Hiblu 10

1 Pen binɨb takaw Mosis ñu kɨl tɨkak ak nɨÅɨd, chag sipsip tap okok pak God nop sɨbog ñɨbal ak, tap yɨbɨl kɨdek gɨnɨgab tek, kawnan pag nɨÅɨd gɨpal. Kɨli God yɨl amnɨg gɨpal anɨb okok, sub ak sub ak pel gɨpal ak pen, binɨb teplep yɨbɨl mɨdɨl mɨdtep gɨnɨgel tek ma lup. 2 Kɨdek gɨpal ñɨn ak, kɨlop gek pɨsnep suÅtep mɨdebɨlap ak, gos kuÅay nɨÅɨd, tepayaÅ gɨl tepayaÅ gɨl ma gɨpɨlap. 3 Pen mel ak. Kɨli sub ak sub ak tap okok pak God nop sɨbog ñɨlɨg nep mɨdɨl, tap si tap tɨmel gɨpal ak nɨgel gos awl amnak. 4 Taynen? Chag bulmakaw chag meme tap okok pakel nɨkɨm sogek, nɨÅɨd tɨg walɨg gɨyokɨnɨmuÅ tek ma lup. 5 Anɨb ak Klays lum awl ownɨg gak, ne God nop agak, Tap okok pakel nɨkɨm sogek nep sɨbog ñɨbal okok, yɨp ñɨnɨgel agɨl gos ma nɨge nep tep ma gup agak. Pen tap anɨb okok dagɨlel pɨsnep yɨn bɨj tɨkup ak sek, tap nep sɨbog ñel gach kɨlop tɨg walɨg gɨyokup ak sek, anɨb okok abe nep tep ma gup agak. Ak pen mubwak yɨp olap gɨlɨnak agak. 7 Gɨlenak yad agɨnek, God, yad awl nep mɨdebin agɨnek agak. Kɨli ñu kɨl tɨkɨl agɨlak tek, yad apɨl nad gos nɨÅɨd apan tek gɨnɨm agɨnek agak. 8 Klays takaw anɨb ak omɨÅal agak. Takaw ned ak, takaw Mosis ñu kɨl tɨkak ak, nɨbi anɨgɨl sɨbog ñɨnɨmɨb agak ak nɨÅɨd, anɨb agak, Tap okok pakel nɨkɨm sogek nep sɨbog ñɨbal okok sek, tap dagɨlel pɨsnep yɨn bɨj tɨkup ak sek, tap nep sɨbog ñel gach kɨlop tɨg walɨg gɨyokup ak sek, anɨb okok yɨp ñɨnɨgel agɨl gos ma nɨge nep tep ma gup agak. 9 Pen takaw kɨdek ak anɨb agak, God, yad awl nep mɨdebin agak. Yad apɨl, nad gos nɨÅɨd apan tek gɨnɨm agak. Takaw anɨb ak agek, God ne takaw ned nɨb chag sipsip tap okok pak sɨbog ñɨbal ak kelɨgɨl, takaw tep kɨdeyɨl agak ak gek wos amub. 10 Jisas Klays ne God gos nɨÅɨd agak tek nɨÅɨd, tap si tap tɨmel gɨpun gach ak wik yokɨnɨg, mɨnek nokom yɨbɨl mubwak ne ke ak dɨl, God nop pɨsnep sɨbog ñak. Pɨsnep sɨbog ñak ak nɨm, binɨb suÅtep ne yɨbɨl mɨdobun. 11 Bɨ God nop sɨbogep okok mɨdupsek, kɨli mɨnek mɨnek jak mɨdɨlɨg God wog nop gɨñɨbal. Pen tap okok anɨgɨl nep pelpel pak sɨbog ñɨbal ak, God nɨÅɨd binɨb tap si tap tɨmel gɨpal okok tɨg walɨg gɨyokɨnɨmuÅ tek ma lup. 12 Klays pen, binɨb tap si tap tɨmel gɨpal okok tɨg walɨg gɨyokɨnɨm agɨl, mɨnek nokom yɨbɨl mubwak ne ke ak dɨl, God nop sɨbog ñak. Wog anɨb ak pɨsnep gɨjuwɨl, am God ñɨn yɨpɨd kɨd okok ken besɨgak. 13 Besɨg kod mɨdɨl mɨd dad amɨl, God ne binɨb Klays ayɨp penpen gep okok kɨlop tob muk ne okok lek, taw tɨbɨkɨnɨgab ñɨn ak ownɨgab. 14 Ne ñɨn nokom yɨbɨl mubwak ne ke ak dɨl, God nop sɨbog ñak. Anɨgak ak nɨm, binɨb God binɨb suÅtep yad yɨbɨl yenɨgel agɨl gos nɨgup okok, Klays kɨlop gek, God binɨb suÅtep ne yɨbɨl mɨñɨl mɨdɨl, pelpel suÅtep yɨbɨl yenɨgabal. 15 God Kawnan ne ak abe, chɨnop takaw anɨb ak tek agñak. Ne ned anɨb agak, 16 Bɨawl agup, Kɨdek ñɨn ak, yad kɨli ayɨp takaw ag adek nokom lɨnɨgayn agup agak. Pen takaw anɨb ak anɨgɨl mɨdeb agup agak. Takaw yad apin ak, yad dɨl gos kɨli nab ayaÅ lɨl, gos tɨmud kɨlop nab ak kɨl tɨkɨnɨgayn agup agak. 17 Pen takaw olap agak, Tap si tap tɨmel gɨnɨgabal ak sek, takaw yad tɨbɨlɨkɨnɨgabal ak sek, nɨÅɨd kelɨgɨl gos anɨb ak nɨgɨlɨg ma yenɨgayn agup agak. 18 Pen anɨb okok nɨÅɨd pɨsnep tɨg walɨg gɨyokɨnɨgab anɨb ak tek, tap olap pak God nop sɨbog ñɨnɨmuÅ tek ma lɨnɨgab. Wog anɨb ak gɨjuwɨl, tepayaÅ ma gɨnɨgab. 19 Mam ay sɨkop, Jisas kumɨl nɨkɨm sogek, tap si tap tɨmel gɨpun ak tɨg walɨg gɨyokup. Anɨb ak chɨn ma pɨlɨkɨl, God kal ñɨluk mɨgan ayaÅ suÅtep ke yɨbɨl mɨgan ak ownɨgun. 20 Jisas chɨnop agɨl mubwak nop tɨmel gel kumɨl tɨkjakak, anɨb ak tek kanɨb kɨdeyɨl chɨn ak yɨkak. Chech palawl kanɨb anɨb ak pɨl gɨlak ak, pɨsnep yɨkek kal ñɨluk mɨgan ayaÅ suÅtep ke yɨbɨl mɨgan ak amnɨgun tek lup. 21 Pen abe, ne bɨ God nop sɨbogep bɨawl yɨbɨl chɨn ak mɨdɨl, God binɨb ne mɨdupsek kɨlop kod mɨdeb. 22 Nɨkɨm ne ak dɨl, gos chɨnop nab ayaÅ yokup. Anɨb ak chɨn nopun, chɨbol nab chɨn ayaÅ gach ma mɨdɨl, mɨdtep gɨl binɨb ne mɨdobun. Pen wak chɨnop ñɨg kayɨg tep tek askoy pakñek, binɨb suÅtep ne mɨdobun. Anɨb ak tek, gos chɨn nab ayaÅ mɨdtep gɨl yepɨs ma gɨnɨgun, gos awl ma nɨgun agɨl pel gos nɨÅɨd nop chɨg tep gɨnɨgun. Anɨgon nɨm, chɨn ma pɨlɨkɨl God yɨl monmon ownɨgun. 23 Chɨn nopun, God tap okok gɨnɨgayn agup tek gɨnɨgab. Mɨdupsek gɨnɨgab, olap ma kelɨgɨnɨgab. Anɨb ak takaw chɨnop aglek nɨÅɨd pel agñɨbun ak, ma kelɨgɨnɨgun. Tap teplep dɨnɨgabun agɨl gos sek kod yonɨgun. 24 Pen chɨn nɨnokom, God binɨb ne kɨli gos sek mɨdɨl gɨtep yɨbɨl gɨnɨgel agɨl, gos nɨg yonɨgun. Gos nɨg mɨdɨl kɨlop anɨgon, kɨli penpen mapen yɨbɨl lɨl, penpen gɨtep gɨñɨnɨgel. 25 Chɨn God binɨb ne mɨdobun okok, pelpel apnan gɨnɨgun. Binɨb ogɨnap apnan gɨnɨgun anɨb ak kelɨgɨpal ak pen, chɨn ma yɨbɨl anɨgɨnɨgun. Pen Bɨawl ownɨgab ñɨn ak wulep mɨdeb agɨl, takaw tep ak kɨles gɨl agñɨl gos sek mɨdɨl, pelpel apnan gɨnɨgun. 26 Nɨgɨm. Takaw nɨÅɨd yɨbɨl ak agel nɨgtep gɨl, pen gos chɨn ke nɨÅɨd adɨkɨd tap si tap tɨmel gon amenɨgab, tap olap God nop pak sɨbog ñek tap si tap tɨmel gɨpun okok tɨg walɨg gɨyokɨmuÅ tek ma mɨdeb. 27 Adek anɨb ak pen, God binɨb tɨg asɨk bɨlokɨnɨgab ak sek, mab mɨÅɨlaÅ binɨb God nop mɨlɨk nɨgenɨgabal kɨlop sɨj tɨmel yɨnub ak sek, chɨn gos anɨb nɨÅɨd jel gek pɨlɨkɨlɨg kod yonɨgabun. 28 Bɨ olap takaw Mosis ñu kɨl tɨkak ak nɨÅɨd, tap yokɨp tek lek tɨbɨlɨkak tek, binɨb omɨÅal akaÅ, omɨÅal nokom wɨdɨn nɨÅɨd agyɨkɨlak ak, kɨli bɨ anɨb ak nop chɨb ma nɨgɨnɨgel. Agel nop pɨsnep paklel kumak. 29 Bɨ olap pen ne God Ãɨne nop aleb aleb ñɨl bɨ yokɨp tek lek gos nɨgup ak, ne tɨtay dɨnɨgab? Binɨb takaw Mosis ñu kɨl tɨkak ak nɨÅɨd tap yokɨp tek lek tɨbɨlɨkɨpal okok, kɨli mɨÅel dɨl pɨsnep kubal ak pen, bɨ anɨb ak ne mɨÅel awl dɨl yul awl yɨbɨl dɨnɨgab. Pen ne God Ãɨne nɨkɨm ak abe nɨÅɨd tap yokɨp tek lek gos nɨgek, mɨÅel awl dɨl yul awl yɨbɨl dɨnɨgab. Taynen? Nɨkɨm anɨb ak sogek, God takaw ag adek nokom lak ak wos amnak. Amek, bɨ anɨb ak God bɨ suÅtep ne olap mɨdeb ak pen, kɨdek nɨkɨm anɨb ak tap yokɨp tek lek gos nɨgup. Pen ne God Kawnan ne ak chɨnop yɨmug nɨÅɨd gɨtep gup ak nop, abe aleb aleb ñɨl agjup. Anɨb ak tek mɨÅel awl dɨl yul awl yɨbɨl dɨnɨgab. 30 Chɨn nopun, God ne ke agak, Binɨb gɨ tɨmel gɨpal okok, yad nokom kɨlop pen gɨ tɨmel gɨl yɨpɨl awl ñɨnɨgayn agak. Wog anɨb ak yad pel anɨgɨpin agak. Pen takaw olap agak, Bɨawl ak ne binɨb ne okok kɨlop tɨg asɨkɨl, takaw agɨnɨgab agak. 31 God pel mɨdep ak, ne bɨ olap nop pen gɨ tɨmel gɨl yɨpɨl awl ñɨnɨg denɨgab, gos awl nɨÅɨd jel tɨmel gɨl pɨlɨkɨnɨmuÅ. 32 Pen ned gelɨgɨpɨm ak sawl ma gɨnɨmɨb. Ãɨn anɨb ak, God mɨlek tep nɨÅɨd depek, binɨb okok nɨbop mɨÅel awl ñel yul awl dɨpek ak pen, kɨles gɨl jak mɨdɨl nop ma kelɨgɨpek. 33 Ãɨn ogɨnap nɨbop mɨseÅ lɨl, takaw tɨmel agɨl gɨ tɨmel gelɨgɨpal. Pen ñɨn ogɨnap binɨb ogɨnap kɨlop anɨb ak tek gɨ tɨmel gɨlaknɨÅ, anɨb okok yɨl amelɨgɨpɨm. 34 Nɨbi nepek, tap yɨbɨl nɨbi ak God man ne alaÅ mɨdɨl, anɨb okok pelpel yenɨgab. Anɨb ak binɨb apɨl tap nɨbop dad okok nɨb okok nɨb gelɨgɨpal ak, ak tap yokɨp agɨl gos awl ma nɨgem nɨbop tep golɨgup. Pen binɨb nɨbi ogɨnap nag lak okok, kɨlop yɨmug nɨÅɨd dɨtep gelɨgɨpɨm. 35 Anɨb ak ned gɨtep gelɨgɨpɨm ak nɨÅɨd, gos sek yenɨmɨb. Anɨgɨl gos nɨÅɨd, Klays nop gos nɨg mɨdɨl ma kelɨgɨl nɨm, tap teplep yɨbɨl dɨnɨgabɨm. 36 Gos nɨgtep gɨl, kɨles gɨl jak yenɨmɨb. Anɨgenɨgabɨm, God gos nɨÅɨd agup tek gem amek nɨm, yad gɨnɨgayn agak tek nɨbop gɨnɨgab. 37 Pen buk Baybol ak tɨkɨl anɨb agak, Sɨkol won olap mɨdɨl, bɨ ownɨgab ak ne apjakɨnɨgeb agɨl tɨkak. Pel ma yenɨgab, wulep mɨdeb ownɨgeb agɨl tɨkak. 38 Binɨb suÅtep yad okok, yɨp gos lɨnɨÅɨd nɨm, pelpel yenɨgabal agɨl tɨkak. Pen kɨli adɨkɨd yɨp kelɨgɨl kɨdek ma genɨgel, kɨlop nɨgen yɨp tep ma gɨnɨgab agɨl tɨkak. 39 Chɨn pen, binɨb adɨkɨd God nop kelɨgɨl kɨdek ma gɨl, pɨsnep kul gɨpal okok ma mɨdobun. Chɨn binɨb God nop gos lɨnɨgel, kɨlop tɨg asɨk dek pel pelnep yenɨgabal okok mɨdobun.