Matyu 18

1 Ãɨn anɨb ak Jisas bɨne okok apɨl nop agɨlak, God binɨb dɨl kɨlop kod yenɨgab ak, bɨ an bɨawl yɨbɨl tek mɨdeb agɨlak? 2 Agelak, Jisas ñɨsɨkol olap suk agek apek, bɨne yelak nab sɨÅak dɨl jak ñɨl 3 agak, Yad nɨbop nɨÅɨd agebin, gos nɨbi ke nepɨm ak kelɨgɨl, ñɨsɨkol paysɨkol mɨdebal tek yenɨmɨb agak. Mel ak, God nɨbop dɨl kod ma yenɨgab agak. 4 Anɨb ak binɨb an ne ke kɨmɨgel mɨdɨl, ñɨsɨkol nɨm awl tek yenɨgab ak, God binɨb dɨl kɨlop kod yenɨgab nab ak bɨawl yɨbɨl tek yenɨgab agak. 5 Pen binɨb yɨp gos nɨÅɨd, ñɨsɨkol nɨm awl tek olap dɨtep gɨnɨgab ak, nop nep mel, yɨp dɨtep gɨnɨgab agak. 6 Jisas takaw olap agak, Pen binɨb ogɨnap, kɨli ñɨsɨkol paysɨkol olap yɨp gos lɨnɨgup ak nop gel apyap pakɨnɨgab ak, tɨmel yɨbɨl gɨnɨgabal agak. Kɨlop kab awl yɨbɨl okok kuÅam ak nag lɨ tɨbɨkɨl, dam ñɨg solwala ak yokel ñɨg ñɨbɨl kubɨkep ak, kɨlop gɨtep gɨpɨlap agak. Taynen? Binɨb ogɨnap koÅɨm mɨdɨl ñɨsɨkol paysɨkol olap nop gɨ tɨmel gɨnɨgabal ak, kɨdek yul awl yɨbɨl dɨnɨgabal agak. 7 Tap ogɨnap apɨl binɨb okok gek, tap si tap tɨmel gɨnɨgabal ak nɨm, kɨdek tɨtay dɨnɨgabal agak. Tap anɨb okok ownɨmuÅ ak pen, bɨ an gek tap tɨmel anɨb ak ownɨgab ak, bɨ anɨb ak kɨdek tɨtay dɨnɨgab agak? 8 Ãɨn kɨd akaÅ, tob kɨd nad olap tap si tap tɨmel gɨnɨg gonɨmuÅ, pɨs kɨd anɨb ak tɨbɨlɨkɨl dɨyokɨnɨmɨn agak. Nak ñɨn kɨd nokom olap akaÅ, tob kɨd nokom olap yenɨgab ak, pel mɨdep ak dɨnɨgaban, teplep yɨbɨl agak. Pen ñɨn nak kɨd omɨÅal akaÅ, tob kɨd omɨÅal yenɨgab ak, mab ke yɨneb amnɨgaban, tɨmel yɨbɨl agak. 9 Pen wɨdɨn mɨdup olap tap si tap tɨmel gɨnɨg gonɨmuÅ, wɨdɨn pɨs kɨd anɨb ak tɨgju yokɨnɨmɨn agak. Nak wɨdɨn kɨd nokom olap yenɨgab ak, pel mɨdep ak dɨnɨgaban, teplep yɨbɨl agak. Pen wɨdɨn nak kɨd omɨÅal yenɨgab ak, mab ke yɨneb amnɨgaban, tɨmel yɨbɨl agak. 10 Nɨbi nɨgtep gɨnɨmɨb agak. Ãɨsɨkol paysɨkol olap tap yokɨp agɨl gos ak ma nɨgɨnɨmɨb agak. Yad nɨbop agebin, ensel ñapay sɨkol anɨb okok kɨlop kod mɨdebal okok, kɨli Bapi ne man ne alaÅ mɨdeb ak pelpel wulep sɨÅak mɨdebal agak. Mɨdɨl, ñapay sɨkol anɨgɨl mɨdebal takaw anɨb ak, Bapi nop agñɨbal agak. 12 Jisas takaw olap agak, Nɨbi gos tay nepɨm agak? Bɨ olap chag sipsip 100 tek muk yenɨgab agak. Pen nokom olap am kul genɨgab, ne tɨtay dɨnɨgab agak? Chag sipsip 99 tek kɨlop dum alaÅ kelɨgɨl, nokom am kul gɨnɨgab anop pɨyow nɨgɨnɨg amnɨgab agak. 13 Yad nɨbop nɨÅɨd agebin, am pɨyow aj aj dɨl nɨm, mɨñmɨñ yɨbɨl gɨnɨgab agak. Chag sipsip 99 tek ne nɨgek tep gup tek ma gɨnɨgab, chag ne am kul gek pɨyow nɨgɨnɨgab anop nɨgek tep anɨb ak ke yɨbɨl gɨnɨgab agak. 14 Anɨb ak tek, Bapi nɨbi man ne alaÅ mɨdeb ak, ne ñɨsɨkol paysɨkol olap ma kul gɨnɨmuÅ agɨl nɨgup agak. 15 Jisas takaw olap agak, God binɨb ne olap ne nep gɨ tɨmel gonɨmuÅ, am nod ayɨp ke mɨdɨl, tap gɨnɨmuÅ anɨb ak mɨseÅ agɨnɨmɨn agak. Anɨgɨl age nɨg dek nɨm, namam nanay nad tek yɨbɨl yenɨgab agak. 16 Pen ma nɨg dek, am binɨb nokom akaÅ omɨÅal tek poÅɨd, amɨl nɨg yeleknɨÅ, takaw agɨnɨmil agak. 17 Pen anɨgem ma yɨbɨl nɨg donɨmuÅ, binɨb God yɨl mɨdebal okok mɨdupsek nɨg yelaknɨŠagɨnɨmɨn agak. Pen ma nɨg donɨmuÅ, binɨb God nop gos ma nepal okok sek, bɨ takis dep okok sek, kɨlop gɨpan tek ak nop gɨnɨmɨn agak. 18 Yad nɨbop nɨÅɨd agebin, tap tay gup lum awl ak nɨgem, yɨpɨd ma gek mel agɨnɨgabɨm ak, God man ne alaÅ mɨdeb ak ne abe mel agɨnɨgab agak. Pen tap tay gup lum awl ak nɨgem, yɨpɨd gek yaw agɨnɨgabɨm ak, God man ne alaÅ mɨdeb ak ne abe yaw agɨnɨgab agak. 19 Binɨb omɨÅal akaÅ, omɨÅal nokom tek, gos yɨp nɨÅɨd apnan genɨgabal, yad nab kɨlop okok dɨ wɨlɨk malɨkɨl yenɨgayn agak. Anɨb ak yad tepayaÅ nɨbop nɨÅɨd agebin, binɨb omɨÅal lum awl mɨdɨl, takaw ag adek nokom lɨl, Bapi nop agnɨgenɨgayl, Bapi man ne alaÅ mɨdeb ak ne agɨnɨgayl tek gɨnɨgab agak. 21 Pita ne Jisas yek wulep sɨÅak apɨl agak, Bɨawl, God binɨb ne olap yɨp ñɨn tɨtay tek gɨ tɨmel gek, nop nɨÅɨd kelɨgɨnɨm agak? Yɨp ned gɨ tɨmel genɨgab, nop nɨÅɨd kelɨgɨnɨm akaÅ agak? Pen kɨdek yɨp gɨ tɨmel genɨgab, nop nɨÅɨd kelɨgɨnɨm akaÅ agak? Pen yɨp gɨ tɨmel gɨnɨgab ak, gɨ dam dam ñɨn anep kugul oÅɨd amjakek, nop nɨÅɨd kelɨgɨnɨm akaÅ agak? 22 Agek Jisas agak, Yad nep agebin, ñɨn anep kugul tek nɨÅɨd kelɨgɨnɨmɨn agak. Pen nep gɨ tɨmel ogɨnap sek gek, nop nɨÅɨd kelɨgɨnɨmɨn agak. Pelpel nop nɨÅɨd kelɨgɨnɨmɨn agak. 23 Anɨb ak nɨgɨm agak. God binɨb dɨl kɨlop kod yenɨgab ak, kesɨm debin awl tek gɨnɨgab agak. Bɨawl olap mani ne ogɨnap dɨl, bɨ wog gɨñeb ne ogɨnap kɨlop ñɨl agɨnɨgab, Kɨdek yɨp pen tep ak ñɨnɨmɨb agɨnɨgab agak. Kɨdek pen, bɨ wog gɨñeb ne okok kɨlop agɨnɨgab, Yɨp tep ak ñɨnɨmɨb agɨnɨgab agak. 24 Bɨawl ak, bɨ nop wog gɨñeb okok, tap day yɨp okok pen ñɨm agek, bɨ tap day ne mani yɨl 10 milion kina, ñɨn juwɨl kuÅay yɨbɨl nep yek olap nop dad ownɨgabal agak. 25 Bɨ anɨb ak tap day awl yɨbɨl yek, pen ñɨnɨmuÅ tek ma lɨnɨgab agak. Anɨgek bɨawl ak nɨÅɨd, bɨne ogɨnap kɨlop agɨnɨgab, Gup anɨb ak nop dɨl, bin ñapay, tap ne tɨtay mɨdeb okok mɨdupsek dɨl, dam lem tawnɨgel, mani anɨb ak dap yɨp ñɨnɨmɨb agɨnɨgab agak. 26 Anɨb agek bɨ anɨb ak pen, kɨgom yɨmɨl, jel kuyan gɨl, bɨawl anop agɨnɨgab, Nad yɨp chɨb nɨÅɨd ñɨn ogɨnap kod mɨdenɨmɨn, tap day nak anɨb ak mɨdupsek day pagɨnɨgayn agɨnɨgab agak. 27 Agek, bɨawl ak nop chɨb nɨÅɨd, tap day ne anɨb ak nɨÅɨd kelɨgɨnɨgab agak. 28 Anɨgɨl kelɨgek, bɨ wog gɨñeb anɨb ak ne pen amɨl nɨgak, bɨne ayɨp wog gɨnɨgayl olap yek. Bɨne ayɨp wog gɨnɨgayl anɨb ak, tap day ne mani yɨl nokom sɨkol yɨbɨl nep yenɨgab agak. NɨÅɨd, nop kuÅam chɨchɨk dɨl agɨnɨgab, Nep mani yɨl nokom ñɨnek ak, yɨp pen ñan agɨnɨgab agak. 29 Agek, bɨne ayɨp wog gɨnɨgayl anɨb ak kɨgom yɨmɨl, jel kuyan gɨl agɨnɨgab, Yɨp chɨb nɨÅɨd ñɨn ogɨnap kod mɨdenɨmɨn, tap day nak anɨb ak mɨdupsek day pagɨnɨgayn agɨnɨgab agak. 30 Agek, bɨ anɨb ak pen takaw nop ak ma nɨÅɨd anɨb agɨnɨgab, Nep dam nag lenɨgayn, tap day anɨb ak day pagɨl nep nɨm, seÅ amnɨgaban agɨl, nop dam nag lɨnɨgab agak. 31 Anɨgek, bɨne ayɨp wog gɨnɨgabal okok kɨlop chɨbol tɨmel gek, amɨl bɨawl kɨli anop takaw anɨb ak mɨdupsek agñɨnɨgabal agak. 32 Agñel, bɨawl ak bɨne anɨb anop suk agek apek agɨnɨgab, Nad bɨ tɨmel yɨbɨl agɨnɨgab agak. Yɨp chaÅ lɨpan, nep chɨb nɨÅɨd tap day yad nep mɨdeb ak kelɨgɨpin agɨnɨgab agak. 33 Pen taynen, bɨ ayɨp wog gɨpil anop mapen nɨÅɨd tap day ma kelɨgɨpan agɨnɨgab agak? 34 Bɨawl ak mɨlɨk tɨmel nɨÅɨd, bɨ anɨb ak nop dam nag lɨl, bɨ nag lep kod mɨdeb kɨlop agɨnɨgab, Nop nag lel, yul gaknɨŠmɨdɨl, tap day yɨp ak day pagɨl nep, seÅ amnɨgab agɨnɨgab agak. 35 Anɨb ak God binɨb ne okok nɨbop gɨ tɨmel gel kɨlop nɨÅɨd ma kelɨgenɨgabɨm, Bapi man ne alaÅ mɨdeb ak, ne nɨbop abe anɨb ak tek gɨnɨgab agak. Anɨb ak kɨlop chɨb nɨÅɨd, nɨbop tɨmel gɨpal ak nɨÅɨd kelɨgɨnɨmɨb agak.