Matyu 26

1 Jisas takaw anɨb ak agjuwɨl, bɨne okok kɨlop agak, 2 Nɨbi nepɨm, ñɨn omɨÅal mɨdɨl, Pasopa ñɨn awl ak mɨñɨl agɨl, apnan gɨl yenɨgabal agak. Pen kɨli anɨgɨl apnan gɨl, Bɨ Olap Ãɨne nop dɨl bɨawl okok kɨlop ñɨl agɨnɨgabal, Nop mab bak alaÅ chɨpɨl pak tɨbɨk lem kumaÅ agɨnɨgabal agak. 3 Pen bɨ God nop sɨbogep bɨawl okok sek, Juda bɨawl okok sek, kɨli apɨl bɨ God nop sɨbogep bɨawl yɨbɨl Kayapas kal ak nan gɨl, 4 Jisas nop tɨtay dɨl kɨmɨgel chɨchɨk dɨl, ñag lɨnɨgun agɨl, takaw aglɨl gelak. 5 Pen agɨlak, Pasopa ñɨn awl anɨgon, binɨb kuÅay yɨbɨl ap mɨdebal okok penpen gɨnɨgel tek lup agɨlak. Anɨb ak mɨñɨl kelɨgɨl, ñɨn olap nop paklɨnɨgun agɨlak. 6 Jisas man sɨkol Betani mɨdɨl, Saymon bɨlel bɨ soy ladek lak ak, kal ne ak am tap ñɨbelak. ÃɨÅɨlaknɨÅ, bin olap wel kuy tep owep, mani awl tawpal ak, botol sek dad apɨl, Jisas nop kɨmɨg cheg ak sogak. 8 Sogek, Jisas bɨne okok chɨbol kɨlop ak tɨmel gek agɨlak, Wel anɨb ak dad amɨl mani awl dɨl, binɨb yɨmgeptek okok mani anɨb ak kɨlop ñeb tek ak pen, taynen yokɨp sogup agɨlak? 10 Takaw anɨb ak agelak Jisas nɨÅɨd kɨlop agak, Ne yɨp gɨtep yɨbɨl gup, taynen anɨb agebɨm agak? 11 Binɨb yɨmgeptek okok ayɨp pel yenɨgabɨm, pen yad ayɨp pel ma yonɨgabun agak. 12 Binɨb kamnɨg, wel lɨñɨl dam kabal tek ak yɨp lɨñeb agak. 13 Yad nɨbop nɨÅɨd agebin, kɨdek man okok mɨdupsek, takaw yɨp ak agñɨlɨg, bin ak Jisas nop wel lɨñak agɨl nop kesɨm dɨlɨg, gak anɨb ak nɨg nep yenɨgabal agak. 14 Pen Jisas bɨne anep umɨgan olap Judas Yiskaliyot, ne bɨ God nop sɨbogep bɨawl okok kɨlop nɨgɨnɨg amnak. 15 Amɨl agak, Jisas nop chen gɨ dad apɨl nɨbop ñenɨgayn, yɨp tap tay ñɨnɨgabɨm agak? Agek nop mani silpa 30 tek ak ñɨlak. 16 Ãelak, Judas pen tɨtay gɨl kɨlop agen, Jisas nop ap dad amnɨgel agɨl gos ak nɨgak. 17 Pen bilet ma yɨnɨg tanub ñɨbal ñɨn awl anɨb ak owak. Ãɨn ned owak ñɨn ak, bɨne okok Jisas yek ak apɨl agɨlak, Ãɨn Pasopa chag sipsip ñɨluk pak ñɨÅɨnɨgabun ak wulep mɨdeb agɨlak. Anɨb ak chɨn kal akal amɨl, tap ñɨÅɨnɨgabun okok gɨlɨtep gɨnɨgun agɨlak. 18 Agelak kɨlop agak, Nɨbi taun awl ak amɨl, bɨ olap nop agɨnɨmɨb, Tisa agup, Ãɨn God ne yɨp aglak ak wulep mɨdeb ak nɨm, bɨyad okok ayɨp Pasopa chag sipsip ñɨluk pak dagɨl ñɨÅɨnɨgabun, kal nad ak agup agɨnɨmɨb agak. 19 Jisas anɨb agek, bɨne okok agak tek nɨÅɨd, amɨl Pasopa chag sipsip ak pakɨl, kal mɨgan anɨb ak dagɨl gɨlɨtep gelak. 20 Dugep won ak bɨne anep umɨgan ak ayɨp besɨgɨl, 21 tap ñɨbɨlɨg agak, Yad nɨbop nɨÅɨd agebin, bɨ nɨbi olap yɨp chen gɨ dad amnɨgab agak. 22 Agek bɨne okok chɨb nɨÅɨd gos kuÅay nɨÅɨd, nokom nokom nop agnɨgɨlɨg agɨlak, Bɨawl, yɨp apan tek agɨlak? 23 Agelak agak, Bɨ yad ayɨp kɨnag nokom ñɨbobul ak, yɨp chen gɨ dad amnɨgab agak. 24 Buk Baybol ak bɨlel agɨl tɨkɨlak tek, Bɨ Olap Ãɨne chen gɨ dad amɨl, paklek kumnɨgab agak. Bɨ anɨb ak pen, ne Bɨ Olap Ãɨne nop chen gɨ dad amnɨgab ak, ne tɨtay dɨnɨgab agak. Nonɨm nop ma tɨkɨpɨkop ak, tep yɨbɨl agak. Pen nop tɨkek, yul awl yɨbɨl ak dɨnɨgab agak. 25 Agek, bɨne Judas nop chen gɨnɨg gak ak agak, Tisa, yɨp apan tek agak? Agek agak, Nɨm apan ak agak. 26 Tap ñɨb mɨdɨlɨg Jisas bilet ak dɨl, God nop tep agɨl, tɨpagɨl bɨne okok kɨlop ñɨlɨg agak, Dɨl ñɨÅɨm agak. Ak mubwak yad agak. 27 Anɨb agɨl, ñɨg wayn kɨnag ak abe dɨl, God nop tep agɨl, kɨlop ñɨlɨg agak, Nɨbi mɨdupsek ñɨÅɨnɨmɨb agak. 28 Ãɨg awl nɨm, nɨkɨm yad binɨb kuÅay yɨbɨl kɨlop nen sogɨnɨgab ak nɨbop ñebin agak. Nɨkɨm yad sogɨnɨgab anɨb ak nɨm, God tap si tap tɨmel gɨpal okok tɨg walɨg gɨyokɨnɨgayn agak takaw ak am wos gɨnɨgab agak. 29 Anɨb agɨl agak, Yad nɨbop agebin, mɨñɨl ñɨn awl tɨkɨl ñɨg wayn ma ñɨÅɨnɨgayn agak. Yokɨp yɨbɨl mɨden mɨden, God binɨb dɨl kɨlop kod yenɨgab ñɨn ak ownɨgab agak. Anɨb ñɨn ak, ñɨg wayn koÅɨm ñɨÅɨnɨgayn agak. 30 Anɨb agɨl, bɨne okok ayɨp kɨmep olap agɨl, man Olip dum amnɨlak. 31 Jisas kɨlop agak, Buk Baybol ak tɨkɨl agɨlak, God agup, Yad bɨ chag sipsip mukep ak nop paklen, chag sipsip okok mɨdupsek pɨlɨk amnɨgabal agup agɨl tɨkɨlak agak. Agɨlak anɨb ak nɨm, mɨñɨl maynab ayaÅ nɨbi mɨdupsek tap yɨp tɨtay dɨl gɨnɨgab ak nɨÅɨd, gos yɨp ak kelɨgɨl, pɨlɨk amnɨgabɨm agak. 32 Pen yad kumɨl tɨkjakɨl, Galili plopens ned amnɨgayn, nɨbi kɨdek amnɨgabɨm agak. 33 Agek Pita agak, Bɨ mɨdupsek tap nep tɨtay dɨl gɨnɨgab ak nɨÅɨd, nep kelɨgɨnɨgabal tek lup, yad pen mel yɨbɨl, nep ma kelɨgɨnɨgayn agak. 34 Agek Jisas agak, Yad nep nɨÅɨd agebin, mɨñɨl maynab ayaÅ yawl kakaluk suk ma agɨnɨgab won ak, nad agɨnɨgaban, Bɨ anɨb anop ma nepin agɨnɨgaban agak. Takaw anɨb ak won omɨÅal nokom agɨnɨgaban agak. 35 Agek Pita kɨles tɨmel gɨl agak, Yɨp paklɨnɨg paklɨnɨgabal ak pen, Jisas bɨyad mel agɨl ma agɨnɨgayn agak. Jisas bɨne mɨdupsek abe Pita agak tek nep agɨlak. 36 Jisas bɨne okok ayɨp, kɨli man olap yɨb Getsemani apal ak amɨl, kɨlop agak, Nɨbi awl besɨg yenɨmɨb agak. Yad sɨÅadaÅ amɨl, Bapi nop agɨnɨgayn agak. 37 Anɨb agɨl, Pita nop poÅɨd, Sepedi ñɨne kɨlop omɨÅal poÅɨd saÅɨdak. Amɨlɨg, Jisas chɨbol yul awl yɨbɨl nɨÅɨd, 38 kɨlop yakam agak, Mɨdupmɨdup yɨp puÅɨl ñeb ak, kumnɨm tek lup agak. Nɨbi awl mɨdɨl, yɨp kod mɨdɨl nɨgtep gɨl yenɨmɨb agak. 39 Anɨb agɨl, kɨlop anɨb sɨÅak aglɨl, ne yep wulep anɨb sɨÅak amɨl, jel kuyan gɨl, jomulɨk ak dɨ lum ayaÅ lɨl, God nop agnɨÅɨd agak, Bapi, tap yɨp gɨnɨgeb anɨb ak mel agɨl yɨl, mel agɨnɨmɨn agak. Pen yad gos nepin adek ak ma gɨnɨmɨn, gos nad ke nepan tek gɨnɨmɨn agak. 40 Anɨb agɨl adɨkɨd apɨl nɨgak, bɨne okok kɨnelak. Pen Pita nop agak, Won olap taynen yad ayɨp nɨg mɨdɨl ma kɨnebɨm agak? 41 Chɨn tap tɨmel ma gɨnɨgun agɨl, God nop agɨlɨg yenɨmɨb agak. Gos nɨbi ak gɨnɨmɨb tek lup ak pen, mubwak anep kɨles ma gup agak. 42 Jisas anɨb agɨl, tepayaÅ amɨl Nap nop agɨl agak, Bapi, tap yɨp gɨnɨgeb ak, kelɨgep tek ma mɨdeb monmon gaÅ, gos nak agak. 43 Anɨb agɨl, tepayaÅ adɨkɨd apɨl nɨgak, wɨsɨn apek pɨsnep kɨn amnɨlak. 44 Pen ne kɨlop kelɨgɨl adɨkɨd amɨl, Nap nop ned agak tek nep tepayaÅ agnɨgak. 45 AgnɨÅɨd, adɨkɨd apɨl, bɨne okok kɨlop agak, Nɨbop kɨles ma gek kɨn mɨdebɨm akaÅ agak? Tɨkjakem amnun agak. Nɨgɨm. Won anɨb ak Bɨ Olap Ãɨne nop chen mɨmug gɨ dad amnɨgeb agak. Bɨ yɨp mɨmug nɨgup ak, bɨ tap si tap tɨmel gɨpal okok yɨp ñɨn adek kɨli ak ñɨnɨg, kɨlop poÅɨd apeb awl agak. 47 Jisas takaw agaknɨÅ, bɨne anep umɨgan ak, kɨli olap Judas ne Jisas yek ak apjakak. Pen bɨ God nop sɨbogep bɨawl okok sek, Juda bɨawl okok sek kɨli agɨlak tek, Judas ne bɨ kuÅay yɨbɨl kɨlop poÅɨd apjakak. Bɨ poÅɨd owak anɨb okok, kɨli baynat ogɨnap, kul ogɨnap dɨl dad sek owlak. 48 Judas kɨlop aglɨl agak, Yad bɨ olap nop am dɨl, kaykol gɨneknɨŠagɨnɨmɨb, Jisas nɨm ak agɨl, nop chɨchɨk dɨnɨmɨb agak. 49 Agak tek Jisas yek ak apjakɨl agak, Tisa mɨdeban agɨl, nop kaykol gak. 50 Anɨgek Jisas agak, Bogɨlak, gɨnɨgeban anɨb ak kasek gan agak. Agek, bɨ Judas ayɨp owlak okok kɨli apɨl Jisas nop chɨchɨk dɨlak. 51 Pen nop anɨgɨl dɨlaknɨÅ, Jisas bɨne olap baynat ne ak lɨpɨg dɨl, bɨ God nop sɨbogep bɨawl yɨbɨl ak bɨ wog gɨñeb ne olap nop, tɨmud pɨskɨd ak pɨsnep tɨbɨlɨk yokak. 52 Anɨgek Jisas nop agak, Baynat ak dɨpan okok tep ak lɨge amnaÅ agak. Binɨb baynat dɨl penpen gɨpal okok, adek anɨb ak nep kumnɨgabal agak. 53 Nɨbi gos ma nepɨm akaÅ agak? Yad Bapi suk apɨnep, ne ensel kuÅay yɨbɨl agyokek apɨl, yɨp kod yebɨlap agak. 54 Pen bɨlel buk Baybol ak yɨp tɨkɨl, nop anɨb anɨb gɨnɨgel agɨlak ak nɨm, anɨgɨnɨmuÅ agak. Anɨb ak yad adek olap ke genɨgayn, yɨpɨd ma gɨnɨgab agak. 55 Pen bɨ nop dɨnɨg owlak anɨb okok kɨlop agak, Yad mɨnek mɨnek amɨl, God agnɨgep kal awl kab wali kus gɨl yek ak, wali mɨgan ak besɨgɨl, binɨb okok kɨlop takaw agñɨbin agak. Agñɨbin ak pen, yɨp dɨ nag ma lɨpɨm agak. Mɨñɨl pen baynat sek, kul sek dad apɨl, bɨ tap si dep tek ak yɨp dɨpɨm agak. 56 Pen gɨpɨm anɨb ak, bɨ God gos ñek agñeb okok gɨnɨgab agɨl tɨkɨlak tek nep gɨpɨm agak. Pen won anɨb ak Jisas bɨne okok mɨdupsek nop kelɨgɨl, pɨlɨk amnɨlak. 57 Pen bɨ Jisas nop chɨchɨk dɨlak okok, kɨli nop dad, Kayapas ne bɨ God nop sɨbogep bɨawl yɨbɨl kal ak amnɨlak. Won anɨb ak, bɨ kɨli Mosis takaw ñu kɨl tɨkak ak nɨgtep gep okok sek, Juda bɨawl okok sek kɨli apnan gɨ yelak, kal anɨb ak. 58 Pen Pita kɨdek kɨdek amɨl, kal seÅ adek ak amjakɨl, wali mɨgan ayaÅ amɨl, bɨ kal anɨb ak kod mɨdeb okok ayɨp besɨgɨl, tay tek gɨnɨgabal agɨl nɨg yek. 59 Bɨ God nop sɨbogep bɨawl okok sek, bɨ Juda bɨawl takaw tɨg asɨkep okok mɨdupsek kɨli agɨlak, Chɨn bɨ takaw yepɨs agɨnɨgel ogɨnap kɨlop agnɨgon, kɨli apɨl takaw olap agel, chɨn nɨÅɨd, nɨÅɨd apɨm agɨl, Jisas nop paklɨnɨgun agɨlak. Anɨb agɨlak ak pen, takaw anɨb ak keke amek jɨj nɨÅɨd nop paklɨnɨgel tek olap ma yek. Kɨdek pen bɨ omɨÅal apɨl 61 agɨlek, Bɨ anɨb awl ne agak, God agnɨgep kal awl ak tɨbɨlɨk yokɨl, ñɨn omɨÅal nokom mɨdɨl, tepayaÅ gɨnɨgayn agak agɨlek. 62 Anɨb agelek, bɨ God nop sɨbogep bɨawl yɨbɨl ak, ne tɨkjakɨl Jisas nop agnɨÅɨd agak, Takaw nep apal ak, pen ma agɨnɨgaban akaÅ agak? 63 Agek, Jisas pen takaw olap ma yɨbɨl agak. Anɨgek, bɨ God nop sɨbogep bɨawl yɨbɨl ak agak, Mɨñɨl kot mɨdobun awl, yepɨs ma agɨnɨmɨn agak. God Bɨawl pel mɨdep ak abe nɨg mɨdeb agak. Anɨb ak chɨnop yɨpɨd gɨl agɨnɨmɨn agak. Nad Bɨ God nop aglup ak, God Ãɨne yɨbɨl mɨdeban akaÅ agak? 64 Agek Jisas agak, Nɨm apan ak agak. Pen nɨbi nɨgɨm agak. Yad nɨbop agebin, kɨdek Bɨ Olap Ãɨne, ne God bɨ kɨles tɨmel mɨdeb ak ñɨn yɨpɨd kɨd okok ken besɨg mɨdɨl, wɨsɨp adek alaÅ nɨb lum awl apek nɨgɨnɨgabɨm agak. 65 Jisas anɨb agek, bɨ God nop sɨbogep bɨawl yɨbɨl ak, taynen anɨb agup agɨl, chech ne okok ke tɨg talɨkɨlɨg agak, Ne God nop agjulɨg agosup agak. Taynen binɨb ogɨnap sek agnɨgɨnɨgun agak. God nop agjuwep takaw ak mɨseÅ agup nɨbi nepɨm agak. 66 AkaÅ nɨbi gos tay nepɨm agak? Agek agɨlak, Nɨm agup ak nen, kumnɨmuÅ agɨlak. 67 Anɨb agɨl, jomulɨk nop kɨñuk gɨñɨlɨg, pakɨlɨg gɨlak. Ogɨnap we gɨl, mɨkem nop okok pak gɨlɨg 68 agɨlak, Nad bɨ God gos ñek agñeb olap anɨb ak agan, nep an pakeb agɨlak. Nad Bɨ God nop aglup ak, chɨnop age nɨgun agɨlak. 69 Pen Pita ne besɨgɨl kal seÅ sɨÅak wali mɨgan ayaÅ mɨdaknɨÅ, bin kal anɨb ak wog gɨñeb olap apɨl, nop agak, Nad Jisas bɨ Galili nɨb ak ayɨp yesɨpil agak. 70 Agek, Pita binɨb okok mɨdupsek nɨg yelaknɨŠkɨlop agak, Takaw nad ageban ak yad ma nepin agak. 71 Anɨb agɨl, tɨkjakɨl am kanɨbtub sɨÅak mɨdaknɨÅ, bin kal anɨb ak wog gɨñeb olap sek apɨl nop nɨÅɨd, bɨ yelak okok kɨlop agak, Bɨ anɨb ak ne Jisas Nasalet nɨb ak ayɨp mɨdel nepin agak. 72 Agek, Pita ag sɨlokɨl agak, Yad nɨÅɨd yɨbɨl apin agak. Bɨ apɨm anɨb ak yad ma yɨbɨl nepin agak. 73 Sɨkol won olap mɨdɨl, bɨ Pita ayɨp jak yelak okok nop agɨlak, NɨÅɨd yɨbɨl apun, nad bɨ kɨli olap agɨlak. Meg mɨgan kɨli apal tek apan agɨlak. 74 Agelak, Pita takaw tɨmel agɨl kɨles gɨl agɨl agak, Yad nɨbop nɨÅɨd yɨbɨl apin, bɨ nɨbi apɨm anɨb ak yad ma yɨbɨl nepin agak. Pen anɨb agaknɨÅ, yawl kakaluk ak suk agak. 75 Agek, Pita gos ak nɨgak, Jisas ned agak, Kakaluk suk ma agɨnɨgab won ak agɨnɨgaban, Jisas nop ma nepin agɨnɨgaban agak. Takaw anɨb ak won omɨÅal nokom agɨnɨgaban agak. Takaw anɨb ak gos nɨÅɨd, seÅ amɨl chaÅ awl yɨbɨl lak.