Luk 17

1 Jisas bɨne okok kɨlop agak, Tap ogɨnap apɨl binɨb okok gek, tap si tap tɨmel gɨl apyap pakɨnɨgabal agak. Pen bɨ an gek, tap tɨmel anɨb ak ownɨgab, bɨ anɨb ak kɨdek tɨtay dɨnɨgab agak. 2 Ne ñɨsɨkol paysɨkol kɨli yɨp gos lɨnepal okok kɨlop gek apyap pakɨnɨgabal ak, tɨmel yɨbɨl gɨnɨgab agak. Nop ned tunɨg dam ñɨg solwala yokɨpɨlap ak gɨtep gɨpɨlap agak. Taynen? Bɨ koÅɨm mɨdɨl ñɨsɨkol paysɨkol kɨlop gɨ tɨmel gɨnɨgab ak, kɨdek yul awl dɨnɨgab agak. 3 Anɨb ak nɨbi asɨk tep gɨnɨmɨb agak. Pen mam olap tap si tap tɨmel gonɨmuÅ, taynen tap tɨmel gɨpan, kelɨgɨnɨmɨn agɨnɨmɨb agak. Agem, tap si tap tɨmel kelɨgonɨmuÅ, nop nɨÅɨd kelɨgɨnɨmɨb agak. 4 Ne nep gɨ tɨmel gɨl, adɨkɨd apɨl agɨnɨgab, Tap si tap tɨmel gɨpin ak kelɨgen, yɨp nɨÅɨd kelɨgɨnɨmɨn agɨnɨgab ak, nop nɨÅɨd kelɨgɨnɨmɨn agak. Nep ned gɨ tɨmel genɨgab, nop nɨÅɨd kelɨgɨnɨmɨn agak. Pen kɨdek nep gɨ tɨmel genɨgab, nop nɨÅɨd kelɨgɨnɨmɨn agak. Pen ñɨn nokom olap, nep gɨ tɨmel gɨnɨgab ak, gɨ dam dam ñɨn anep kugul oÅɨd amjakek, nop nɨÅɨd kelɨgɨnɨmɨn agak. 5 Jisas anɨb agek, bɨ takaw nop dad ameb okok agɨlak, Nad ge, chɨn God nop nokom gos lɨnɨgɨnɨgun agɨlak. 6 Agel kɨlop agak, God nop gos lɨnepɨm ak, sɨkol olap awl mel, mab mastet mɨdup tek yek, nɨbi agɨnɨgabɨm, Mab awl jɨj sek tɨgjuwɨl, ñɨg solwala nab sɨÅadaÅ jak mɨde agem, agɨnɨgabɨm tek gɨnɨgab agak. 7 Pen bɨ nɨbi olap, ne bɨ wog gɨñeb ne olap dɨl agek, am lum puÅɨl pagɨl akaÅ, chag sipsip okok muk ajɨl, adɨkɨd kal apek, bɨ nɨbi ak bɨ wog gɨñeb ne ak nop tay agɨnɨgab agak? Kasek ap besɨgɨl tap ñɨÅan agɨnɨgab agak? 8 Mel. Anɨb ma agɨnɨgab agak. Ne agɨnɨgab, Chech ak page apek, sɨbnag pak tɨbɨkɨl, ñɨg tap yɨp okok dape ñɨben, kɨdek ñɨg tap nad okok ñɨÅan agɨnɨgab agak. 9 Pen bɨ wog gɨñeb ne ak agɨnɨgab tek gek, nop takaw tep ogɨnap ma agɨnɨgab agak. Bɨ wog gɨñeb yad ak nɨm, apin tek gup agɨl nɨgɨnɨgab agak. 10 Anɨb ak tek nɨm nɨbi agak. God nɨbop agɨnɨgab tek gɨl, kɨdek agɨnɨgabɨm, Chɨn binɨb tep yɨbɨl mel agɨnɨgabɨm agak. Wog chɨn gɨpun ak tek, nɨm gɨpun agɨnɨgabɨm agak. 11 Jisas Jelusalem amnin agɨl, Samaliya plopens Galili plopens adaÅ nab ak am am 12 man olap amjakaknɨÅ, bɨ soy ladek lak anep wajɨlem ak nop nebeÅ pakɨlak. NebeÅ pakɨl, keke sɨÅadaÅ jak mɨdɨl 13 suk agɨlak, Bɨawl Jisas. Chɨnop mapen nɨgan agɨlak. 14 Agelak kɨlop nɨÅɨd anɨb agak, Nɨbop suÅ lup nen, am bɨ God nop sɨbogep okok mubwak nɨbi ak kɨlop yomnɨmɨb agak. Anɨb agek, kanɨb nab okok amnɨlak nɨÅɨd, kɨlop mɨdupsek suÅ lak. 15 SuÅ lek, bɨ olap nop suÅ lak ak nɨÅɨd, takaw awl agɨlɨg, God yɨb nop ak dad aplanak. Aplanɨlɨg, adɨkɨd ap 16 Jisas yek lum sɨÅak apyap pakɨl nop tep agak. Bɨ anɨb ak Samaliya nɨb ak. 17 Anɨgek nɨÅɨd Jisas agak, Yad agnepin, bɨ anep wajɨlem ak suÅ lup agɨl nepin ak pen, bɨ anep ajɨp ak akal agak? 18 Bɨ ogɨnap taynen ma opal agak? Bɨ pal okok nɨb ak nep adɨkɨd apɨl, God nop tep agup agak? 19 Anɨb agɨl bɨ anɨb anop agak, Jisas yɨp gek suÅ lɨnɨgab agɨl gos ak nepan tek, nep gen suÅ lup, anɨb ak tek tɨkjakɨl amnoÅ agak. 20 Pen bɨ Pelisi okok Jisas nop agɨlak, Ãɨn akal tek God binɨb dɨl kɨlop kod yenɨgab ak ownɨgab agɨlak? Agel, Jisas agak, God binɨb dɨl kɨlop kod yenɨgab apɨm anɨb ak, mɨseÅ apek binɨb wɨdɨn ma nɨgɨnɨgabal agak. 21 Mɨdeb awl akaÅ, adaÅ mɨdeb tek ma agɨnɨgabal agak. Taynen? God binɨb dɨl kɨlop kod yenɨgab ak, apɨl nab nɨbi pi okok mɨdeb agak. 22 Anɨb agɨl, bɨne okok kɨlop agak, Kɨdek ñɨn olap Bɨ Olap Ãɨne nop nɨgun agɨl, mapen nɨbop ak puÅɨl ñɨnɨgab ak pen, nop ma nɨgɨnɨgabɨm agak. 23 Binɨb ogɨnap nɨbop agɨnɨgabal, Mɨdeb adaÅ, mɨdeb awl agel, takaw anɨb ak nɨÅɨd apal agɨl, ma am pɨyow nɨgɨnɨmɨb agak. 24 Taynen? Bɨ Olap Ãɨne ownɨgab ñɨn ak, añɨñak dɨl, mɨlek palsek gup tek ak gaknɨŠownɨgab agak. 25 Ne pen yul awl yɨbɨl dek, binɨb mɨñɨl mɨdebal okok, nop yɨlɨk nɨÅɨd ma dɨnɨgel agak. 26 Bɨ Olap Ãɨne ownɨgab ñɨn anɨb ak, binɨb bɨlel Nowa yek ñɨn ak gak tek gɨnɨgabal agak. 27 Binɨb okok tap ñɨbɨlɨg, ñɨg ñɨbɨlɨg, bin penpen ñɨlɨg gɨ yelaknɨÅ, Nowa sip mɨgan ayaÅ amnak agak. Amek, man awl yɨbɨl ak pakɨl, ñɨg wɨlɨk apɨl, binɨb anɨb okok kɨlop mɨdupsek yuwɨg dek kumɨlak agak. 28 Pen bɨ Lot yek ñɨn ak taun Sodom taun Gomola binɨb okok abe tap ñɨbɨlɨg, ñɨg ñɨbɨlɨg, tap pen ñe pen ñe gɨlɨg, tap wog gɨlɨg, kal gɨlɨg gɨ yelɨgɨpal. 29 Anɨgɨl yelaknɨÅ, Lot taun anɨb okok kelɨgɨl, man wakay olap ke amnaknɨÅ, mab mɨÅɨlaÅ awl sek kab ke yɨneb sek wɨsɨp alaÅ nɨb apɨl, taun Sodom taun Gomola binɨb kɨlop mɨdupsek yɨn sɨbog amek kumɨlak agak. 30 Bɨ Olap Ãɨne mɨseÅ ownɨgab ñɨn ak, Nowa yolɨgup ñɨn ak sek, Lot yolɨgup ñɨn ak sek, gɨ yelɨgɨpal tek gɨ yenɨgabal agak. 31 Ãɨn anɨb ak, Binɨb kal adek alaÅ yenɨgel okok, tap dɨnɨg adɨkɨd kal mɨgan ma amnɨgel agak. Binɨb wog day okok ajenɨgel okok, chech tap okok dɨnɨg adɨkɨd kal ma amnɨgel agak. 32 Lot bin ne nop, tap gak adek ak nɨgɨnɨmɨb agak. 33 Binɨb ne ke mɨdɨl, mɨdtep gin agɨnɨgab ak, kɨdek mɨd tɨmel gɨnɨgab agak. Pen binɨb yɨp tap tay gɨnɨgab takaw ma mɨdeb agɨnɨgab ak, kɨdek mɨdtep gɨnɨgab agak. 34 Nɨbop agebin, ñɨn anɨb ak bɨ omɨÅal mɨj adek nokom olap kɨnenɨgayl ak, God bɨ olap nop dɨl, olap nop kelɨgɨnɨgab agak. 35 Pen bin omɨÅal bilet jɨmñɨl gɨ yenɨgayl ak, olap nop dɨl olap nop kelɨgɨnɨgab agak. 37 Anɨb agek agɨlak, Bɨawl. Takaw ageban anɨb ak, akal gɨnɨgab agɨlak? Agel Jisas agak, Tap ogɨnap wog bɨg yɨnɨg lɨnɨgab ak, man anɨb ak yawl apnan gɨnɨgabal agak.