Matyu 24

1 Jisas ne God agnɨgep kal awl kab wali kus gɨl yek ak kelɨgɨl seÅ amnaknɨÅ, bɨne okok nop apɨl agɨlak, God agnɨgep kal awl kab wali kus gɨl yek ak, kal anɨb okok wali mɨgan ayaÅ mɨdeb ak nɨgan agɨlak. 2 Agelak kɨlop pen agak, Nɨbi kal anɨb okok mɨdupsek nepɨm akaÅ agak? Yad nɨbop nɨÅɨd agebin, Kɨdek bɨ ogɨnap apɨl, kal anɨb okok gɨ tɨmel gel, kab olap kab olap adek ak ma yenɨgab, pɨsnep pɨpag pakɨl dɨyokɨnɨgabal agak. 3 Jisas anɨb agɨl, amɨl dum Olip besɨgɨl mɨdaknɨÅ, bɨne okok kɨli nep apjakɨl nop agnɨÅɨd agɨlak, Chɨnop agñan, tap agesɨpan ak, ñɨn akal tek gɨnɨgab agɨlak? Pen tap tay gek chɨn nɨÅɨd anɨb agɨnɨgabun, Ãɨn kɨdek ak apɨl, nad wulep ownɨgeban agɨnɨgabun agɨlak? 4 Agelak Jisas kɨlop agak, Nɨgtep gɨnɨmɨb agak. Bɨ kuÅay yɨbɨl yepɨs agɨl, yɨb yɨp ak dɨlɨg agɨnɨgabal, Yad nep Bɨ God nop aglup ak apebin agɨnɨgabal agak. Anɨb agel, binɨb kuÅay yɨbɨl takaw yepɨs anɨb ak nɨgɨnɨgabal ak pen, nɨbi ma nɨgɨnɨmɨb agak. 6 Man okok penpen gɨnɨgabal agak. Pen binɨb agɨnɨgabal, Man okok penpen gebal agɨnɨgabal agak. Anɨgɨnɨgab ak pen, gos nɨgtep gɨl gos kuÅay ma nɨgɨnɨmɨb agak. Tap anɨb okok gonɨmuÅ tek lup ak pen, ñɨn kɨdek ak ownɨgeb agɨl gos ak ma nɨgɨnɨmɨb agak. 7 Man ogɨnap tɨkjakɨl, man ogɨnap ayɨp penpen ñagɨnɨgabal agak. Binɨb wakay ogɨnap tɨkjakɨl, binɨb wakay ogɨnap ayɨp penpen ñagɨnɨgabal agak. Pen man keke okok yuwan awl gɨl, monmon awl dɨnɨgab agak. 8 Tap gɨnɨgab mɨdupsek anɨb okok, bin ñapay ñɨbosup, wulep mɨdeb agɨl nepal tek nep gɨnɨgab agak. 9 Pen yɨp yɨl mɨdebɨm tek nɨbop mɨmug gɨl, gɨ tɨmel gɨl pɨsnep paklɨnɨgabal agak. Binɨb man okok mɨdupsek nɨbop mɨlɨk nɨgɨnɨgabal agak. 10 Ãɨn anɨb ak, binɨb kuÅay God nop gos ak kelɨgɨl, kɨli ke okok mɨlɨk nɨÅɨd, mɨmug gɨl bɨ ñagep okok ñɨn adek ak lɨnɨgabal agak. 11 Pen bɨ kuÅay God takaw agobun agɨl yepɨs apal okok, binɨb okok kɨlop yepɨs gel kuÅay nɨgɨnɨgabal agak. 12 Kɨli gɨ tɨmel gep adek ak nep gel amnɨgab agak. Anɨb ak, binɨb kuÅay kɨli binɨb okok kɨlop mapen lep ak sawl gɨnɨgabal agak. 13 Pen binɨb an kɨles gɨl yɨp yɨl yenɨgab ak, mɨd dad amɨl ñɨn kɨdek ownɨgab ak, God nop tɨg asɨk dɨnɨgab agak. 14 Pen God binɨb dɨl kɨlop kod yenɨgab takaw teplep ak, lum awl ak mɨdupsek agñɨnɨgabal agak. Agñel, binɨb man okok mɨdupsek nɨgɨnɨgabal ak nɨm, ñɨn kɨdek ak ownɨgab agak. 15 Jisas takaw olap agak, Tap tɨmel asɨkep yɨbɨl olap, bɨ God gos ñek agñeb Danyel ne bɨlel tap anɨb ak nop takaw ogɨnap tɨkɨl agak. Pen tap anɨb ak, God agnɨgep kal awl mɨgan ak lel yenɨgab ak nɨgɨnɨgabɨm agak. Takaw tɨkebin anɨb awl, nɨgtep gɨnɨmɨb. 16 Pen agak, Tap tɨmel asɨkep yɨbɨl nɨgenɨgabɨm ñɨn anɨb ak, binɨb Judiya plopens yenɨgel okok, pɨlɨk dum oklaÅ okok amnɨgel agak. 17 Binɨb kal adek alaÅ yenɨgel okok, tap dɨnɨg adɨkɨd kal mɨgan ma amnɨgel agak. 18 Binɨb wog day okok ajenɨgel okok, chech tap okok dɨnɨg adɨkɨd kal ma amnɨgel agak. 19 Ãɨn anɨb ak, bin ñapay kogmeg yenɨgabal okok sek, ñapay tul ñɨnɨgabal okok sek, koslam pɨlɨk amnɨgabal agak. 20 Tap gɨnɨgab anɨb okok, tap tɨmel awl yɨbɨl gɨnɨgab agak. God alwol gɨlak ñɨn ak tɨkɨl, mɨd dad apɨl mɨdobun ñɨn awl, tɨmel awl yɨbɨl anɨb ak tek ma gak, kɨdek abe anɨb ak tek ma gɨnɨgab agak. Anɨb ak tek, God nop agnɨgem, yobup lɨnɨmuŠñɨn ak sek, Juda añɨŠlep ñɨn awl ak sek ma gɨnɨmuÅ agak. 22 Tap tɨmel awl yɨbɨl anɨb okok gɨ nep yobɨkop, binɨb mɨdupsek kum dɨpɨlap agak. God pen binɨb ne dɨnɨg aglak okok kɨlop gos nɨÅɨd, tap tɨmel anɨb okok yep won olap nep gɨnɨmuÅ agak. 23 Pen ñɨn anɨb ak, binɨb ogɨnap nɨbop agɨnɨgabal, Nɨgɨm, Bɨ God nop aglup ak mɨdeb awl akaÅ, Ne mɨdeb adaÅ agenɨgel, nɨÅɨd apal agɨl ma nɨgɨnɨmɨb agak. 24 Bɨ ogɨnap apjakɨl agɨnɨgabal, Yad nɨm Bɨ God nop aglup ak akaÅ, Yad nɨm bɨ God gos ñek agñeb olap agɨl, yepɨs yepɨs agɨlɨg, tap mageptek awl yɨbɨl ogɨnap gɨnɨgabal agak. Bɨ anɨb okok, kɨli binɨb okok kɨlop yepɨs agon takaw chɨnop nɨgɨnɨgabal agɨl gos nepal agak. Pen kɨli God binɨb ne aglak okok kɨlop abe yepɨs agun agɨl, tap anɨb okok anɨgɨl gɨnɨgabal agak. 25 Nɨgɨm, tap tɨtay kɨdek gɨnɨgab ak, nɨbop agen nepɨm agak. 26 Anɨb ak binɨb ogɨnap agɨnɨgel, Nɨgɨm, ne man nep binɨb ma yelak nab okok mɨdeb agenɨgel, nɨgɨnɨg ma amnɨmɨb agak. Pen agɨnɨgel, Nɨgɨm, ne kal mɨgan ayaÅ mɨdeb agenɨgel, nɨÅɨd apal agɨl ma nɨgɨnɨmɨb agak. 27 Nɨgɨm. Añɨñak bol ak dup tek, sub apjakup ayɨm nɨb ak saÅɨd amub oÅɨd gaknɨŠbinɨb okok kɨli nepal agak. Anɨb ak tek ak, Bɨ Olap Ãɨne ownɨgab ñɨn ak, ne anɨgɨl owaknɨÅ, binɨb okok mɨdupsek nop nɨgɨnɨgabal agak. 28 Tap ogɨnap wog bɨg yɨnɨg lɨnɨgab ak, man anɨb ak yawl apnan gɨnɨgabal agak. 29 Jisas takaw olap agak, Pen mɨÅel awl anɨb okok gɨ tek dak, won anɨb ak sub ak gach gɨl, takan ak mɨlek ma gɨnɨgab agak. Gap okok wɨsɨp alaÅ nɨb pugju apyapɨl, tap adekab alaÅ okok, okok nɨb okok nɨb gɨnɨgab agak. 30 Anɨgenɨgab, Bɨ Olap Ãɨne ownɨg gaknɨÅ, adekab alaÅ ke lek, binɨb man okok keke mɨdebal tek, nɨÅɨd chaÅ lɨnɨgabal agak. Bɨ Olap Ãɨne, kɨles awl sek mɨlek awl sek dɨl, wɨsɨp bad sek owaknɨÅ, binɨb okok mɨdupsek nop nɨgɨnɨgabal agak. 31 Pen akɨl awl agaknɨÅ, ensel ne okok agyokenɨgab, man ak mɨdupsek am kus gɨl, adekab sek lum awl sek puÅɨlek amnak ak, binɨb God kɨlop aglak okok mɨdupsek dɨ yɨpɨlɨg dap nan gɨnɨgabal agak. 32 Jisas takaw olap agak, Mab sɨlup lup ak nɨÅɨd gos nɨgɨnɨmɨb agak. Mab okok sɨlup lɨl wos gaknɨÅ, mɨñɨl sub lɨnɨgeb agɨl nepɨm agak. 33 Anɨb ak tek, tap anɨb okok agebin ak gaknɨŠnɨgɨnɨgabɨm, Bɨ Olap Ãɨne ownɨg gɨnɨgab ñɨn ak wulep mɨdeb, kanɨbtub wulep sɨÅak yenɨgab agak. 34 Yad nɨbop nɨÅɨd agebin agak. Binɨb jɨj mɨñɨl mɨdebal adek awl ogɨnap yelaknɨÅ, tap anɨb okok mɨdupsek gek nɨÅɨd kɨdek kumnɨgabal agak. 35 Adekab sek, lum awl sek kul gɨnɨgab ak pen, takaw yad ak ma kul gɨnɨgab agak. 36 Pen Jisas takaw olap agak, Ãɨn akal akaÅ, won akal tap anɨb okok gɨnɨgab ak, binɨb okok ma nepal, ensel God man ne alaÅ mɨdebal okok ma nepal, Ãɨ abe ma nɨgup agak. Nap ne nokom nɨgup agak. 37 Bɨ Olap Ãɨne ownɨgab ñɨn anɨb ak, binɨb bɨlel Nowa yek ñɨn ak gak tek gɨnɨgabal agak. 38 Nowa yek ñɨn anɨb ak, ñɨg ak binɨb okok kɨlop ma yu gak won ak, binɨb okok tap ñɨbɨlɨg, ñɨg ñɨbɨlɨg, bin penpen ñɨlɨg gɨ yelaknɨÅ, Nowa sip mɨgan ayaÅ amnak ñɨn ak agak. 39 Pen kɨli tap olap gɨnɨgab agɨl gos ma nɨgɨlak agak. Anɨgɨl gos ma nɨgel, man awl yɨbɨl ak pakɨl, ñɨg wɨlɨk apɨl, binɨb anɨb okok kɨlop mɨdupsek dad amnak agak. Bɨ Olap Ãɨne ownɨgab ñɨn ak, anɨb ak tek nep gɨnɨgab agak. 40 Ãɨn anɨb ak, bɨ omɨÅal wog day yenɨgayl ak, God bɨ olap nop dɨl olap nop kelɨgɨnɨgab agak. 41 Pen bin omɨÅal bilet jɨmñɨl gɨ yenɨgayl ak, olap nop dɨl olap nop kelɨgɨnɨgab agak. 42 Anɨb ak, Bɨawl nɨbi ownɨgab ñɨn ak ma nepɨm tek, nɨgtep gɨl yenɨmɨb agak. 43 Pen anɨb ak gos nɨgɨnɨmɨb agak. Bɨ kal nap nɨb ak, ne bɨ tap si dep ak won akal apeb agɨl nɨÅɨd nɨm, wɨsɨn ma kɨnɨl nɨg yek, bɨ tap si dep ak kal bog tɨkɨl kal mɨgan ma ownɨmuÅ agak. 44 Anɨb ak tek nɨbi abe nɨgtep gɨl yenɨmɨb agak. Mel ak, Bɨ Olap Ãɨne ma apeb agɨl, sawl gɨl yenɨgabɨm ñɨn ak ne ownɨgab agak. 45 Jisas takaw olap agak, Bɨ wog gɨñeb ak an gos tep yek, wog gɨtep yɨbɨl gɨnɨgab ak, bɨawl ne ak amnɨg gɨl nop agɨnɨgab, Binɨb wog gɨñeb yad okok kɨlop kod yenɨmɨn agɨnɨgab agak. Tap ñɨÅeb kɨlop okok bɨlok ñɨlɨg gɨ yenɨmɨn agɨnɨgab agak. 46 Kɨdek bɨawl ne adɨkɨd apɨl nɨgɨnɨgab, bɨ wog gɨñeb anɨb ak agɨnɨgab tek gek, nop dɨtep yɨbɨl gek mɨñmɨñ gɨnɨgab agak. 47 Yad nɨbop nɨÅɨd agebin, bɨawl ne nop agek tap anɨb okok mɨdupsek kod yenɨgab agak. 48 Pen bɨ wog gɨñeb anɨb ak, ne bɨ tɨmel mɨdeb tek, gos ne ke nɨÅɨd agɨnɨgab, Bɨawl yad ak kasek ma ownɨgab agɨl, 49 binɨb wog gɨñeb okok ayɨp wog gɨpal okok, kɨlop tapɨn pakɨnɨgab agak. Pakɨl, tap ñɨbɨl, ñɨg kɨles ñɨbɨl, bɨ ogɨnap ñɨg kɨles ñɨbɨl sawl lek mɨdebal okok ayɨp yenɨgabal agak. 50 Pen bɨawl ne ak kasek ma ownɨgab agɨl gos nɨgɨnɨgab ñɨn ak apɨl, 51 nop tɨmel yɨbɨl gɨl, binɨb God nop gos nopun agɨl yepɨs yɨbɨl gɨpal okok, kɨli mɨdebal nab okok nop aglɨnɨgab agak. Pen binɨb mɨdebal anɨb okok ayɨp meg sulɨlɨg, chaÅ lɨlɨg yenɨgabal agak.