Lepelesin 11

1 Pen kul pal tap lɨnepal olap yɨp ñɨlɨg agak, Nad am God agnɨgep kal awl ak lɨnɨÅɨd, God nop tap sɨbogep abañ adek ak lɨnɨÅɨd gɨnɨmɨn agak. Binɨb God agnɨgep kal awl mɨgan apɨl, nop agnɨgebal okok abe, kɨlop ñɨn pag nɨgɨnɨmɨn agak. 2 Pen binɨb Juda mel okok, pel ap wali seÅayaÅ mɨdebal tek, tep anɨb ak sek ma lɨnɨgɨnɨmɨn agak. Taynen? God gek kɨli taun suÅtep Jelusalem taw chɨb jakɨlɨg mɨdel mɨdel, takan anep 42 ak amnɨgab agak. 3 Yad pen, bɨ takaw yɨp agñeb omɨÅal agyoken, wañɨŠday tek yɨmɨlɨg, gos yad dɨl agñɨ ajel, ñɨn anep 1,260 anɨb ak amnɨgab agak. 4 Bɨ takaw nop agñeb omɨÅal anɨb ak, mab olip bɨd omɨÅal tek ak pen, lam omɨÅal tek. Jakɨl yelak, Bɨawl lum awl kod mɨdeb ak nop wɨdɨn mɨdup adek sɨÅak. 5 Pen binɨb ogɨnap kɨlopmɨÅal gɨ tɨmel gɨnɨg gel, mab mɨÅɨlaÅ meg mɨgan kɨli omɨÅal ak nɨb apɨl, kɨlop yɨnek kumnɨgabal. KɨlopmɨÅal nebneb genɨgabal, anɨb ak tek kɨlop abe yɨn gɨnɨgab. 6 God kɨlopmɨÅal aglek wog nop gɨ dad amɨlɨg, takaw nop agñɨnɨgayl ñɨn anɨb ak, man ma pakaÅ agel ma yɨbɨl pakɨnɨgab. Pen ñɨg okok nɨkɨm sek laÅ agel nɨkɨm sek lɨnɨgab, binɨb lum awl okok kɨlop mɨÅel tɨtay okok gaÅ agel gɨ tɨmel gɨnɨgab. 7 Pen God takaw ak agñɨ dad amɨl, day julek, tap ladek kaw mɨgan kɨluÅ ma tɨkak ayaÅ nɨb ownɨgab ak, kɨli omɨÅal ayɨp penpen gɨ dad amɨl, pɨsnep ñag lek kumnɨgayl. 8 Chɨp pal omɨÅal anɨb ak yenɨgayl, taun kanɨb nab sɨÅak. Taun anɨb ak nɨm, Bɨawl kɨli anop mab bak alaÅ chɨpɨl pak tɨbɨk lel kumak. Pen chɨn takaw paladaÅ lɨl yɨb anɨb ak lɨpun, Sodom akaÅ Yijip. 9 Pen binɨb kɨli man keke mɨdebal tek, wak keke lup tek, jɨj keke mɨdebal tek, takaw keke apal tek ogɨnap, kɨlopmɨÅal yɨlɨk nɨgɨnɨgabal tek, chɨp omɨÅal anɨb ak ma dam kamnɨmɨb agɨnɨgabal. Kumnɨgayl ñɨn day ak tɨkɨl, ñɨn omɨÅal nokom sek ñag lɨnɨgabal tep sɨÅak yenɨgayl. 10 Bɨ God gos ñek agñeb omɨÅal anɨb ak, binɨb lum awl yɨl okok kɨlop mɨÅel awl ñelɨgɨpil tek kumel, pen paj agɨl, tap awl ñɨbɨlɨg, kɨmep agɨlɨg, tap pen ñek pen ñek gɨ yenɨgabal. 11 Pen ñɨn day ak sek, ñɨn omɨÅal nokom sek mɨdɨl, God añɨŠbad ak yokek nab kɨlop ayaÅ amek tɨkjakɨlek. Anɨgek nɨÅɨd, binɨb okok kɨlop jel gak. 12 Pen takaw awl olap, God man ne alaÅ nɨb kɨlopmɨÅal agɨl agak, Owil agak. Agek nɨm, binɨb kɨlopmɨÅal ñagɨlak okok nɨg yelaknɨÅ, wɨsɨp alaÅ kɨlop yu gek God man ne alaÅ amnɨlek. 13 Pen won anɨb ak nep monmon awl yɨbɨl ak dɨl, taun ak day anep ajɨp ak mɨdaknɨÅ, day anep wajɨlem ak pak jɨsɨpuk gɨl, binɨb 7,000 kɨlop paklek kumnɨlak. Pen binɨb yelak okok, tap gak anɨb ak nɨÅɨd pɨlɨkɨl, God Bɨawl man ne alaÅ yek ak yɨb nop dad aplanɨlak. 14 Anɨb ak mɨÅel awl yɨbɨl ned ak owak, nab ak owup, pen nɨgɨm. Mɨñɨl kɨdek ak ownɨgab. 15 Ensel kugul ak, akɨl ne ak pugek, takaw won anep God man ne alaÅ nɨb suk awl agɨl agɨlak, Mɨñɨl tɨkɨl bɨawl ogɨnap ke mel agɨlak. God Bɨawl chɨn ak sek, Bɨ God nop aglup ak sek bɨnonɨm mɨdɨl, binɨb man okok mɨdupsek yelak okok kɨlop dɨl kod mɨdebil agɨlak. Pel pelnep kod yenɨgayl agɨlak. 16 Pen 24 bɨawl okok, kɨli bɨawl besɨg mɨdep adek yelak God wɨdɨn mɨdup adek sɨÅak okok, kɨli apyap kɨgom yɨmɨlak. Kɨgom yɨmɨl, kɨmɨg kɨli abe lum ayaÅ puÅɨlɨl, God nop agnɨgɨlɨg agɨlak, 17 Nad God Bɨawl yɨbɨl, tap okok mɨdupsek gɨnɨmuÅ tek nep mɨdeb ak agɨlak. Mɨñɨl mɨdeban, bɨlel bɨlel yelɨgɨpan agɨlak. Bɨawl kɨles tɨmel yɨbɨl pel mɨdeban tek, mɨñɨl tɨkɨl binɨb man okok mɨdupsek dɨl kod mɨdeban ak nɨm, nep tep yɨbɨl agobun agɨlak. 18 Binɨb man okok nɨb nep nɨÅɨd kabɨyam ju yelɨgɨpal agɨlak. Pen mɨñɨl kabɨyam ju mɨdel kɨlop yul ñɨnɨgaban ñɨn ak owup agɨlak. Binɨb kumɨlak okok kɨlop, kot gep ñɨn ak owup ak nɨm, kɨlop kot gɨnɨgaban agɨlak. Binɨb nad kɨlop gos ñe agñeb wog nad gɨñɨbal okok sek, binɨb nad yɨl mɨdebal okok sek, kɨlop mɨdupsek gɨtep gɨnɨgaban agɨlak. Binɨb nep nɨÅɨd ñawl dɨl kɨdek gɨpal okok sek, yɨb sek mɨdebal akaÅ yɨb ma mɨdebal okok sek, kɨlop mɨdupsek gɨtep gɨnɨgaban agɨlak. Pen binɨb monmon gɨl, binɨb ogɨnap kɨlop ñag paklɨpal okok, kɨlop pen abe gɨ tɨmel gɨnɨgaban agɨlak. 19 Anɨb agelak, God agnɨgep kal awl man ne alaÅ yek ak mɨgan yɨkɨl, God takaw ag adek nokom lep mab bokis bad won ak mɨseÅ gek nɨgɨnok. Won anɨb ak nep añɨñak dɨlɨg, tɨmuk awl agɨlɨg, gu agek palsek amɨl, monmon dɨl, tun man mɨdup awl okok pakɨl gak.