Lepelesin 7

1 Pen tap anɨb okok gak ak kɨdek nɨgɨnek, ensel anep tɨgawup ak kɨli lum awl mɨd kus gɨl, day puÅɨlek amnak kɨd omɨÅal omɨÅal ak yɨgen owin agek chɨchɨk dɨlak. Yɨgen ak delak, lum awl, ñɨg solwala, mab, tap okok gɨnɨmuÅ tek ma mɨdeb. 2 Pen nɨgɨnek, ensel olap sub lɨm gup okok nɨb, God pel mɨdep ak tap kɨl tɨk lep ne ak dad owak. Apɨl, binɨb ne okok kɨlop kɨjɨkɨl tɨkɨnɨg, ensel omɨÅal omɨÅal yɨgen gel ownɨg gek okok kɨlop suk agɨl agak, Alad gɨm agak. Binɨb God chɨn ak nop dɨtep gɨpal okok, kɨjɨkɨl ak nebeÅ kɨlop alaÅ tɨkɨnɨgun agak. Kɨdek yɨgen ak yep lem, ap ñɨg solwala, lum awl, mab tap okok gɨ tɨmel gɨnɨmuÅ agak. 4 Pen takaw olap agel nɨgɨnek, binɨb God kɨjɨkɨl ne ak nebeÅ alaÅ tɨkɨpal anɨb okok, Yislel binɨb jɨj keke okok jɨmñɨl kuÅay yɨbɨl, 144,000. 5 Binɨb kɨjɨkɨl tɨkɨpal anɨb okok, Juda jɨj ak nɨb 12,000, Luben jɨj ak nɨb 12,000, Gad jɨj ak nɨb 12,000, 6 Asel jɨj ak nɨb 12,000, Naptali jɨj ak nɨb 12,000, Manase jɨj ak nɨb 12,000, 7 Simiyon jɨj ak nɨb 12,000, Lipay jɨj ak nɨb 12,000, Yisakal jɨj ak nɨb 12,000, 8 Sebulun jɨj ak nɨb 12,000, Josep jɨj ak nɨb 12,000, Bejamin jɨj ak nɨb 12,000. 9 Pen kɨdek yad nɨgɨnek, bɨnonɨm besɨg mɨdep ak sek, Chag Sipsip Ãɨluk ak sek yɨleknɨÅ, binɨb kuÅay yɨbɨl nep ap wɨdɨn yɨlɨk adek kɨlop sɨÅak jak yelak. Binɨb anɨb okok, man keke lak tek, jɨj keke lak tek, wak keke lak tek, takaw yɨbɨl keke apal tek, ap yelak. Binɨb ñɨn pagep tek ma yek anɨb okok, mɨdupsek chech pal kayɨg yɨbɨl lɨl, albad wɨj dɨ yelak. 10 Kɨli suk awl agɨl agɨlak, God chɨn ne bɨnonɨm besɨg mɨdep yek ak sek, Chag Sipsip Ãɨluk ak sek, chɨnop tɨg asɨk dɨnɨmil tek lup nɨm, mɨdtep gɨpun agɨlak. 11 Ensel okok mɨdupsek apjakɨl, bɨnonɨm besɨg mɨdep ak sek, bɨawl anep 24 okok sek, tap kɨm mɨdep omɨÅal omɨÅal okok sek, kɨlop puÅɨl kuskus gɨlak. Ensel anɨb okok kɨli apyap kɨgom yɨmɨl, kɨmɨg kɨli abe lum ayaÅ puÅɨlɨl, God yɨb nop dad aplanɨlɨg, 12 agɨlak, NɨÅɨd yɨbɨl agobun agɨlak. God chɨn ak, yɨb nop dad aplanɨl nop tep agɨnɨgun agɨlak. Ne bɨ tep yɨbɨl, chɨnop tep yɨbɨl gup agɨlak. Ne kɨles ak dɨl, gos teplep abe nɨÅɨd, bɨ yɨb awl yɨbɨl yonɨmuÅ agɨlak. Tap anɨb okok mɨdupsek, pelpel God tap ne agɨlak. NɨÅɨd yɨbɨl agobun agɨlak. 13 Pen bɨawl anep 24 anɨb okok olap, ne yɨp agnɨÅɨd agak, Binɨb chech kayɨg teplep pal lɨpal anɨb okok anɨb an agak? Pen kɨli akal nɨb opal agak? 14 Agek agɨnek, Bɨawl. Nad ke nepan agɨnek. Anɨb agen, yɨp agak, Binɨb okol kɨlop gɨ tɨmel gel, koslam yɨbɨl mɨdɨl opal agak. Pen kɨli Chag Sipsip Ãɨluk nɨkɨm ak dɨl, chech kɨli okok nɨkɨm pakñel, kayɨg gup agak. 15 Anɨb ak nɨm, kɨli God bɨnonɨm besɨg mɨdep ne nab sɨÅak mɨdɨlɨg, subnab maynab ayaÅ God agnɨgep kal awl mɨgan ak wog gɨñɨlɨg, yɨb nop dad aplanɨlɨg gɨpal agak. Bɨ bɨnonɨm besɨg mɨdep anɨb ak yek, kɨlop kod mɨdtep yɨbɨl gɨnɨgab agak. 16 Kɨlop yuwan ma gɨnɨgab, ñɨg nen ma gɨnɨgab, sub sɨj tɨmel nɨÅɨd yul ma gɨnɨgab agak. 17 Taynen? Chag Sipsip Ãɨluk ne bɨnonɨm besɨg mɨdep nab sɨÅak mɨdeb ak, kɨlop kod mɨdtep gɨnɨgab agak. Kɨlop poÅɨd ñɨg kɨlam junɨgab okok amek, ñɨg pel mɨdep ak ñɨÅɨnɨgabal agak. Pen God ne chaŠñɨg kɨlop ak mɨdupsek wik yokɨnɨgab agak.