Jon 1

1 Bɨlel bɨlel, man ma alwol gɨlak ñɨn ak, Takaw ak yolɨgup. Takaw anɨb ak ne God ayɨp yolɨgup, pen ne ke God yek. 2 Bɨlel bɨlel Takaw ak ne God ayɨp yolɨgup. 3 God gek, Takaw ak ne nokom tap okok mɨdupsek gɨlak. Tap olap ke ma yek, Takaw ak ne ke gɨlak okok nep yek. 4 Takaw anɨb ak ne kɨm mɨdep jɨj ak nɨm, kɨm mɨdep ne ak, binɨb okok kɨlop mɨlek ñub. 5 Mɨlek ne anɨb ak, kɨsɨlɨm owup nab okok apek, tɨg sug mel nɨÅɨd kelɨgup. 6 Pen God bɨ olap nop agyokek owak. Yɨb ne Jon, ne Bɨ Ãɨg Pakñeb ak. 7 Bɨ anɨb ak takaw agñɨnɨg owak. Ne mɨlek takaw ak agñek, binɨb okok mɨdupsek takaw nop nɨÅɨd gos lɨnɨgɨnɨgel. 8 Jon ne ke mɨlek anɨb ak mel. Ne pen mɨlek takaw ak agñɨnɨg owak. 9 Mɨlek anɨb ak nɨm, mɨlek nɨÅɨd yɨbɨl mɨdeb. Ne lum awl apek, mɨlek ne ak binɨb okok mɨdupsek kɨlop amub. 10 Ne lum awl ak yolɨgup. Bɨlel God gek, ne lum awl gɨlak ak pen, binɨb lum awl okok kɨli nop bɨ tay tek agɨl ma nɨgɨlak. 11 Man ne ke ak owak ak pen, binɨb ne ak, kɨli nop ma dɨlak. 12 Pen binɨb nop dɨl, nop nokom gos lɨnɨgɨlak okok nep, kɨlop gek God ñapay ne yelak. 13 Binɨb kɨli ke ñapay tɨkel, God ñapay ne tek ma yelak. Bɨ bel okok dɨ gɨl ñapay tɨkel, God ñapay ne tek ma yelak. Pen binɨb ogɨnap wak tɨkjakek, dɨ gɨl ñapay tɨkel, God ñapay ne tek ma yelak. God ne ke gek ñapay ne yelak. 14 Pen Takaw anɨb ak, bɨ sɨlokɨl apɨl, chɨn ayɨp yolɨgup. Anɨb ak nop nɨgɨnok, ne kɨles mɨdɨl Bɨawl teplep yɨbɨl yek tek ak yek. Ne God Ãɨne nokom yɨbɨl ak nɨm, Bapi God gek ne ke kɨles mɨdɨl bɨawl teplep yɨbɨl yek ak owak. Pen ne bɨ yɨmug nɨÅɨd gɨtep gep yek, bɨ takaw nɨÅɨd yɨbɨl agep yek. 15 Pen bɨ anɨb ak takaw ak, Jon binɨb okok kɨlop agñak. Kɨles gɨl agñɨl agak, Bɨ anɨb nep nɨm, nɨbop ned agɨnek agak. Anɨgɨl agɨnek, Yad opin bɨ kɨdek ownɨgab ak, bɨlel yɨbɨl yolɨgup ak kɨdek ami yɨp tɨkak agɨnek agak. Anɨb ak ne bɨawl yɨbɨl mɨdeb, yad bɨ yokɨp agɨnek agak. 16 Bɨ anɨb ak yɨmug nɨÅɨd gɨtep yɨbɨl gep tek. Chɨnop mɨdupsek yɨmug nɨÅɨd gɨtep gup anɨb ak nɨm, pelpel keke ñub. 17 NɨÅɨd yɨbɨl agup. Takaw Mosis ñu kɨl tɨkak ak, God ne Mosis nop ñek chɨnop agñak ak pen, Jisas Klays ne apɨl chɨnop yomek, God chɨnop yɨmug nɨÅɨd gɨtep gɨl, takaw nɨÅɨd yɨbɨl agɨl gak ak, mɨseÅ nɨgɨnok. 18 Binɨb olap God nop ma nɨgak. Pen God Ãɨne nokom yɨbɨl ak nɨm, ne ke God yek, Nap wulep sɨÅak yek. Wulep sɨÅak mɨdɨl, ne ke gek, God bɨ tay tek mɨdeb agɨl nɨgɨnok. 19 Juda bɨawl okok, kɨli bɨ God nop sɨbogep ogɨnap, bɨ Lipay jɨj ak ogɨnap kɨlop agyokɨlak. Anɨgɨl agyokel, Jelusalem kelɨgɨl Jon yek ak amjakɨl, nop agnɨÅɨd agɨlak, Nad bɨ an agɨlak. 20 Anɨgɨl agnɨgelak, ne pen ag we gɨl mel, kɨlop mɨseÅ agɨl agak, Yad Klays, Bɨ God nop aglup ak, binɨb okok kɨlop dɨl kod yenɨgab ak mel agak. 21 Anɨb agek agɨlak, Anɨb apan ak, nad an agɨlak? Nad Yilayja akaÅ agɨlak? Agel agak, Yad mel agak. Anɨb agek agɨlak, Nad bɨ God gos ñek agñeb pel kod mɨdobun ak akaÅ agɨlak? Agel ne pen agak, Mel agak. 22 Anɨb agek, bɨ anɨb okok nop agɨlak, Anɨb ak nad an agɨlak? Pen yad bɨ tay agɨl agenɨmɨn, chɨn am bɨawl chɨnop agyokɨpal okok kɨlop agñɨnɨgun agɨlak. 23 Agel, Jon kɨlop agak, Bɨ God gos ñek agñeb Aysaya, ne bɨlel tɨkɨl agak, Bɨ olap man nep binɨb ma mɨdebal nab okok suk awl agɨl agɨnɨgab, Bɨawl ak kanɨb nop pɨd yɨpɨd gɨnɨmɨb agɨnɨgab agɨl tɨkak agak. Bɨ anɨb ak, yad nokom agak. 24 Pen bɨ owlak anɨb okok, ogɨnap bɨ Pelisi kay yelak. 25 Kɨli Jon nop apɨl agɨlak, Nad apan, Yad Bɨ God nop aglup ak, binɨb okok kɨlop dɨl kod yenɨgab ak mel, Yilayja mel, bɨ God gos ñek agñeb pel kod mɨdobun ak mel apan agɨlak. Anɨb ak pen, taynen binɨb okok kɨlop ñɨg pakñeban agɨlak? 26 Agelak pen agak, Yad kɨlop ñɨg pakñebin agak. Pen bɨ olap nab nɨbop awl mɨdeb, nop bɨ tay tek agɨl ma nepɨm agak. 27 Yad opin bɨ kɨdek ownɨgab ak, bɨ anɨb ak agebin agak. Nop nɨgen yɨp nebeÅ gup, tob tɨlup nop ak nag wɨsɨkɨnɨm tek ma lup agak. 28 Tap anɨb ak, Jon man sɨkol Betani, ñɨg Jodan gol pɨs kɨd adaÅ yɨl ak gak. Man awl yɨl ak, Jon binɨb okok kɨlop ñɨg pakñolɨgup. 29 Mɨnek Jisas Jon yɨl owaknɨÅ, nop nɨÅɨd anɨb agak, Nɨgɨm, God Chag Sipsip Ãɨluk ne ak nɨm awl agak. Ne nɨm, binɨb lum awl mɨdupsek tap si tap tɨmel gɨpal okok tɨg walɨg gɨyokɨnɨg owup agak. 30 Bɨ anɨb awl nɨm, ned anɨgɨl agɨnek, Yad opin bɨ kɨdek ownɨgab ak, bɨlel yɨbɨl yolɨgup ak kɨdek ami yɨp tɨkak agɨnek agak. Anɨb ak ne bɨawl yɨbɨl mɨdeb, yad bɨ yokɨp agɨnek agak. 31 Ne bɨ an mɨdeb agɨl ma nɨgɨnek agak. Yad pen Yislel binɨb kɨli nop mɨseÅ nɨgɨnɨgel agɨl, apɨl binɨb okok kɨlop ñɨg pakñɨbin agak. 32 Pen Jon takaw adek ak agñɨl agak, God Kawnan ne ak man ne alaÅ kelɨgɨl, yawl gɨpkay tek apɨl bɨ anɨb anop lup agak. 33 Ne bɨ an mɨdeb agɨl ma nepɨnep agak. God pen yɨp agyokek binɨb ñɨg pakñɨnɨg ownek ak, ne yɨp agup, Nad nɨgɨnɨgaban, Kawnan yad ak ayaÅ apɨl bɨ olap nop lɨnɨgab agup agak. Bɨ anɨb ak, ne Kawnan yad ak kɨlop pakñɨnɨgab agup agak. 34 Tap anɨb okok wɨdɨn nɨÅɨd, nɨgtep gɨl anɨgɨl agñebin, Bɨ anɨb nep God Ãɨne mɨdeb agebin agak. 35 Mɨnek pen, Jon tepayaÅ jak mɨdɨl, bɨne omɨÅal ak ayɨp yelak. 36 Jak yelaknɨÅ, Jisas apɨl padɨkek Jon nɨÅɨd anɨb agak, Nɨgil, God Chag Sipsip Ãɨluk ne ak nɨm awl agak. 37 Anɨb agek, Jon bɨne omɨÅal ak takaw anɨb ak nɨÅɨd, Jon nop kelɨgɨl, Jisas nop kɨdek amnɨlek. 38 Pen Jisas adɨkɨl kɨlopmɨÅal nɨÅɨd anɨb agak, Taynen apebil agak? Agek agɨlek, Lapay, nad kɨnɨban akal agɨlek? Yɨb Lapay nɨm ak, chɨn Tisa apun. 39 Pen anɨgɨl agnɨgel, Jisas agak, Anɨb ak yad ayɨp amɨl nɨgɨnɨgayl agak. Agek, ñɨn anɨb ak dugep won ak amɨl, kal kɨnub anɨb ak nɨÅɨd ne ayɨp yelak. 40 Jon bɨne omɨÅal anɨb ak, takaw nop nɨÅɨd Jisas nop kɨdek gɨlek ak, bɨ olap yɨb ne Edlu. Edlu nɨmam ne nɨm, Saymon Pita. 41 Edlu ne Jisas nop kelɨgɨl, won anɨb anep am nɨmam Saymon nop pɨyow nɨÅɨd agak, Mesaya nop mɨñɨl nopun agak. Yɨb Mesaya nɨm ak, jɨj anɨgɨl mɨdeb, Bɨ God nop aglup ak, binɨb okok kɨlop dɨl kod yenɨgab ak. 42 Edlu anɨb agɨl, nɨmam Saymon nop poÅɨd Jisas yek ak amnak. Amek, Jisas Saymon nop nɨÅɨd anɨb agak, Nad Saymon, Jon ñɨne agak. Yɨb nep Sipas agɨnɨgabal agak. Yɨb Sipas agak anɨb ak, Pita yɨb ak alog mɨdeb. Yɨb anɨb omɨÅal jɨj ak, kab. 43 Mɨnek Jisas Galili plopens amnɨg, am Pilip nop pɨyow nɨÅɨd agak, Nad yɨp kɨdek gan agak. 44 Pen Pilip taun Betsayda nɨb, Edlu ayɨp Pita ayɨp man kɨli nɨm ak. 45 Pen Pilip am Nataniyel nop pɨyow nɨÅɨd agak, Chɨn bɨ sɨÅak, takaw Mosis ñu kɨl tɨkak ak sek, bɨ God gos ñek agñeb okok agɨl tɨkak sek anop, mɨñɨl nopun agak. Jisas Josep ñɨne, man awl Nasalet nɨb agak. 46 Pilip anɨb agek, Nataniyel agak, Tap tep olap taun Nasalet nɨb owup tek lup akaÅ agak? Mel yɨbɨl agak. Agek Pilip agak, Apɨl nɨgɨnɨmɨn agak. 47 Anɨb agɨl, wulep wulep gɨleknɨÅ, Jisas Nataniyel nop nɨÅɨd anɨb agak, Nɨgɨm, bɨ anɨb ak, bɨ Yislel yɨpɨd gɨl mɨdeb agak. Ne takaw yepɨs ma agup, takaw yɨpɨd gɨl adek ak nep gup agak. 48 Anɨb agek Nataniyel agak, Yɨp taydɨl nepan agak? Agek Jisas pen agak, Pilip nep suk ma agak won ak nep nepin, besɨg yesɨpan mab pik jɨj sɨÅak agak. 49 Anɨb agek Nataniyel agak, Tisa, nad God Ãɨne, Yislel binɨb bɨnonɨm mɨdeban agak. 50 Anɨb agek Jisas pen agak, Nep mab pik jɨj sɨÅak nepin agen, yokɨp takaw won ak apin ak nɨÅɨd yɨp gos lɨnepan agak. Kɨdek tap awl yɨbɨl ogɨnap gen nɨgɨnɨgaban agak. 51 Nɨbop nɨÅɨd yɨbɨl agebin agak. God man ne alaÅ mɨgan yɨkɨnɨgab ak nɨgɨnɨgabɨm agak. Yɨkɨl, God ensel ne okok Bɨ Olap Ãɨne nop nɨgɨnɨg aplan apyap gɨnɨgabal ak nɨgɨnɨgabɨm agak.