Luk 1

1 Bɨawl Tiyopilus. Nab chɨnop awl God ne tap okok keke gak tek, bɨ ogɨnap wɨdɨn nɨÅɨd, takaw anɨb ak dad okok okok am agñɨlak. Agñelak bɨ kuÅay nɨÅɨd, kesɨm nokom anɨb ak keke ñu kɨl tɨkɨlak. 3 Yad gos nepin, nad takaw nep agñɨbal ak nepan. Yad pen tap okok ned gak tek, pelpel takaw jɨj anɨb ak pɨyow nɨÅɨd nepin ak nɨm, abe ñu kɨl tɨkɨnɨgebin. Takaw jɨj nɨÅɨd yɨbɨl ak nɨgɨnɨmɨn agɨl, nep ñu kɨl tɨkɨnɨgebin. 5 Ned gapman bɨnonɨm Helod Judiya plopens kod yolɨgup ñɨn ak, bɨ God nop sɨbogep wog ak gɨ mɨdolɨgup, yɨb ne Sekalaya. Bɨne ayɨp wog jɨmñɨl gep mɨdelɨgɨpal ak kɨlop, Abayja bɨne agelɨgɨpal. Sekalaya bin ne Elisabet. Nop abe bɨ God nop sɨbogep Elon jɨj ak tɨk dad amɨl tɨkɨlak. 6 Kɨli bel God takaw adek ak mɨdupsek nɨÅɨd kɨdek gɨl mɨdel, God nɨgek takaw olap ma yek. 7 Pen Sekalaya bin ne Elisabet ñapay wom. Kɨli bel ñapay olap ma tɨkɨlek, pɨsnep yɨbɨl mɨlep lɨlek. 8 Ãɨn akal Sekalaya bɨne ayɨp wog jɨmñɨl gelɨgɨpal okok, God nop sɨbogep wog gɨnɨg gelɨgɨpal, kɨli tɨkjakɨl mɨdelak. Bɨ an yɨb aplanɨmuÅ, God agnɨgep kal awl mɨgan bɨ sɨbogep nop, ameb kal mɨgan amɨl tap kuy tep owep ak dagɨlɨnɨmuÅ agɨl kɨli jakɨl nɨg mɨdelak. Abayja bɨne okok God nop sɨbogep ñɨn ak apek nɨÅɨd, kɨli gelɨgɨpal anɨb okok jak nɨg mɨdelak, Sekalaya yɨb ak aplanak. 10 Binbɨ kuÅay yɨbɨl God agnɨgep kal awl seÅayaÅ mɨdɨl God nop agɨlɨg mɨdelak nɨÅɨd, ne amɨl tap kuy tep owep dagɨlɨnɨg kal mɨgan amnak. 11 Pen God ensel ne olap apɨl tap kuy tep owep dagɨl lep abañ adek anɨb ak, ñɨn yɨpɨd kɨd okok ken yek. 12 Sekalaya nɨÅɨd, ju dɨl pɨlɨkek 13 ensel ak nop agak, Ma pɨlɨkɨnɨmɨn agak. God nop apan ak, nep nɨgup. Bin nak Elisabet ñɨ olap tɨkɨnɨgab agak. Tɨkek, yɨb nop Jon agɨnɨmɨn agak. 14 Nep ke tep gek, mɨñmɨñ awl yɨbɨl gɨnɨgaban agak. Ne ownɨgab ak, binɨb kuÅay yɨbɨl mɨñmɨñ gɨnɨgabal agak. 15 Ne bɨawl yɨbɨl ak God wɨdɨn mɨdup adek sɨÅak yenɨgab agak. Ãɨg wayn ogɨnap sek, ñɨg kɨles ogɨnap sek ma ñɨÅɨnɨmuÅ agak. Bin nad ne ñapay kogmeg mɨdek, God Kawnan ne ak ñapay nab ayaÅ amɨl ayɨp yenɨgab agak. 16 Yislel binɨb God nop kelɨgɨpal okok, kɨlop agtep gek tep ak adɨkɨd God Bɨawl kɨli yɨl ownɨgabal agak. 17 Pen ne ned amek, Bɨawl kɨdek amnɨgab agak. Bɨ God gos ñek agñeb Yilayja bɨlel God kɨles ñek golɨgup tek ak gɨnɨgab agak. Nap sɨkop kɨlop dɨl, ñapay sɨkop kɨlop dɨl, dɨ jɨmñɨl lɨnɨgab agak. Binɨb God nop aleb aleb ñɨbal okok agtep gek, binɨb teplep yɨbɨl ne okok gos nepal tek nɨÅɨd, mɨdtep gɨl, bɨawl ownɨgab agɨl kod yenɨgabal agak. 18 Ensel ak anɨb agek, Sekalaya agak, Chɨl mɨlep yɨbɨl lɨpul. Anɨb ak nad tɨtay de yad nɨÅɨd anɨb agɨnɨm, Nad nɨÅɨd apan agɨnɨm agak. 19 Agek, ensel ak nop agak, Yad Gabliel. Yad God ayɨp pelnep mɨdobul agak. Ne yɨp agyokek apɨl, takaw teplep anɨb ak nep agñɨnɨg dad opin agak. 20 Nad takaw yad ma nepan tek, yalɨb nep ak mɨÅel gek takaw agɨlɨg ma yenɨgaban agak. Yokɨp nep mɨd mɨd, ñɨ ak tɨkɨl dapɨl, tepayaÅ takaw agɨnɨgaban agak. 21 Pen Sekalaya ne God agnɨgep kal awl mɨgan ak am pelnep yek, binɨb seÅayaÅ yelak ak gos kuÅay yɨbɨl nɨgɨlak. 22 Kɨdek seÅayaÅ apɨl, takaw olap ma agak. Yɨp anɨgɨl anɨgɨl gup agɨl, ñɨn anep yomek, kɨli nɨÅɨd anɨb agɨlak, Ne kal mɨgan ayaÅ am mɨdɨl, tap olap ke nɨÅɨd owup agɨlak. Ne takaw ma agak, yokɨp nep yek. 23 Pen kɨdek wog gep ñɨn ak gɨjuwɨl, kal ne amnak. 24 Kɨdek mɨd dad amɨl, bin ne Elisabet ñapay kogmeg yek agak, Ned bin ñapay wom yelɨgɨpin, yɨp nebeÅ gup agak. Mɨñɨl pen Bɨawl ak yɨp mapen nɨÅɨd kod mɨdek, ñapay kogmeg mɨden yɨp tep gup, nebeÅ ma gup agak. Anɨb agɨl takan anep mamɨd ak we gɨl yolɨgup. 26 Elisabet takan anep kagol ayaŠñapay kogmeg mɨdɨl, God ensel Gabliel nop agyokek taun Nasalet, Galili plopens amnak. 27 Taun Nasalet anɨb ak, bin pɨlaj olap yolɨgup, yɨb ne Maliya. Bin pɨlaj anɨb ak bɨ olap ayɨp ma kɨnelɨgɨpil. Pen bin anɨb ak Josep nop lɨlak. Bɨ anɨb nop, bɨnonɨm Depid tɨkɨl tɨk dad amɨl tɨkɨlak. God ensel Gabliel nop agyokek bin pɨlaj anɨb ak yek ak amnak. 28 Amɨl agak, Maliya mɨdeban? God nep dɨtep gup agak. Ne ayɨp mɨdebil agak. 29 Anɨb agek, Maliya takaw anɨb ak nɨÅɨd, yɨp taynen anɨb agup agɨl gos kuÅay nep nɨgak. 30 Nɨgek ensel ak nop agak, Maliya. Ma pɨlɨkɨnɨmɨn. God nep dɨtep yɨbɨl gup agak. 31 Nad ñapay kogmeg yenɨgaban, ñɨ olap tɨkɨnɨgaban agak. Tɨkɨl, yɨb nop Jisas agɨnɨmɨn agak. 32 Pen ne bɨawl yɨbɨl yenɨgab agak. God adek alaÅ mɨdeb ne agɨnɨgab, Ãɨ yad agɨnɨgab agak. God gek, ne nɨsed yes Depid, bɨnonɨm yolɨgup tek ak mɨdenɨgab agak. 33 Nɨbop Jekop tɨkɨl tɨk dad amɨl tɨkɨpal mɨdebɨm okok, mɨdupsek pelnep yɨbɨl kod yenɨgab ma kelɨgɨnɨgab agak. 34 Anɨb agek Maliya agak, Yad bɨ olap ayɨp ma mɨdobul ak, tɨtay dɨl ñapay anɨb ak tɨkɨnɨgayn agak? 35 Agek ensel ak nop agak, God Kawnan ak nep apɨl, God adek alaÅ mɨdɨl kɨles ne ak nep yu gɨñɨnɨgab agak. Ãapay suÅtep yɨbɨl ak tɨkɨnɨgaban ak, God ne agɨnɨgab, Ãɨ yad agɨnɨgab agak. 36 Nɨgan. Namud Elisabet ne bin mɨlep yɨbɨl lup, kɨli ne bin ñapay wom agelɨgɨpal ak pen, mɨñɨl ne ñapay kogmeg mɨdeb takan anep kagol ayaÅ agak. 37 God tap mageptek olap ma mɨdeb. Tap okok mɨdupsek gɨnɨgab anep mɨdeb agak. 38 Anɨb agek Maliya agak, Tep. Yad God nop wog gɨñeb bin ak, ageban tek yɨp gɨnɨgab ak, tep yɨbɨl agak. Anɨb agak nɨÅɨd, ensel ak nop kelɨgɨl adɨkɨd amnak. 39 Won olap mɨdɨl Maliya amnin agɨl, tap ne okok dɨl tɨkjakɨl kasek Judiya plopens man dum okok kanɨb pal ak am am, 40 Sekalaya kal ak amjakak. Amjakɨl kal mɨgan ayaÅ amɨl nɨmud Elisabet nop agak, Nad mɨdeban agak? 41 Agek nɨÅɨd, nɨmud Elisabet ñapay nab ayaÅ yek ak kaskas gak. Pen God Kawnan ak ap Elisabet nop bak lek, 42 Elisabet takaw awl agɨl, Maliya nop agak, God bin ogɨnap kɨlop kod mɨdeb ak pen, nep gɨtep gup ke tep mɨdeban agak. Ãapay kogmeg nab ayaÅ mɨdeb ak abe kod mɨdeb nop gɨtep gup agak. 43 Yad taydɨl tek mɨden, Bɨawl chɨn ak nonɨm ak yad yɨl apek nɨgebin agak? 44 Nad apɨl, yɨp Mɨdeban age, won anɨb ak ñapay kogmeg yad ak mɨñmɨñ gɨl kaskas gup agak. 45 Pen God nep agup tek gɨnɨgab agɨl nepan ak, tep yɨbɨl agɨl mɨñmɨñ gɨnɨmɨn agak. 46 Elisabet anɨb agek Maliya agak, God nop gos nepin, yɨp tep yɨbɨl gup agak. 47 Kawnan yad abe God nop mɨñmɨñ gup, ne bɨ kasɨn gep yad agak. 48 Yad bin yokɨp wog gɨñeb ne ak pen, yɨp sawl ma gup, yɨp nɨÅɨd dup agak. Anɨgup ak, mɨñɨl tɨkɨl kɨdek binɨb okok mɨdupsek yɨp agɨnɨgabal, God bin anɨb ak nop dɨtep yɨbɨl gup agɨnɨgabal agak. 49 God bɨawl tap okok mɨdupsek gup ak, yɨp dɨtep yɨbɨl gup agak. Ne bɨ suÅtep yɨbɨl, anɨb ak ke yɨbɨl mɨdeb agak. 50 Binɨb takaw nop nɨÅɨd, ñawl dɨl kɨdek gɨnɨgabal okok, kɨlop mapen nɨÅɨd dɨnɨgab agak. Ãapay kɨli tɨkel tɨkel amnɨgab okok takaw nɨÅɨd kɨdek gɨnɨgabal okok, kɨlop abe dɨnɨgab agak. 51 Ne bɨ ñɨn palawl yɨbɨl agak. Binɨb kɨli chɨn ke binɨb awl mɨdobun apal okok, kɨlop yuk yokup agak. 52 Anɨb ak, binɨb yɨb mɨdeb okok keke amnɨlak agak. Binɨb yɨb ma mɨdeb okok kɨli tep ak dɨpal agak. 53 Pen binɨb tap ma mɨdebal okok kɨlop tap kuÅay nep ñub agak. Binɨb tap kuÅay mɨdeb okok yokɨp agyokek abal agak. 54 God ne based yes sɨkop kɨlop takaw bɨlel agak ak sawl ma gak agak. Chɨn Yislel binɨb wog gɨñeb ne okok, chɨnop pelnep mapen nɨÅɨd kod yolɨgup agak. Based Eblaham sek, based chɨn ogɨnap sek, ñapay tɨkel tɨkel amnɨgab okok, kɨlop kod yenɨgayn agɨl agak tek chɨnop gup agak. 56 Maliya takaw anɨb ak agɨl, nɨmud Elisabet ayɨp takan omɨÅal nokom mɨdɨl, kɨdek adɨkɨd kal ne amnak. 57 Elisabet ñapay tɨkep ñɨn ak owak nɨÅɨd, ñɨne won ak tɨkak. 58 God nop mapen nɨÅɨd kod yek, bin mɨlep yɨbɨl lɨl ñapay tɨkak anɨb ak, binɨb ne okok nɨÅɨd ne ayɨp mɨñmɨñ awl yɨbɨl gɨlak. 59 Pen ñɨ ak tɨkɨl ñɨn anep kugul ak mɨdɨl, ñɨn jel ak kɨli apɨl wak nope tɨbɨlɨkɨnɨg agɨlak, Ãɨ anɨb awl nap Sekalaya yɨb ak tɨÅɨl yɨj gɨl, yɨb nop ak lep agɨlak. 60 Agel nonɨm agak, Mel. Yɨb nop Jon agep agak. 61 Agek binɨb ne okok agɨlak, Bɨne okok, Jon yɨb olap ma mɨdeb agɨlak. 62 Anɨb agɨl, nap Sekalaya nop ñɨn anep yomɨl agnɨgɨlak, Nad yɨb nɨm akal nop lɨnɨgaban agɨlak. 63 Agnɨgel, nap ñɨn anep yomɨl agak, Yɨp mab bog bad olap dɨl, tap ñu kɨl gep olap sek dowɨm agak. Agek dad apel, adek anɨb ak yɨb tɨkɨl, Yɨb nop ak Jon agak. Anɨgɨl tɨkek nɨÅɨd, kɨli gos kuÅay yɨbɨl nep nɨgɨlak. 64 Pen won anɨb ak, Sekalaya yalɨb mɨÅel gak ak kelɨgɨl, ned takaw agolɨgup tek agɨlɨg, God yɨb nop ak dad aplanak. 65 Binɨb yelak okok, gak anɨb ak nɨÅɨd kɨli pɨlɨkɨlak. Takaw anɨb ak yɨg dad Judiya plopens dum okok mɨdupsek yɨbɨl amnɨlak. 66 Binɨb okok takaw anɨb ak nɨÅɨd gos pal awl yɨbɨl lɨlɨg agnɨg agnɨg gɨl agɨlak, God gek ñapay anɨgɨl tɨkup ak, kɨdek taydɨl tek yenɨgab agɨlak. Kɨli nɨgɨlak, Bɨawl ak ne ayɨp yek. 67 Jon nap Sekalaya, God Kawnan ne ak gos ñek, God nop takaw teplep ogɨnap nɨÅɨd kɨlop agñak, 68 God Bɨawl chɨn Yislel nɨb mɨdeb agak. Ne apɨl binɨb ne ak gɨñub, anɨgɨl chɨnop dup agak. Anɨb ak yɨb nop ak dad aplanɨgun agak. 69 Anɨgak ak, bɨ God gos ñek agñeb okok bɨlel agɨlak tek agak. Based Depid, God nop wog gɨñeb bɨ ak, ñapay tɨkek, kɨli pen tɨk dad amɨl apɨl gɨl, nop tɨkɨnɨgebal agak. Bɨawl bɨ kɨles tɨmel olap agyokek tɨkɨnɨgebal agak. Bɨ anɨb ak, bɨ chɨnop kasɨn gɨnɨgab agak. 71 Bɨ penpen ñagep okok sek, bɨ gos tɨmel nepal okok sek, chɨnop gɨ tɨmel gɨnɨgab ak pen, bɨawl chɨnop dɨnɨgab agak. 72 Ne kɨlop mapen nɨÅɨd dɨtep gup anɨb ak, based sɨkop kɨlop sawl ma gup, gɨnɨgayn agɨl agak tek nep gup agak. 73 Ne based Eblaham nop takaw aglɨl agak. 74 Anɨb agak, Yad nɨbop kasɨn gen binɨb penpen ñagep okok, nɨbop ma ñagɨnɨgabal agak. Ma pɨlɨkɨnɨgabɨm agak. Gos yɨp ak nɨÅɨd, wog yɨp ak gɨl, binɨb teplep yad okok nep mɨdɨl, mɨnek mɨnek mɨdtep gɨnɨgabɨm agak. Binɨb suÅtep yɨbɨl mɨdɨl, wɨdɨn mɨdup yad adek ak, mɨdtep gɨnɨgabɨm agak. 76 Pen ñɨ yad agak. God Bɨawl yɨbɨl ak ne nep agɨnɨgab, Bɨ God gos ñek agñeb yad agɨnɨgab agak. Taynen? Nad ned amɨl, binɨb okok kɨlop agtep ge, kɨli Bɨawl anop kod mɨdaknɨÅ, kɨdek ne ownɨmuÅ agak. 77 Nad kɨlop agtep ge, kɨli nɨgɨnɨgabal, ne tap si tap tɨmel gɨpal okok tɨg walɨg gɨyokɨl, kɨlop kasɨn gɨnɨgab agak. 78 God Bɨawl tep binɨb mapen nɨgup ak, mɨlek tep wɨsɨp alaÅ nɨb ak chɨnop yokɨnɨgab agak. Maynab okok ajɨl, gɨdam pakɨl, kumnɨgabun tek lup ak kelɨgɨl, mɨñɨl kanɨb tep gup adek ak ajonɨgabun agak. 80 Pen Sekalaya ñɨne Jon, ne awl gɨl gos ne abe kɨles tɨmel gɨl gak. Am man nep binɨb ma yelak nab okok mɨd mɨd, Yislel binɨb yelak wɨdɨn adek sɨÅak owak.