Luk 7

1 Jisas binɨb anɨb okok kɨlop takaw agñɨjuwɨl, taun Kapeneyam amnak. 2 Pen man anɨb ak, Lom bɨ chɨm kadɨŠgep bɨawl ak olap yek, bɨ chɨm kadɨŠgep kuÅay yɨbɨl kod mɨdolɨgup. Ne takaw olap nɨgak, Jisas ap Kapeneyam yek. Anɨb ak nɨÅɨd, Juda bɨawl ogɨnap agyokɨl agak, Bɨ tep, wog yɨp gɨñeb ak, tap gɨl kumnɨgeb nen, nɨbi am Jisas nop poÅɨd apem, gek suÅ laÅ agak. 4 Agek, Jisas yek ak apɨl, takaw kɨles gɨl agɨlak, Bɨ chɨm kadɨŠgep bɨawl ak, bɨ tep yɨbɨl agɨlak. Chɨnop Juda binɨb okok pel kod mɨdtep gɨl, apnan gɨpun kal ak chɨnop olap gak agɨlak. Anɨb ak nad am bɨ anɨb ak, bɨ wog gɨñeb ne ak nop ge suÅ lɨnɨmuÅ agɨlak. 6 Agel, Jisas bɨ anɨb okok ayɨp am am kal wulep wulep gɨlaknɨÅ, bɨ chɨm kadɨŠgep bɨawl anɨb ak takaw olap pen agɨl, bɨne ogɨnap kɨlop agyokek, am Jisas nop nebeÅ pakɨlak. Nop nebeÅ pakɨl agɨlak, Bɨawl chɨn ak nep agup, Bɨawl. Yad bɨ tep mel, kal yad ak tob yul ma ownɨmɨn agup agɨlak. 7 Yad bɨ tep tek, nad yɨl nɨnɨm agup agɨlak. Pen yad nepin, bɨawl yad ak, ne yɨb awl mɨdeb, yad nop muk okok mɨdebin agup agɨlak. Yad pen, yɨb awl mɨdebin, bɨ chɨm kadɨŠgep okok kɨli yɨp muk okok mɨdebal agup agɨlak. Olap nop AmnoÅ agen, ne amub agup agɨlak. Olap nop Owan agen, ne owup agup agɨlak. Bɨ wog gɨñeb yad anop Anɨb ak gɨnɨmɨn agen, ne anɨb ak gup agup agɨlak. Anɨb ak, suÅ laÅ agɨl takaw anep agenɨmɨn, bɨ wog gɨñeb yad tap gup anop suÅ lɨnɨgab agup agɨlak. 9 Anɨb agelak, Jisas bɨ anɨb ak gos ne ke nɨÅɨd agup agɨl, ju dɨl gos pal yɨbɨl lɨl, adɨkɨd binɨb nop kɨdek gɨl apelak okok kɨlop agak, Bɨ anɨb awl man olap nɨb ak pen, yɨp gos lɨnɨgɨlɨg mɨdɨl chɨg tep yɨbɨl gup agak. Binɨb Yislel nɨb okok pen, ne yɨp gos lɨnɨgup ak anɨb ak tek gos ma lɨnepal agak. Yad nepin, mɨdupsek yɨp gos anɨb ak ma lɨnepal agak. 10 Pen bɨ chɨm kadɨŠgep bɨawl ak, bɨne okok adɨkɨd amɨl nɨgɨlak, bɨ tap gak anɨb ak pɨsnep suÅ lak. 11 Won olap mɨdɨl, Jisas taun Nayn amnaknɨÅ, bɨne okok sek, binɨb yokɨp okok sek, kuÅay yɨbɨl nop kɨdek gɨl amnɨlak. 12 Am am taun Nayn anɨb ak, kanɨb day ak amjakɨlaknɨÅ, bin kaÅɨl olap ñɨ nokom tɨkak ak owak. Ãɨ anɨb ak kumek, binɨb kuÅay nep yɨl lɨl dad owlak. 13 Jisas bin kaÅɨl anɨb anop nɨgek chɨb gek agak, ChaÅ ma lan agak. 14 Anɨb agɨl, chɨp yɨl lɨl dad apelak ak am daknɨÅ, kɨli jakɨl nɨg yelak. Jisas bɨ pɨlaj kumek dad owlak anɨb anop agak, Ãɨ, nep agebin, tɨkjakan agak. 15 Agek, tɨkjakɨl besɨgɨl takaw agaknɨÅ, nonɨm nop agak, Ãɨ nak awl agak. 16 Pen binɨb nɨg yelak okok gos kuÅay nɨÅɨd, God yɨb nop ak dad aplanɨlɨg agɨlak, God ne bɨ God gos ñek agñeb awl ak agyokek, chɨnop yɨl owup agɨlak. God chɨnop gɨñɨnɨg owup agɨlak. 17 Pen Jisas gak anɨb ak nɨÅɨd, kesɨm del, Judiya plopens amɨl man yokɨp okok abe amnak. 18 Jon bɨne okok, Jisas tap gak anɨb okok mɨdupsek nɨÅɨd, am Jon nop agñɨlak. Agñelak, Jon bɨne omɨÅal agek apelek 19 agak, Ãɨli bɨ omɨÅal am nop agnɨÅɨd agɨnɨmil, Nad Bɨ God nop aglup ak opan akaÅ, bɨ anɨb ak ke kod yonɨgun agɨnɨmil agak. 20 Agek Jisas yek ak amɨl agɨlek, Jon Bɨ Ãɨg Pakñeb ak nep agup, Nad Bɨ God nop aglup ak opan akaÅ, bɨ anɨb ak ke kod yonɨgun agup agɨlek? Agɨl chɨlop agyokek, nep agnɨgɨnɨg apobul agɨlek. 21 Pen anɨb agɨl nɨg mɨdɨlek nɨÅɨd, Jisas binɨb mɨñak adek keke gak okok gek suÅ lak. Binɨb tap gak okok gek suÅ lɨl, binɨb wɨdɨn koy gak okok gek wɨdɨn yɨbɨl lɨl, binɨb kɨcheki walɨjpal mulɨk sɨkɨl yek okok gek binɨb yɨbɨl lak. 22 Jisas anɨgɨl, bɨ omɨÅal anɨb ak kɨlop agak, Ãɨli bɨ omɨÅal adɨkɨd amɨl Jon nop agɨnɨmil, Chɨl amɨl nopul, bɨ anɨb ak binɨb wɨdɨn koy gup okok gek wɨdɨn yɨbɨl lup agɨnɨmil agak. Binɨb tɨmud sawl lup okok gek takaw nepal agɨnɨmil agak. Binɨb tob tɨmel gup okok gek kanɨb aj tep gɨpal agɨnɨmil agak. Binɨb soy ladek lup okok gek mɨlep gup agɨnɨmil agak. Binɨb kubal okok gek tepayaÅ tɨkjakɨpal agɨnɨmil agak. Binɨb yɨmgeptek okok abe God takaw teplep ak agek nepal agɨnɨmil agak. 23 Pen takaw olap agɨnɨmil, Binɨb yɨp nep gos lɨnɨÅɨd, chɨgɨl mɨdebal okok, kɨlop tep gek mɨñmɨñ gɨnɨgel agɨnɨmil agak. 24 Anɨb agek, bɨ Jon nop takaw dad owlek omɨÅal ak adɨkɨd amnɨlek. Amel, Jisas binɨb ap yelak okok kɨlop, Jon anɨgak ak agñak. Anɨb agak, Nɨbi ned man nep binɨb ma yelak nab okok abek ñɨn ak, tay gɨnɨg abek agak? Sɨd pal nokom olap yɨgen dad amɨl apɨl gup ak nɨgɨnɨg abek agak? 25 AkaÅ taynen abek agak? Bɨ chech teplep lup olap nɨgɨnɨg abek agak? Mel ak agak. Chɨn nopun, bɨ chech teplep lɨl, tap teplep dɨpal okok, bɨnonɨm kal kɨles tɨmel okok kɨnɨbal agak. 26 Pen tap tay nɨgɨnɨg abek agak? Yokɨp ma abek. Bɨ God gos ñek agñeb ak nɨgɨnɨg abek agak. Bɨ God gos ñek agñeb anɨb ak, bɨ yokɨp mel agak. Bɨ God gos ñek agñeb okok anɨb nep yelak ak pen, Jon ne bɨ anɨb okok kɨlop sɨlawup agak. God wog awl gɨnɨg owak agak. 27 Bɨ anɨb anop Jon, bɨlel buk Baybol ayaŠñu kɨl tɨkɨl agɨlak, God ne Ãɨne nop agup, Nɨgan, bɨ takaw dad ameb yad ak agyoken, ned amɨl kanɨb pɨdɨl kod yek, kɨdek nep agen amnɨgaban agup agɨl tɨkɨlak agak. 28 Yad nɨbop nɨÅɨd agebin, binɨb ned lum awl yelɨgɨpal okok ayɨp, mɨñɨl mɨdebal okok ayɨp, Jon ne kɨlop mɨdupsek sɨlawɨl, yɨb mɨdeb agak. Ak pen, binɨb yokɨp God ne kɨlop dɨl kod mɨdeb okok, kɨli Jon nop sɨlawɨl, yɨb awl mɨdebal agak. 29 Jisas takaw agak anɨb ak, binɨb yokɨp okok sek, bɨ takis dep okok sek, nɨgtep gɨl agɨlak, God ne nɨm gɨtep gup ak agɨlak. Kɨli ned apel Jon kɨlop ñɨg pakñak, anɨb ak tek kɨli anɨb agɨlak. 30 Pen bɨ Pelisi okok sek, bɨ Juda takaw nɨgtep gep okok sek, kɨli ned ñɨg ma pakɨlak anɨb ak tek, aleb aleb ñɨl, God takaw tep ak ma dɨlak. 31 Jisas anɨb agɨl kɨlop agak, Yad nepin, binɨb mɨñɨl ñɨn awl mɨdebal okok, ñapay sɨkol ogɨnap tek mɨdebal agak. Ãapay sɨkol okok, kɨli sɨlpɨŠñɨlɨg ogɨnap apal, DachɨŠpakon, taynen kɨgom ma papɨm apal agak? Pen kɨmep chɨb gek tek agon, taynen chaÅ ma lɨpɨm apal agak? Gɨpal tek ak binɨb mɨñɨl mɨdebal okok kɨli gɨpal agak. 33 Jon Bɨ Ãɨg Pakñeb ak, apɨl tap ma ñɨbɨl ñɨg wayn ma ñɨbɨl gek, nop apɨm, Bɨ kɨcheki walɨjpal mulɨk sɨkek mɨdeb ak apɨm agak. 34 Pen mɨñɨl Bɨ Olap Ãɨne apɨl, tap ñɨbɨl ñɨg wayn ñɨbɨl gek, nop apɨm, Tap kuÅay ñɨbɨl ñɨg kuÅay ñɨbɨl gup apɨm agak. Ne binɨb tap si tap tɨmel gɨpal okok sek, bɨ takis dep okok sek, bɨ kɨli apɨm agak. 35 Pen binɨb God takaw gos nɨgtep gɨpal ak, nɨbop yomek nepɨm, God gos ne ak nag pal tek mɨdeb agak. 36 Bɨ Pelisi olap, yɨb ne Saymon, ne Jisas nop agak, Ape kal yad ak am tap ñɨÅɨnɨgul agak. Agek, Jisas Pelisi kal ne ak amɨl tap ñɨÅɨlek. 37 Anɨb won ak, kanɨbtam bin olap man anɨb ak nɨb ak takaw olap nɨgak, Jisas ap bɨ Pelisi ak ayɨp tap ñɨbelek. Anɨb ak nɨÅɨd, wel ñɨg kuy tep owep ak, kab botol dɨl palɨl dad owak. 38 Jisas yek kud okok ken apɨl, tob agen ak besɨgɨl chaÅ lak. Anɨgɨl chaÅ lek, chaÅ wɨdɨn ñɨg ak tɨk Jisas tob adek ak yowak. Yapɨl, bin kɨmɨg wɨj ne ak wik yokɨlɨg bom sɨlokɨl, tob kɨd nop ak ñɨg kuy tep owep ak lɨñak. 39 Anɨgek, bɨ Pelisi ak gos ne anep nɨÅɨd agak, Bɨ anɨb awl, bɨ God gos ñek agñeb yɨpɨd gɨl mɨdobɨkop tek, kanɨbtam bin ap nop dɨ nɨgeb ak tɨk nopɨkop agak. 40 Jisas bɨ Pelisi gos nɨgak anɨb ak nɨÅɨd nop agak, Saymon. Takaw yad nokom olap nep agɨnɨgebin agak. Agek, Saymon agak, Tisa. Takaw anɨb ak agan agak. 41 Agek, Jisas agak, Bɨ olap tɨkjakɨl, bɨ omɨÅal kɨlop mani ogɨnap ñɨnɨgab agak. Olap nop 500 kina ñɨl, olap nop 50 kina ñɨl gɨnɨgab agak. Pen kɨdek bɨ omɨÅal anɨb ak, pen ñeb tek ma yek agak. Bɨ mani ñɨnɨgab anɨb ak, kɨlop agɨnɨgab, Mani ñɨlop ñɨbin ak, pen ñɨnɨgul agɨl gos ak ma nɨgɨnɨmil agɨnɨgab agak. Anɨb agek, bɨ an bɨ anɨb ak nop mɨñmɨñ yɨbɨl gɨnɨgab agak? 43 Agek, Saymon agak, Gos yad nepin ak, bɨ mani awl nop ñub ak kelɨgup agak. Agek Jisas agak, NɨÅɨd yɨbɨl apan agak. 44 Anɨb agɨl, Jisas adɨkɨl bin anop nɨgɨlɨg Saymon nop agak, Bin nɨm awl nop nɨgan agak. Yad kal mɨgan nep ak apen, ñɨg yɨp ma ñesɨpan, tob yad lɨped gɨyokɨpin agak. Bin anɨb awl pen wɨdɨn ñɨg ne ak tob yɨp adek ak tɨk yapek, kɨmɨg wɨj ne ak dɨl wikek mɨlep gup agak. 45 Yɨp ma bom sɨlokɨpan agak. Bin anɨb awl pen apɨl tob kɨd yɨp ak bom sɨlokɨlɨg mɨdeb agak. 46 Kɨmɨg yɨp wel ñɨg ak ma lɨñɨban agak. Bin anɨb awl pen tob kɨd yɨp ak wel ñɨg kuy tep awl owup ak lɨñub agak. 47 Anɨb ak nep agebin, Bin anɨb awl tap si tap tɨmel kuÅay nep gup ak tɨg walɨg gɨyoken, yɨp pen mapen yɨbɨl lup agak. Pen binɨb tap si tap tɨmel sɨkol gɨpal okok tɨg walɨg gɨyoken, yɨp pen mapen sɨkol olap lup agak. 48 Anɨb agɨl bin anɨb ak nop agak, Tap si tap tɨmel gɨpan okok tɨg walɨg gɨyokebin agak. 49 Anɨb agek, bɨ ayɨp tap ñɨbelak okok, kɨli ke agnɨg agnɨg gɨl agɨlak, Bɨ anɨb awl taynen, Tap si tap tɨmel okok tɨg walɨg gɨyokebin agup agɨlak? God ne nɨm anɨgɨl gup agɨlak. 50 Anɨb agɨlak ak pen, Jisas bin anɨb anop agak, Gos nad ke nɨÅɨd apan, Tap si tap tɨmel gɨpin tek, Jisas tɨg walɨg gɨyokaÅ agɨl opan agak. Ape, tɨg walɨg gɨyokebin nen, adɨkɨd amɨl mɨdtep gɨl God ñɨn beÅ adek ak yenɨmɨn agak.