Mak 10

1 Jisas man anɨb ak kelɨgɨl, Judiya plopens man nab okok amɨl, am ñɨg Jodan tɨkɨl, kɨd adaÅ amnak. Amek, binɨb kuÅay yɨbɨl nɨÅɨd apnan gelak, ne pel golɨgup tek kɨlop takaw agñak. 2 Bɨ Pelisi ogɨnap Jisas tay tek agɨnɨgab agɨl, yek ak apɨl, agnɨÅɨd agɨlak, God takaw ne tay agup agɨlak. Bin dɨl agyokɨnɨgab akaÅ mel, tay gos nepan agɨlak? 3 Agelak, Jisas agak, Mosis takaw tay agɨl tɨkak agak? 4 Agek agɨlak, Mosis agak, Bin agyokɨnɨg, nop ñu kɨl bad olap tɨkñɨl agyokɨnɨmuÅ agak agɨlak. 5 Agelak, Jisas agak, Takaw teplep ak nɨbop yɨlɨk gak ma dɨpɨm tek, Mosis takaw anɨb ak tɨkɨl nɨbop ñak agak. 6 Pen God bɨlel lum awl gɨlak ñɨn ak, bɨ gɨlɨl bin gɨlɨl gak agak. 7 Adek anɨb ak nɨm, bɨ okok nonɨm nap sɨkop ayɨp mɨdɨl, bin dɨlɨg kɨlop kelɨgɨl, 8 kɨli bel jɨmñɨl kɨnel wak nokom lup agak. God agek kɨli omɨÅal mɨdebil tek ma mɨdebil, wak nokom yɨbɨl lup agak. 9 God agek kɨli wak nokom yɨbɨl lup anɨb ak, bɨ ogɨnap tɨkjakɨl, kɨlop ag tɨg asɨk keke ma lɨnɨgel agak. 10 Anɨb agɨl, bɨne okok ayɨp tepayaÅ kal mɨgan ayaÅ amɨl, nop takaw anɨb ak agnɨgɨlak. 11 Agnɨgelak agak, Bɨ okok bin dɨl agyokɨl, bin kɨdeyɨl dɨnɨgabal ak, bin si dɨl tap tɨmel gɨnɨgabal agak. 12 Pen bin okok abe bɨ dɨl kelɨgɨl, bɨ kɨdeyɨl dɨnɨgabal ak, bɨ si dɨl tap tɨmel gɨnɨgabal agak. 13 Binɨb okok, kɨli Jisas ñɨpay chɨnop okok dɨnɨgaÅ agɨl, dad apel, bɨne okok pen binɨb anɨb okok kɨlop nɨg chɨkɨl agɨlak. 14 Ag gelak, Jisas kɨlop pen ag gɨl agak, Ãɨsɨkol paysɨkol okok kelɨgem yad yɨl owlaÅ agak. God binɨb dɨl kɨlop kod yenɨgab anɨb ak nɨm, ñɨsɨkol paysɨkol anɨb okok tek agak. 15 Anɨb ak nɨbop nɨÅɨd agebin, binɨb kɨli ñɨsɨkol paysɨkol kɨli God nop muk okok mɨdebal tek ma yenɨgabal ak, kɨli God binɨb dɨl kɨlop kod yenɨgab mɨgan ak ma amnɨgabal agak. 16 Anɨb agɨl, ñɨsɨkol paysɨkol okok kɨlop kay gɨl, ñɨn dɨ mɨdɨlɨg agak, God nɨbop kod yonɨmuÅ agak. 17 Pen Jisas amnaknɨÅ, bɨ olap kasek amɨl Jisas am yek tob agen sɨÅak kɨgom yɨmɨl agak, Tisa tep yɨbɨl, yad tap tay gen, God gek pel pelnep yenɨgayn agak? 18 Agek Jisas agak, Yɨp taynen bɨ tep yɨbɨl apan agak? Binɨb olap tep yɨbɨl ma mɨdebal, God nokom nɨm bɨ tep yɨbɨl mɨdeb agak. 19 Pen Mosis takaw ñu kɨl tɨkak ak nad nepan, anɨb agup, Chɨp ma ñagɨnɨmɨb, bin si bɨ si ma gɨnɨmɨb, tap si ma dɨnɨmɨb, yepɨs ma agɨnɨmɨb, yepɨs yepɨs agɨlɨg binɨb ogɨnap tap okok ma taw pɨlɨg dɨnɨmɨb, nanɨm nap takaw agɨnɨgel tek nɨÅɨd kɨdek gɨnɨmɨb agup agak. 20 Anɨb agek, bɨ anɨb ak Jisas nop agak, Tisa. Yad ñɨsɨkol mug tɨkɨl, Mosis takaw ñu kɨl tɨkak anɨb okok mɨdupsek nɨgɨlɨg kɨdek gɨpin agak. 21 Agek, Jisas nop mapen lɨl agak, Tap nokom olap nep ma gɨpan agak. Amɨl, tap nad tɨtay mɨdeb okok mɨdupsek yokɨl mani dɨl, binɨb tap ma mɨdeb okok kɨlop ñɨnɨmɨn agak. Anɨgɨl nɨm, nad tap teplep yenɨgab, God man ne alaÅ agak. Apin tek gɨl apɨl, yad ayɨp ajonɨgul agak. 22 Anɨb agek, bɨ anɨb ak tap ne kuÅay yek tek, mɨlɨk yapɨl chɨb gek gos pal yɨbɨl lɨlɨg amnak. 23 Amek, Jisas bɨne okok kɨlop nɨg kuskus gɨl agak, Binɨb tap kuÅay mɨdeb okok, kɨli koslam yɨbɨl sɨlɨgɨl ameb tek mɨdeb, God binɨb dɨl kɨlop kod yenɨgab ak agak. 24 Anɨb agek, gos kuÅay yɨbɨl nɨgelak, kɨlop tepayaÅ agak, Ãapay yad okol. Binɨb kɨli koslam yɨbɨl sɨlɨgɨl ameb tek mɨdeb, God binɨb dɨl kɨlop kod yenɨgab ak agak. 25 Chag kamel okok ñu alɨguñ yokep mɨgan tek ak amnɨg kasek amnɨgel tek lup agak. Binɨb pen mani tap kɨli kuÅay mɨdeb okok, kɨli God binɨb ne mɨdɨnɨg, koslam yɨbɨl binɨb ne mɨdel, kɨlop dɨl kod yenɨgab agak. 26 Anɨb agek, bɨne okok gos pal awl yɨbɨl lɨl, pen agnɨgek pen agnɨgek gɨl agɨlak, Takaw agup anɨb ak, binɨb okok God yɨl pel pelnep yonɨgun tek ma lup agɨlak. AkaÅ tay agɨlak? 27 Agelak, Jisas kɨlop nɨgɨlɨg agak, Binɨb okok ke gɨnɨgel tek ma lup agak. God nokom nɨm tɨtay gɨnɨg, gɨnɨmuÅ tek nep mɨdeb agak. 28 Pen Pita Jisas nop agak, Nɨgan, tap chɨn okok mɨdupsek kelɨgɨl, nad ayɨp nep chɨgɨl kɨdek gɨpun agak. 29 Agek agak, Yad nɨbop nɨÅɨd agebin agak. Binɨb yɨp gos nɨÅɨd, takaw teplep wog ak gɨnɨg, kal man kɨli kelɨgɨl akaÅ, nɨmam nɨnay kɨli kelɨgɨl akaÅ, nonɨm nap kɨli kelɨgɨl akaÅ, ñapay kɨli okok kelɨgɨl akaÅ, tap wog kɨli okok kelɨgɨl, takaw teplep wog ak genɨgabal ak, 30 God kɨlop dɨtep yɨbɨl gɨnɨgab agak. Kɨlop kod yek lum awl yenɨgabal ñɨn ak, nap, nonɨm, nɨmam, nɨnay, ñapay, kal, wog okok kuÅay yɨbɨl ñɨnɨgab agak. Pen binɨb yokɨp okok kɨli, binɨb God wog ak gɨpal okok kɨlop gɨ tɨmel yɨbɨl gɨnɨgabal agak. Ãɨn kɨdek ak pen apek, binɨb God wog ak gɨpal okok kɨli pel pelnep yenɨgabal agak. 31 Binbɨ kuÅay okok kasek amnun agɨl ned abal, kɨli kɨdek amnɨgabal agak. Pen binbɨ kɨdek abal okok, kɨlop tawsak lɨl ned amnɨgabal agak. 32 Pen kɨli Jelusalem amɨlɨg, Jisas ned gak. Bɨne okok kɨdek gɨl gos pal lɨlɨg amnɨlaknɨÅ, binɨb kɨdek gɨl apelak okok nɨÅɨd pɨlɨkɨlak. Jisas pen, bɨne anep umɨgan ak kɨlop poÅɨd gol sɨÅak amɨl, tap nop tay gɨnɨgab ak kɨlop agñak. 33 Agñɨlɨg agak, Nɨgɨm. Chɨn Jelusalem amon, Bɨ Olap Ãɨne nop mɨmug gɨl, dɨl bɨ God nop sɨbogep bɨawl okok sek, bɨ kɨli Mosis takaw ñu kɨl tɨkak ak nɨgtep gep okok sek kɨlop ñɨnɨgab agak. Ãek, kɨli takaw aglɨl agɨnɨgabal, Bɨ anɨb awl nop paklep agɨnɨgabal agak. Anɨb agɨl, bɨ Juda mel okok kɨlop ñɨnɨgabal agɨlak. 34 Ãel, nop agjuwɨl, kɨñuk gɨl, nag dɨl pakɨl, dam pɨsnep paklel kumnɨgab ak pen, ñɨn omɨÅal nokom mɨdɨl, tepayaÅ tɨkjakɨnɨgab agak. 35 Sepedi ñɨne Jemis ayɨp Jon ayɨp apɨl Jisas nop agɨlek, Tisa, chɨlmɨÅal nep takaw olap agnɨgɨnɨgobul, chɨlop yaw agɨnɨmɨn agɨlek. 36 Anɨb agelek, Jisas agak, Yɨp agnɨgɨnɨgebil anɨb ak, ñɨlop tay gɨnɨm agak? 37 Agek agɨlek, Kɨdek nad Bɨawl yɨbɨl mɨdɨl, man mɨdupsek kod yenɨgaban ñɨn ak, chɨlop ge bɨ kod mɨdep mɨdɨl, olap ñɨn yɨpɨd kɨd okok ken, olap ñɨn aÅɨd kɨd okok ken besɨg yonɨgul agɨlek. 38 Anɨb agel, Jisas kɨlop agak, Ãɨli omɨÅal nɨgtep gɨl yɨp ma agnɨgebil agak. Ãɨg sɨlek yad ñɨÅɨnɨgayn ak ñɨli omɨÅal abe ñɨÅɨnɨgayl akaÅ agak? MɨÅel awl yɨbɨl yad dɨnɨgayn ak abe dɨnɨgayl akaÅ agak? 39 Agek, Yaw agɨlek. Agelek, Jisas agak, NɨÅɨd apil agak. Ãɨg sɨlek yad ñɨÅɨnɨgayn ak ñɨli omɨÅal abe ñɨÅɨnɨgayl agak. MɨÅel awl yɨbɨl yad dɨnɨgayn ak abe dɨnɨgayl agak. 40 Pen ñɨn yɨpɨd kɨd ak an yenɨgab, ñɨn aÅɨd kɨd ak an yenɨgab ak yad ke ma aglɨnɨgayn agak. Ak God tap ne, ne ke kɨlop nɨgup tek gɨnɨgab agak. 41 Pen Jisas bɨne anep wajɨlem ak takaw anɨb ak nɨÅɨd, Jemis ayɨp, Jon ayɨp kɨlop ag gɨlak. 42 Ag gelak, Jisas kɨlop agek apel agak, Nɨbi nepɨm, man keke binɨb Juda mel okok, bɨawl yɨbɨl kɨli okok kɨlop kodɨpal agak. Pen bɨawl kɨli okok, kɨli takaw kɨles gɨl agɨl apal, Takaw chɨnop kɨdek gɨlaÅ apal agak. 43 Nɨbi pen anɨb ak tek ma gɨnɨmɨb agak. Bɨ nɨbi olap bɨawl mɨdɨnɨg gonɨmuÅ ak, wog gɨñeb nɨbi yonɨmuÅ agak. 44 Pen bɨawl yɨbɨl mɨdɨnɨg gonɨmuÅ ak, binɨb okok mɨdupsek kɨlop monmon yɨbɨl wog gɨñeb yonɨmuÅ agak. 45 Bɨ Olap Ãɨne abe anɨb ak nep tek agak. Yad bɨawl mɨden yɨp wog gɨñɨnɨgel agɨl lum awl ma owak agak. Ne kɨlop gɨñɨnɨg owak agak. Kɨlop kuÅay tawnɨm agɨl gos nɨÅɨd kumak agak. 46 Jisas bɨne okok ayɨp taun Jeliko apjakɨlak. Kɨli mɨdɨl amnɨg gelak, binɨb kuÅay yɨbɨl ayɨp amnɨlak. AmnɨlaknɨÅ, bɨ Timeyus ñɨne Batimeyus wɨdɨn koy gek, kanɨb gol sɨÅak besɨg mɨdɨlɨg, mani tap okok nen asɨb agɨlɨg yek. 47 Agɨlɨg mɨdaknɨÅ, Jisas bɨ Nasalet nɨb apal agel nɨÅɨd, ne suk agɨl agak, Jisas, Depid Ãɨne, yɨp mapen nɨÅɨd dɨtep gɨnɨmɨn agak. 48 Agek, binɨb kuÅay okok nop ag gɨl agɨlak, Ma agan, kɨmɨgel mɨde agɨlak. Anɨb agɨlak ak pen, ne kɨmɨgel ma yek, suk awl agɨl agak, Depid Ãɨne, yɨp chɨb nɨÅɨd dɨtep gɨnɨmɨn agak. 49 Agek, Jisas apek nab sɨÅak alad gɨl agak, Nop agem owaÅ agak. Agek, binɨb okok bɨ wɨdɨn koy anop agɨlak, Jisas nep ageb nen, tɨkjakɨl gos sek ownɨmɨn agɨlak. 50 Agelak, chech palsek ne ak tɨg asɨk yokɨl kasek jakɨl yek, Jisas yek ak amnak. 51 Amek, Jisas nop agak, Yɨp tay gaÅ agɨl apeban agak? Agek agak, Tisa, wɨdɨn ak nɨgin agɨl apebin agak. 52 Agek, Jisas agak, Tep. Yɨp gek suÅ lɨnɨgab agɨl gos nepan tek, suÅ lup nen amnoÅ agak. Anɨb agaknɨÅ, day wɨdɨn yɨbɨl nɨÅɨd, Jisas ayɨp kanɨbtam amnɨlek.