Lepelesin 19

1 Pen tap anɨb okok gak ak kɨdek nɨgɨnek, binɨb kuÅay yɨbɨl God man ne alaÅ meg mɨgan dad aplanɨl agɨlak, God Bɨawl yɨbɨl chɨn ak, yɨb nop dad adek awl alaÅ aplanɨgun agɨlak. Binɨb ne okok kɨlop tɨg asɨk dup agɨlak. Yɨb awl sek kɨles ne ak sek mɨdeb tek, chɨnop kod mɨdeb agɨlak. 2 Nɨgtep gɨl yɨbɨl, binɨb okok kɨlop bɨlok nɨÅɨd yul ñub agɨlak. Kanɨbtam binawl anɨb ak, God nop kelɨgɨl monmon gɨlɨg, God binɨb ne okok kɨlop paklɨlɨg gak agɨlak. Paklɨl, bɨ si dɨl, binɨb lum okok kɨlop kanɨb yomek abe gɨlak ak, nop nɨÅɨd pen yul awl yɨbɨl ñub agɨlak. 3 Anɨb agɨl, tepayaÅ meg mɨgan dad aplanɨl agɨlak, God Bɨawl yɨbɨl yɨb nop dad adek awl alaÅ aplanɨgun agɨlak. Man awl yɨn gaknɨÅ, sɨkom ak pel pelnep aplanub agɨlak. 4 Anɨb agelak, 24 bɨawl okok sek, tap kɨm mɨdep omɨÅal omɨÅal okok sek, kɨli God bɨnonɨm besɨg mɨdep adek mɨdeb ak jɨj sɨÅak kɨgom yɨmɨl agɨlak, NɨÅɨd yɨbɨl. God Bɨawl yɨbɨl yɨb nop dad adek awl alaÅ aplanɨgun agɨlak. 5 Anɨb agelak, takaw olap bɨnonɨm besɨg mɨdep adek yek sɨÅak nɨb agɨl agak, Nɨbi binɨb awl akaÅ, binɨb tam okok akaÅ, tay tek mɨdɨl pen God chɨn ak nop bɨawl yɨbɨl agɨl pɨlɨkɨl, wog nop gɨpɨm okok, nop tep yɨbɨl agɨnɨmɨb agak. 6 Anɨb agaknɨŠnɨgɨnek, binɨb kuÅay yɨbɨl ñɨg awl apyapɨlɨg pug agup tek akaÅ, tɨmuk agaknɨŠgu awl agup tek agɨlɨg agɨlak, God Bɨawl yɨbɨl yɨb nop dad adek awl alaÅ aplanɨgun agɨlak. God chɨn Bɨawl yɨbɨl, tap okok mɨdupsek gɨnɨmuÅ tek nep mɨdeb ak, mɨñɨl binɨb man okok mɨdupsek kɨlop dɨl kod mɨdeb agɨlak. 7 Pen Chag Sipsip Ãɨluk ak bin ne nop dɨnɨgab ñɨn ak owup tek, bin ak bɨ dɨnɨg gɨtep gɨl mɨdeb agɨlak. Anɨb ak tep gaknɨŠmɨñmɨñ gɨlɨg, yɨb nop dad aplanɨgun agɨlak. 8 Bin ne nop, God chech kayɨg tep ñɨñakol gɨlɨg yɨbɨl mɨdeb olap ñek yɨmub agɨlak. Chech kayɨg tep yɨbɨl anɨb ak nɨm, tap teplep God binɨb ne gɨtep gɨpal okok agɨl apin. 9 Pen ensel ak yɨp agak, Takaw yad agɨnɨgebin ak ñu kɨl tɨkɨnɨmɨn agak. Binɨb God suk agek apɨl Chag Sipsip Ãɨluk bin dɨnɨgab tap awl ak ayɨp ñɨÅɨnɨgabal okok, mɨñmɨñ yɨbɨl gɨnɨgabal agak. Pen takaw olap yɨp agak, Takaw anɨb ak, God takaw ne nɨÅɨd yɨbɨl agup ak agak. 10 Pen ensel ak anɨb agek, yad tob agen nop sɨÅak kɨgom yɨmɨl nop agnɨgin agen, yɨp agak, Anɨb ma gɨnɨmɨn agak. Yad bɨ wog nop gɨñeb olap agak. Nad ayɨp namam nad okok ayɨp, nɨbi takaw Jisas agñub ak gos kɨles gɨl nɨÅɨd wog gɨpɨm tek, yad abe wog anɨgɨpin agak. God nop nokom gos anep lɨl agnɨgɨnɨmɨn agak. Chɨn nopun, takaw Jisas agñub ak, binɨb gos kɨlop pag yɨkek, God kɨlop gos ñek agñɨbal agak. 11 Pen tepayaÅ nɨgɨnek, God man ne alaÅ mɨgan yɨkɨl, chag hos kayɨg olap jak yek. Bɨ olap chag hos kayɨg adek ak besɨg yek, yɨb ne omɨÅal mɨdeb. Yɨb olap God Nop Chɨg Tep Gup, yɨb olap NɨÅɨd Yɨbɨl. Ne binɨb okok kɨlop bɨlok nɨÅɨd yul ñub ak, monmon ma ñub, gɨpal tek nɨÅɨd ñub. Anɨb ak binɨb okok ayɨp penpen gɨl ñag jup ak, suÅtep yɨbɨl mɨdɨl ñag jup. 12 Wɨdɨn ne ak, mab mɨÅɨlaÅ tek yek. Binɨb mɨdupsek kod mɨdeb tek, bɨnonɨm nag ak kuÅay yɨbɨl kɨmɨg cheg ne dum alaÅ lɨ yek. Yɨb olap tɨk lek yek, wak nop okok. Pen yɨb ne anɨb ak, binɨb yokɨp okok ma nepal. Ne nokom nɨgup. 13 Chech pal lɨ yek ak, nɨkɨm ak tawek amnak. Pen yɨb ne ak, God Takaw Ne apal. 14 Bɨ chɨm kadɨŠgep God man ne alaÅ nɨb okok, kɨli chech kayɨg teplep yɨbɨl okok keke lɨdɨl, chag hos kayɨg adek okok keke besɨg dɨl, nop kɨdek gɨlak. 15 Meg mɨgan ne ayaÅ, tu kɨd tɨmel yɨbɨl olap aplan jakup. Tu anɨb ak mɨdeb, binɨb man keke lak tek, kɨli ayɨp penpen gɨl pak yuk yokɨl, yɨl kɨles olap dɨl kɨlop kodɨnɨgab. Pen anɨgɨnɨgab ñɨn anɨb ak, kɨli wayn mɨdup tek mɨdel, God nop mɨlɨk yowak. Mɨlɨk yapek nɨm, bɨ anɨb ak nop agek, kɨlop dɨl wayn mɨdup taw chɨb jakup ak kab kɨwok mɨgan ak yokɨl, taw chɨb jakɨnɨgab. Pen kab kɨwok mɨgan takaw anɨb ak, takaw paladaÅ lɨl agɨl, God mɨlɨk yowak ak agak. God ne tap okok mɨdupsek gɨnɨmuÅ tek nep mɨdeb ak anɨgɨnɨgab. 16 Pen bɨ chag hos adek besɨg yek ak, chech pal ne okok sek, mɨle kɨd ne okok sek yɨb olap tɨkɨl agɨlak, Bɨnonɨm okok mɨdupsek ne ke bɨnonɨm awl yɨbɨl kɨli mɨdeb ak, bɨawl okok mɨdupsek ne ke Bɨawl yɨbɨl kɨli mɨdeb ak agɨlak. 17 Pen won ak nɨgɨnek, ensel olap sub wɨdɨn nab sɨÅalaÅ mɨdɨlɨg, yawl wɨÅɨd ajelak okok kɨlop suk awl agɨl agak, God nɨbop tap mɨdup awl ñɨnɨgeb nen, apnan gɨl ñɨÅɨnɨmɨb agak. 18 Apɨl, chɨp kubal yɨbɨl okok ñɨÅɨnɨmɨb agak. Gapman bɨnonɨm okok kɨlop ñɨbɨl, bɨ chɨm kadɨŠgep bɨawl yɨbɨl okok ñɨbɨl, bɨ chɨm kadɨŠgep okok ñɨbɨl, chag hos okok ñɨbɨl, bɨ chag hos dad ajɨpal okok ñɨbɨl gɨnɨmɨb agak. Pen binɨb wog gɨñeb bɨawl olap muk okok mɨdebal okok, binɨb wog gep bɨawl olap muk okok ma mɨdebal okok, binɨb yɨb awl mɨdeb okok, yɨb ma mɨdeb okok mɨdupsek, yɨpɨl kɨlop okok ñɨÅɨnɨmɨb agak. 19 Pen won ak nɨgɨnek, tap ladek ak sek, gapman bɨnonɨm lum awl kod mɨdebal okok sek, bɨ chɨm kadɨŠgep kɨli okok sek apnan gɨlak. Kɨli bɨ chag hos kayɨg adek ak besɨg yek ak ayɨp, bɨ chɨm kadɨŠgep ne okok ayɨp penpen gɨnɨgun agɨl apnan gɨlak. 20 Anɨgɨlak ak pen, bɨ chag hos kayɨg adek besɨg yek ak, ne tap ladek ak sek, bɨne nop gos ñek binɨb okok kɨlop yepɨs yɨbɨl agñak ak sek, kɨlopmɨÅal dɨ nag lɨl, mab mɨÅɨlaÅ salpa sek ke yɨneb mɨgan ak dɨyokak. Tap ladek bɨne anɨb ak, ned ne tap mageptek gɨl binɨb kuÅay yɨbɨl kɨlop yepɨs gek, tap ladek kɨjɨkɨl ne ak dɨl, kawnan nop tek nɨÅɨd gɨlɨlak ak agnɨgɨlak. 21 Pen bɨ chag hos kayɨg adek besɨg yek, tu meg mɨgan ne ayaÅ nɨb aplan jakak ak mɨdeb ak, bɨ omɨÅal bɨ chɨm kadɨŠgep kɨli okok, kɨlop mɨdupsek ñagak. Ãagek, yawl okok apɨl, yɨpɨl kɨlop okok ñɨb ñɨb mel nɨÅɨd kelɨgɨlak.