Hiblu 4

1 Pen God ne chɨnop takaw olap aglɨl agak, Nɨbop dɨl dad apen, añɨŠlɨl mɨdtep gep mɨgan ayaÅ amnɨmɨb tek lup agak. Anɨb ak nɨbi nɨgtep gɨlɨg yenɨmɨb. Mel ak, nɨbi ogɨnap wulep yapɨl tep anɨb ak mɨgan ayaÅ amnɨgel tek ma lup. 2 Takaw teplep ak mɨñɨl agñel chɨn nopun, bɨlel agñel Yislel binɨb kɨli nɨgɨlak tek. Kɨli pen takaw anɨb ak yokɨp nɨÅɨd, gos ma nɨgɨlak. Anɨb ak tek, takaw teplep ak agñel nɨgɨlak ak, kɨlop gɨñɨnɨmuÅ tek ma lak. 3 Chɨn pen Klays nop gos lɨnopun okok, añɨŠlɨl mɨdtep gep mɨgan ayaÅ amnɨgun tek lup. Bɨlel God ne tep anɨb ak gos nɨÅɨd anɨb agak, Yɨp yɨlɨk yɨbɨl gek, takaw kɨles tɨmel yɨbɨl agɨl agɨnek, Kɨli yad ayɨp mɨdɨl añɨŠlɨl mɨdtep gɨnɨgel agɨnek ak, ma yɨbɨl dɨnɨgabal agɨnek agak. Pɨsnep mel agebin agɨnek agak. God ne takaw agak anɨb ak, Mosis yek ñɨn ak agak ak pen chɨn nopun, tap alwol gɨlak ñɨn ak, lum awl anɨgɨnɨgayn agɨl gos nɨgak ak nɨgjuwak. 4 Pen buk Baybol mɨgan ayaÅ, bɨ olap ne ñɨn kugul ak gos nɨÅɨd, tɨkɨl anɨb agak, Ãɨn kugul ak, God lum awl tap okok mɨdupsek gɨlɨjuwak ak nɨÅɨd, añɨŠlɨl yokɨp mɨdek agɨl tɨkak. 5 Pen takaw ned nopun ak, anɨb ak nep agak, Kɨli añɨŠlɨl mɨdtep gɨnɨgel agɨnek ak, ma yɨbɨl dɨnɨgabal agak. Pɨsnep mel agebin agak. 6 AñɨŠlɨl mɨdtep gep ak mɨñɨl mɨdeb, binɨb ogɨnap mɨgan ayaÅ amnɨgel tek lup. Binɨb bɨlel takaw teplep ak nɨgɨlak okok pen, takaw anɨb ak tɨbɨlɨkɨlak ak nɨm, añɨŠlɨl mɨdtep gep mɨgan ayaÅ ma amnɨlak. 7 Anɨb ak, bɨlel tɨkɨl sub kuÅay yɨbɨl yɨn gek, kɨdek God ne Depid nop gos ñak. Gos ñek, Depid buk Baybol takaw agesɨpin ak tɨkɨl agak, Mɨñɨl, nɨbi God takaw agak ak nɨgenɨgabɨm, chɨbol nɨbop ak ma asɨkɨnɨmuÅ ak ma gɨnɨmɨb agɨl tɨkak. Pen Depid yek ñɨn ak, God ne agak, Mɨñɨl agak. Anɨb ak nopun, ñɨn olap ke aglak. Ãɨn aglak anɨb ak, binɨb añɨŠlɨl mɨdtep gep mɨgan ayaÅ amnɨgel tek lɨnɨgab. 8 Josuwa ne bɨlel binɨb okok kɨlop dad amek, añɨŠlɨl mɨdtep gepɨlap ak, kɨdek God ne ñɨn olap ke aglɨnɨmuÅ tek ma lɨnɨgab. 9 Anɨb ak nɨm, God binɨb ne kɨli añɨŠlɨl mɨdtep gɨl yenɨgel, God ne bɨlel ñɨn kugul ak añɨŠlɨl mɨdtep gak tek. 10 Chɨn nopun, God agek binɨb an añɨŠlɨl mɨdtep gep mɨgan ayaÅ amub ak, wog ne gɨjuwɨl añɨŠlup. Anɨgɨl añɨŠlup ak, bɨlel God ne añɨŠlɨl mɨdtep gak tek lak. 11 Anɨb ak chɨn añɨŠlɨl mɨdtep gep tep anɨb ak mɨgan ayaÅ amnɨg, kɨles tɨmel yɨbɨl gɨl amnɨgun. Mel ak, binɨb chɨn ogɨnap kɨli binɨb bɨlel okok takaw ak tɨbɨlɨkɨlak tek genɨgabal, apyap pakɨnɨgel tek lɨnɨgab. 12 God takaw ne ak kɨm mɨdeb, kɨles yɨbɨl gɨlɨg mɨdeb. Baynat pɨspɨs kɨd yɨbɨl gak tek ak mɨdeb ak pen, baynat pɨspɨs kɨd sɨkol, takaw anɨb ak pɨspɨs kɨd tɨmel yɨbɨl. Takaw anɨb ak binɨb kɨlop puÅɨlɨl, nab okyaÅ amub. Nab ayaÅ amɨl, kawnan sek bipɨl ayaÅ sek nab ak amub. Pen abe amɨl, tɨÅɨl sek sɨlom sek jɨmñɨl mɨdeb nab ayaÅ amub. Anɨb ak tek, binɨb gos tɨmud ak sek gos nab ayaÅ sek mɨdupsek nɨgtep gɨl, kɨlop tɨg asɨkup. 13 Tap anɨb okok mɨdupsek God ne gɨlak ak, olap kɨmɨgel we gɨl gɨnɨmuÅ tek ma lup. Mel yɨbɨl. Mɨdupsek mɨseÅ lɨl mɨdaknɨÅ, God nɨÅɨd nɨgtep yɨbɨl gup. Pen ne nokom chɨnop tɨg asɨkɨl, tɨtay gɨpun takaw ak agnɨgaknɨŠagñɨnɨgabun. 14 Bɨ God nop sɨbogep bɨawl yɨbɨl chɨn ak mɨdeb. Ne Jisas nɨm, God Ãɨne mɨdɨl, God man ne alaÅ mɨgan ayaÅ amub. Anɨb ak chɨn mɨseÅ apun, Nop gos nopun apun ak, gos nɨÅɨd kɨles gɨl dɨnɨgun. 15 Ne apɨl lum awl yolɨgup ñɨn ak, tap si tap tɨmel chɨnop lɨpɨg dad amnɨmuÅ tek lup okok mɨdupsek, mɨÅel chɨnop tɨtay gup okok mɨdupsek, nop abe gak ak pen, ne tap si tap tɨmel ma gak. Anɨb ak tek chɨn kɨles ma mɨdon tɨtay chɨnop gup ak ne nɨgtep gup tek, chɨnop pel yɨmug nɨgup. 16 Anɨb ak nɨm, chɨn ma pɨlɨkɨl God yɨl monmon ownɨgun. God, ne bɨ yɨmug nɨÅɨd gɨtep gep mɨdeb. Chɨn nop yɨl apon, chɨnop mapen nɨgɨnɨgab. Pen mɨÅel ogɨnap chɨnop apek, chɨnop gɨñɨnɨg yɨmug nɨÅɨd gɨtep gɨnɨgab.