Matyu 2

1 Pen Helod ne gapman bɨnonɨm yek ñɨn ak, Maliya ne Jisas nop tɨkak, man sɨkol Betlehem, Judiya plopens nab okok. Tɨkek, bɨ gos nɨgep ogɨnap, kɨli sub lɨm gup tam okok nɨb apɨl, Jelusalem apjakɨl 2 agɨlak, Bin olap, ne Juda binɨb bɨnonɨm kɨli ak nop tɨkup agɨlak. Mɨñɨl dɨlel mɨdeb akal agɨlak? Man chɨn okok mɨdɨl nopun, gap ne ak aplan jakak nɨÅɨd nɨm, nop kɨgom yɨmɨl agnɨgɨnɨg apobun agɨlak. 3 Anɨb agelak, gapman bɨnonɨm Helod takaw anɨb ak nɨÅɨd, judɨl gos pal lak. Pen Jelusalem binɨb abe anɨgɨlak. 4 Pen gapman bɨnonɨm Helod, ne bɨ God nop sɨbogep bɨawl okok kɨlop suk agak. Bɨ kɨli Mosis takaw ñu kɨl tɨkak ak nɨgtep gep okok, kɨlop abe suk agak. Yislel bɨawl anɨb okok mɨdupsek kɨlop suk agek, apelak agak, Bɨ God nop aglup ak, binɨb okok kɨlop dɨl kod yenɨgab agak. Bɨ anɨb ak, nop tɨkɨnɨgabal man akal agak? 5 Agek agɨlak, Nop tɨkɨnɨgabal man sɨkol Betlehem, Judiya plopens nab okok agɨlak. Bɨ God gos ñek agñeb ak, ne takaw agɨl tɨkak tek, chɨn nɨÅɨd anɨb ak nopun agɨlak. Bɨ God gos ñek agñeb ak, ne anɨgɨl tɨkɨl agak, 6 Judiya plopens nab okok, man keke kuÅay mɨdeb agɨl tɨkak agɨlak. Man sɨkol Betlehem nɨgel sɨkol tek lup ak pen, Bɨawl yɨbɨl olap man anɨb ak nɨb ownɨgab agɨl tɨkak agɨlak. Ne apɨl, God binɨb ne Yislel kay kɨlop kod yenɨgab agɨl tɨkak agɨlak. Anɨgɨnɨgab tek man sɨkol Betlehem yɨb awl yenɨgab agɨl tɨkak agɨlak. 7 Anɨb agelak, gapman bɨnonɨm Helod nɨÅɨd, amɨl bɨ gos nɨgep okok kɨlop suk agek apelak kɨmɨgel agak, Ãɨn akal tek gap anɨb ak aplan jakak agak? Agek, nop takaw anɨb ak agñelak, 8 kɨlop Betlehem agyokɨnɨg agak, Nɨbi am ñɨ anɨb ak pɨyow nɨgtep gɨnɨmɨb agak. Ãɨn akal nop nɨÅɨd, yɨp apɨl agem, yad abe amɨl, nop kɨgom yɨmɨl yɨb nop dad aplanɨm agak. 9 Helod anɨb agek nɨÅɨd, nop kelɨgɨl saÅɨdɨlaknɨÅ, gap ned aplan jakek nɨgɨlak ak tepayaÅ nɨÅɨd, kɨli kɨdek gɨlak. Gap ak am am, ñɨ ak kal yek nab sɨÅak nep alad gak. 10 Anɨgek nɨÅɨd, kɨlop tep yɨbɨl gek mɨñmɨñ tɨmel yɨbɨl gɨlak. 11 Pen kal mɨgan ayaÅ amɨl nɨgɨlak, ñɨ ak nonɨm Maliya ayɨp yelek. NɨÅɨd, apyap kɨgom yɨmɨl yɨb nop dad aplanɨlak. Yɨb nop dad aplanɨl, wad kɨli okok aÅɨlɨl, tap teplep yɨbɨl okok nop ñɨlak. Gol ogɨnap sek, wel kuy tep owep ogɨnap sek, mab mok kuy tep owep ogɨnap sek nop ñɨlak. 12 Pen kɨdek kɨnɨl wɨsɨn nɨgɨlak, God agak, Adɨkɨd Helod yɨl ma amnɨmɨb agak. Anɨb agek nɨÅɨd, tɨkjakɨl kanɨb pal olap ke amɨl, man kɨli amnɨlak. 13 Pen bɨ gos nɨgep okok man kɨli adɨkɨd amel, Josep wɨsɨn nɨgak, Bɨawl ensel ne olap apɨl nop agak, Helod ñɨ ak paklin agɨl, pɨyow nɨgɨnɨgeb agak. Anɨb ak tɨkjakɨl, ñɨ amɨlmɨÅal ak kasek poÅɨd, pɨlɨk man Yijip amɨl yenɨmɨn agak. Pen ownɨmɨn agen, tepayaÅ adɨkɨd ownɨmɨn agak. 14 Agek, Josep maynab ayaÅ tɨkjakɨl, ñɨ amɨlmɨÅal ak poÅɨd man Yijip amnak. 15 Pen Josep amɨl man Yijip mɨdel mɨdel, Helod kumak ñɨn ak. Tap anɨb okok, bɨ God gos ñek agñeb ak gɨnɨgab agɨl tɨkak tek nep gak. Takaw anɨb ak tɨkɨl agak, God ne agup, Ãɨ yad ak man Yijip mɨdeb ak, nop suk agen adɨkɨd ownɨmuÅ agup agɨl tɨkak. 16 Pen Helod ne nɨgak, bɨ gos nɨgep okok kɨlop agak tek ma gɨl yepɨs gelak, nop mɨlɨk tɨmel yɨbɨl yowak. Yapek, gos olap nɨÅɨd anɨb agak, ÃɨÅaÅ anɨb ak kɨdek tɨkɨlak ñɨn ak, gap ak aplan jakek, yɨp agtep gɨl amnɨlak agak. Anɨb ak yad nepin, Betlehem ñɨÅaÅ tɨkel, sub omɨÅal yɨnub okok sek, ñɨÅaÅ kɨdek tɨkebal okok sek paklɨl nɨm, ñɨ anɨb ak sek paklɨnɨgabun agak. Anɨb agɨl, bɨne ogɨnap agyokek amɨl, ñɨÅaÅ Betlehem wulep yelak okok mɨdupsek pak lɨdɨlak. 17 Betlehem ñɨÅaÅ pak jel tɨk lɨlak anɨb ak, bɨ God gos ñek agñeb Jelemaya gɨnɨgab agɨl tɨkak tek nep gɨlak. Jelemaya takaw anɨb ak tɨkɨl agak, 18 Man sɨkol Lama kɨli chɨb gek takaw pug awl yɨbɨl agɨl, chaÅ awl lebal agɨl tɨkak. Bin Lechel binɨb ne okok, ñɨÅaÅ ma mɨdebal agɨl tɨkak. Anɨb ak chɨb gek chaÅ lebal, binɨb ogɨnap kɨlop agdep tek ma leb agɨl tɨkak. 19 Pen kɨdek gapman bɨnonɨm Helod kumek, Josep man Yijip kɨnɨl wɨsɨn nɨgak, Bɨawl ensel ne olap apɨl nop agak, 20 Bɨ ñɨ ak paklɨnɨg gɨlak okok kubal agak. Anɨb ak tɨkjakɨl, ñɨ amɨlmɨÅal ak poÅɨd, adɨkɨd man Yislel amnɨmɨn agak. 21 Agek, Josep ne tɨkjakɨl, ñɨ amɨlmɨÅal ak poÅɨd adɨkɨd man Yislel amnak. 22 Pen amjakek, takaw olap agɨlak, Helod kumek, ñɨne Akelaws tep ne ak dɨl gapman bɨnonɨm mɨdɨl, Judiya binɨb kɨlop kod mɨdeb agɨlak. Agelak nɨÅɨd, Josep ne Akelaws mɨdeb ak taydɨl man anɨb ak amnɨm agɨl pɨlɨkak ak pen, kɨnɨl wɨsɨn nɨgak, God nop agak, Judiya plopens ma adɨkɨd amnɨmɨn, Galili plopens amnɨmɨn agak. Agek, Josep kɨlop poÅɨd amɨl taun Nasalet, Galili plopens am yolɨgup. Am yolɨgup anɨb ak, bɨ God gos ñek agñeb okok gɨnɨgab agɨlak tek nep gak. Kɨli takaw anɨb ak tɨkɨl agɨlak, Nop bɨ Nasalet nɨb agɨnɨgabal agɨl tɨkɨlak.