨlak okok tek lak. Jomulɨk kɨli okok, bɨ tek lɨlak. 8 Kɨmɨg wɨj kɨli okok, bin kɨmɨg wɨj pal ak tek lak. Pen meg kɨli okok, chen layon apal ak meg kɨd tɨmel tek lak. 9 Pabɨl okok, chech kɨles tɨmel sek kadɨŠtek lak. Pen joÅ kuÅay yɨbɨl pɨl pakelak, gu awl yɨbɨl agak. Chag hos tap bad lɨpɨg dad ameb okok, kuÅay yɨbɨl lɨpɨg dad penpen ñagɨnɨg amel gigu agup tek okok agak. 10 Yɨnɨg day ayɨm, meg gaw binɨb suwek yul gup tek ak gak. Takan anep mamɨd ak, binɨb okok kɨlop yɨpɨl mab tɨmel ñɨlɨg yelak. 11 Tap anɨb okok bɨnonɨm kɨli nɨm, ensel ne sɨÅak kaw mɨgan kɨluÅ ma tɨkak ak kod mɨdeb ak. Hiblu takaw agɨl, ensel anɨb ak yɨb ne Abadon apal. Pen Glik takaw agɨl, yɨb ne Apoliyon apal. Takaw jɨj anɨb ak nɨm, Bɨ olap ne tap okok mɨdupsek gɨ tɨmel yɨbɨl gup. 12 Anɨb ak mɨÅel awl yɨbɨl ned ak owup, pen nɨgɨm. Kɨdek omɨÅal ownɨgab. 13 Ensel kagol ak, akɨl ne ak pugek nɨgɨnek, takaw olap owak. Abañ adek gol dɨl gɨlak ak, tap chag mablod tek abañ adek gol omɨÅal lɨl kus gɨlak ak, takaw anɨb ak yɨl owak. Abañ anɨb ak, God wɨdɨn ne sɨÅak yek. 14 Pen takaw anɨb ak, ensel kagol akɨl dɨ yek anɨb ak nop agak, Ensel omɨÅal omɨÅal tunɨg lel, ñɨg awl Yupletis mɨdebal okok, wɨsɨb yokɨnɨmɨn agak. 15 Agek, ensel anɨb ak ne ensel omɨÅal omɨÅal okok kɨlop wɨsɨb yokak. Taynen? God ne ensel anɨb okok kɨlop ned aglek, sub anɨb ak nep, takan anɨb ak nep, ñɨn anɨb ak nep, won anɨb ak nep kod yelɨgɨpal. Kod yelɨgɨpal ak nɨm, ñɨn anɨb ak apek, binɨb lum awl yelak okok day omɨÅal nokom tek agɨl, day omɨÅal tek yek, day nokom olap ñagɨnɨgel agɨl, wɨsɨb yokak. 16 Pen agek nɨgɨnek, Bɨ chɨm kadɨŠgep kɨli chag hos adek besɨgɨlak okok kuÅay yɨbɨl nep, 200 milion tek yelak. 17 Pen day anɨb ak nɨgɨnek, chag hos kɨli okok sek, bɨ hos adek besɨgɨlak okok sek anɨgɨl mɨdebal. Bɨ okok, pabɨl kɨli chech kɨles tɨmel sek kadɨŠtek lɨlak. Chech anɨb okok, mab mɨÅɨlaÅ nɨkɨm tek gak, muk tek gak, kab pok salpa apal ak tek gak. Chag hos kɨmɨg okok, chen layon kɨmɨg tek lak. Meg mɨgan kɨli alaÅ mab mɨÅɨlaÅ sek, sɨkom sek, kab salpa yuk tɨmel ak sek apɨl gek, 18 binɨb kuÅay yɨbɨl kumɨlak. Binɨb anɨb okok, day omɨÅal nokom tek agɨl, day omɨÅal tek yek, day nokom olap kumɨlak. Tap tɨmel omɨÅal nokom anɨb ak, mab mɨÅɨlaÅ sek, sɨkom sek, kab salpa sek chag hos meg mɨgan kɨli alaÅ apɨl gak. 19 Chag hos anɨb okok kɨles kɨli ak yek, kɨmɨg day oÅɨd sek, amun day ayɨm sek. Amun kɨli okok, yoy kɨmɨg tek lak ak nɨm, binɨb okok kɨlop gɨ tɨmel gɨlak. 20 Pen tap tɨmel anɨb okok binɨb kuÅay kɨlop paklel kumɨlak. Kumel, binɨb kuÅay yɨbɨl yelak okok gak anɨb ak nɨgɨlak ak pen, taynen tap si tap tɨmel gɨpun agɨl nɨÅɨd ma kelɨgɨlak. Pen tap ñɨnen gɨlak ak abe ma kelɨgɨlak. Tap yokɨp wɨdɨn ma nɨÅɨd, tɨmud ma nɨÅɨd, kanɨb ma ajel, gol, silpa, blas, kab, mab dɨl gɨlak okok kɨlop suk agɨnɨgun agɨl ma kelɨgɨlak. Kɨcheki tap okok abe kɨlop nep agnɨg yelak. Ma kelɨgɨlak. 21 Pen chɨp ñagɨl, kɨyob pakɨl, kuj gɨl, tap si dɨl, bin si bɨ si gel amnaknɨÅ, taynen anɨgɨpun agɨl ma kelɨgɨlak.