Hiblu 6

1 Anɨb ak chɨn mɨñɨl ñɨsɨkol paysɨkol tek ma yonɨgun, binɨb awl gɨpal okok kɨli takaw nepal tek mɨdɨl, Klays takaw ne nɨg dɨnɨgun. Klays takaw ne ned nɨgɨnok ak nep tepayaÅ agɨl tepayaÅ agɨl ma agɨnɨgayn. Chɨn Klays takaw ned nɨgɨnok ak pel nɨÅɨd lɨl nɨm, kal gɨnɨg mab meg puÅɨl tepayaÅ tɨgjuwɨl, tepayaÅ puÅɨl tepayaÅ puÅɨl gɨpun tek, kal gɨjunɨgun tek ma lup. Takaw anɨb okok apin ak, wog yokɨp gɨpun ak kelɨgɨl, tap si tap tɨmel gɨpun ak taynen anɨgɨpun agɨl kelɨgɨpun takaw ak. Pen God nop gos lɨnopun takaw ak. 2 Ãɨg pakñɨbun takaw ak. Ãɨn dɨ mɨdɨlɨg God nop agnopun takaw ak. Binɨb kumɨl tepayaÅ tɨkjakɨnɨgabun takaw ak. God binɨb okok kɨlop bɨlok lek, pel pelnep yul awl dɨnɨgabun akaÅ pel pelnep mɨdtep gɨnɨgabun takaw ak. Takaw anɨb okok mɨnek mɨnek ma agɨnɨgun. 3 Pen God chɨnop Yaw agonɨmuÅ, anɨb ak gɨnɨgabun. 4 Binɨb ogɨnap, God mɨlek ne kɨlop gek gos pag yɨkɨl, tap teplep God man ne alaÅ nɨb ak dɨl, God Kawnan ne ak agyokek binɨb ogɨnap ayɨp dɨlak. Kɨli God takaw ne ak nɨg dɨl, takaw tep yɨbɨl agɨl gos nɨgɨlak. Pen God kɨles ne dɨl binɨb kɨlop kod yenɨgab ñɨn ak, kɨli kɨles anɨb ak dɨ yelak. Binɨb anɨb okok pen, kɨdek God nop kud ñɨl kelɨgɨl apyap pakɨnɨgabal ak, tɨtay dɨnɨgabal? Kɨli adɨkɨd, tap si tap tɨmel gɨpun ak taynen anɨgɨpun, kelɨgɨnɨgun agɨl, anɨgɨnɨgel tek ma lup. Kɨli tap tɨmel anɨgɨlak ak, God Ãɨne nop mab bak alaÅ chɨpɨl pak tɨbɨk lɨlak tek tepayaÅ gɨlak. Anɨgelak, binɨb okok nop mɨseÅ lɨl agjulak. 7 Man ak pelpel pakɨl, lum mɨgan ayaÅ amub. Pen lum ak gek tap mɨdup jak tep gɨl mɨdup pulek, binɨb wog gɨpal okok ñɨÅɨnɨgabal ak, God lum anɨb ak gɨtep yɨbɨl gɨnɨgab. 8 Pen nag ñuñu sek mab ñuñu sek okok nep jakɨnɨgab ak, lum tɨmel gɨl kelɨgek pɨsnep sagi dɨnɨgab. God ne anɨgek, kɨdek lum anɨb ak pɨsnep yɨnel kul gɨnɨgab. 9 Bogɨlak tep yad okok, nɨbop takaw awl tek agobun. Ak pen nɨbop gos nɨÅɨd, anɨgɨl gos nopun, kanɨb tep adek ak kɨdek gɨnɨgabɨm. Kɨdek gem, God nɨbop tɨg asɨk dɨnɨgab. 10 God ne bɨ tɨmel gep ak mel. Nɨbi binɨb Klays yɨl mɨdebal okok, kɨlop ned abe mɨñɨl abe gɨñɨl dɨtep gɨpɨm. Anɨgem ne nɨÅɨd nɨgup, nop gos nɨÅɨd mapen lɨl wog tep anɨb ak gɨpɨm. Nɨm ak sawl ma gɨnɨgab. 11 Pen chɨnop tep gɨnɨgab ak, nɨbi keke mɨdupsek adek anɨb ak nep gɨ mɨdɨl, amɨl ne ayɨp mɨdtep gɨnɨgun agɨl, pel gos nepɨm tek gɨnɨgab. 12 Yɨlɨk yɨlɨk gɨnɨmuÅ tek lup ak, nɨgtep gɨnɨmɨb. Nɨbi pen bɨ okok kɨli Klays nop gos nɨÅɨd, mɨÅel ogɨnap apek gos anɨb ak ma nɨÅɨd wog ne malɨk gɨl gɨñɨbal ak, kɨli gɨpal tek ak kɨdek gɨnɨmɨb. Anɨgem, God kɨlop dɨtep gɨnɨgayn agak tek gup ak tek, nɨbop abe gɨnɨgab. 13 Bɨlel God ne Eblaham nop takaw nɨÅɨd yɨbɨl ak agɨnɨg, bɨawl yad tek olap sek ma yek nɨÅɨd, bɨ ogɨnap yɨb kɨlop ma agak. Yad gɨnɨgayn agebin tek gɨnɨm agɨl, yɨb ne ke agɨl agak, Yad mɨdebin tek, yepɨs ma apin nɨÅɨd yɨbɨl agebin agak. 14 Yad nep dɨtep yɨbɨl gɨl gek, ñapay nad tɨke, tɨkel tɨkel amek, kuÅay yɨbɨl yenɨgabal agak. 15 Anɨb agek, Eblaham God ne gɨnɨgayn agak tek gɨnɨgab agɨl, kɨmɨgel kod yek yek, nop dɨtep gɨnɨgayn agak tek nep gak. 16 Binɨb takaw kɨles nɨÅɨd yɨbɨl agɨnɨg, bɨawl olap yɨb nop agɨl apal, Bɨawl nɨm mɨdeb tek, yepɨs ma apin nɨÅɨd yɨbɨl agebin apal. Anɨgel, binɨb okok nɨÅɨd, ak nɨÅɨd yɨbɨl ageb agɨl, takaw penpen apal ak kelɨgɨpal. 17 Bɨlel God ne binɨb okok kɨlop dɨtep yɨbɨl gɨnɨgayn agɨl, kɨlop takaw nɨÅɨd yɨbɨl ak agek kɨli nɨgɨlak, chɨnop dɨtep yɨbɨl gɨnɨgab. Pen kɨli takaw anɨb ak nɨgtep yɨbɨl gɨnɨgel agɨl, ne anɨb agak, Takaw yad apin ak ma kelɨgɨnɨgayn, gos olap kɨdek ma nɨgɨnɨgayn agak. Kɨles tɨmel yɨbɨl agɨl agebin, Yad gɨnɨgayn agebin tek gɨnɨm agebin agak. 18 Pen mɨñɨl takaw omɨÅal mɨdeb, God ne yepɨs ma apin nɨÅɨd yɨbɨl agebin agak ak sek, ne gɨnɨgayn agebin tek gɨnɨm agak ak sek. Takaw omɨÅal anɨb okok tɨg adɨkɨl gɨnɨmuÅ tek ma lup. Pen chɨn nopun, God ne yepɨs agep tek ma lup. Anɨb ak chɨn binɨb pɨlɨkɨl, God yɨl we gɨlɨg opun okok, gos sek yonɨgun. God ne gɨnɨgayn agebin tek gɨnɨm agak ak nɨÅɨd, chɨnop dɨtep gɨnɨgab ak kod mɨdobun. 19 Chɨnop dɨtep gɨnɨgab ak kod mɨdobun nɨm ak, gos tɨmud nɨbi ak mɨdtep gɨl kɨles gɨnɨmɨb agak tek yonɨgun. Gos tɨmud anɨb ak, sip anka dɨ mɨdebal tek yonɨgun. Pen bɨ chɨnop dɨtep gɨnɨgab ak kod mɨdobun ak, Jisas nokom nɨm. Jisas ne amɨl, God agnɨgep kal awl ñɨluk mɨgan ayaÅ chech palawl kanɨbtub pɨl gɨlak ak pɨskɨd amɨl, kaw ñɨluk mɨgan ayaÅ amnak. 20 Jisas nɨm, ne bɨ God nop sɨbogep Melkisedek ak tek mɨdɨl, bɨ God nop sɨbogep bɨawl yɨbɨl ak pel pelnep yenɨgab. Ne God agnɨgep kal awl ñɨluk mɨgan ayaÅ ned amɨl, chɨnop nen wog gɨñɨlɨg God ayɨp mɨdeb.