Aposel 23

1 Pol nop anɨgɨl wɨsɨb dap lelak, ne bɨ Juda bɨawl takaw tɨg asɨkep anɨb okok kɨlop nɨg mɨdɨlɨg agak, Mam sɨkop. Yad God agup tek pel gɨpin ak nɨm, gos pal lɨnɨg ma mɨdebin agak. 2 Anɨb agek, Ananayas, bɨ God nop sɨbogep bɨawl yɨbɨl ak, ne bɨ wulep sɨÅak yelak okok kɨlop agak, JoÅɨb bad ak pakɨm agak. 3 Anɨb agek, nop pakelak, Pol ne bɨawl yɨbɨl anɨb anop agak, God nep pen pakɨnɨgab agak. Nak wali tɨmel gup tek mɨdeban pen, sɨÅak tek pakɨpal we gɨl mɨdeb agak. God takaw ne nɨÅɨd, yɨp kot gɨpan ak pen, God takaw ne ak kelɨgɨl, nop monmon pakɨm apan agak. 4 Pol anɨb agek, bɨ wulep sɨÅak yelak anɨb okok agɨlak, Bɨ God nop sɨbogep bɨawl yɨbɨl anop agjuweban akaÅ agɨlak? 5 Agel, Pol agak, Mam sɨkop. Ne bɨ God nop sɨbogep bɨawl yɨbɨl agɨl ma nepin agak. Buk Baybol ak tɨkɨl agɨlak, Bɨawl nɨbi okok kɨlop ma agjunɨmɨb agɨl tɨkɨlak agak. 6 Pen won anɨb ak Pol nɨgak, bɨ Juda bɨawl takaw tɨg asɨkep anɨb okok, ogɨnap bɨ Sajusi kay mɨdebal, ogɨnap bɨ Pelisi mɨdebal. Bɨ Sajusi okok gos kɨli ak nɨÅɨd agelɨgɨpal, Ensel okok ma mɨdebal, kawnan ma mɨdebal, binɨb okok kumɨl ma tɨkjakɨnɨgabal agelɨgɨpal. Bɨ Pelisi okok pen, tap anɨb okok mɨdupsek mɨdeb agɨl gos nepal. Pol ne bɨ keke yelak anɨb ak nɨÅɨd, takaw awl agɨl agak, Mam sɨkop. Based yad okok mɨdupsek Pelisi bɨ, yad abe Pelisi olap mɨdebin agak. Binɨb kumɨl tɨkjakɨpal takaw ak agen, yɨp pen kot gebal agak. Anɨb agek, kɨli takaw penpen agɨlak. Bɨ Sajusi okok asɨk ke lɨl, bɨ Pelisi okok asɨk ke lɨl, 9 takaw pug awl agɨlak. Agelak, Pelisi kay bɨ kɨli Mosis takaw ñu kɨl tɨkak ak nɨgtep gep okok, tɨkjakɨl takaw kɨles gɨl agɨlak, Bɨ anɨb awl tap tɨmel olap gup agɨl gos nɨÅɨd ma apun agɨlak. Pen kawnan olap akaÅ, ensel olap nɨgak tek lup, chɨn ma nopun agɨlak. 10 Anɨb agɨl, penpen ag dad amnɨlaknɨÅ, bɨ chɨm kadɨŠgep bɨawl yɨbɨl ak nɨgak. NɨÅɨd, anɨb ag dad amɨl, Pol nop tɨgɨluk dayday lɨnɨgel tek lɨnɨgab agɨl gos nɨgak. Anɨgek, bɨne okok kɨlop agek, ayaÅ amɨl Pol nop Juda ñɨn mɨdup dɨ yelak tɨg asɨkɨl, poÅɨd dam kal kɨli mɨgan ak lɨlak. 11 Pen ñɨn anɨb ak maynab ayaÅ, Bɨawl ak ne apɨl Pol yek sɨÅak jak mɨdɨl agak, Gos sek yenɨmɨn agak. Takaw tep yad ak Jelusalem awl agñɨban tek, Lom amɨl, abe agñɨnɨmɨn agak. 12 Mɨnek pen, Juda bɨ anep 40 tek apnan gɨl, takaw ag adek nokom lɨl agɨlak, Chɨn Pol nop ma paklɨpun won awl, tap ma ñɨbɨl, ñɨg ma ñɨbɨl gɨnɨgabun agɨlak. 14 Anɨb agɨl, amɨl bɨ God nop sɨbogep bɨawl okok sek, Juda bɨawl okok sek kɨlop agɨlak, Chɨn nɨÅɨd yɨbɨl apun agɨlak. Tap mɨñɨl ma ñɨÅɨnɨgun agɨlak. Pol nop pɨsnep paklɨl nɨm, kɨdek tap ñɨÅɨnɨgabun agɨlak. 15 Anɨb ak nɨbi bɨ chɨm kadɨŠgep bɨawl yɨbɨl anop takaw yokɨl, yepɨs agɨl agɨnɨmɨb, Pol nop dad awl ape, nop takaw ogɨnap sek agnɨÅɨd nɨgtep gɨnɨgun agɨnɨmɨb agɨlak. Yepɨs anɨb ak agem nɨm, chɨn ñɨluk lɨl mɨdon kanɨb nab owaknɨÅ, nop pɨsnep paklɨnɨgabun agɨlak. 16 Pen Pol nɨnay ñɨne ak, Pol nop paklɨnɨg gɨlak takaw anɨb ak nɨÅɨd, Pol nop dam lɨlak kal ak amɨl nɨÅɨd agñak. 17 Agñek Pol nɨÅɨd, bɨ chɨm kadɨŠgep bɨawl olap nop agak, Bɨ pɨlaj awl, takaw olap mɨdeb agak. Nop poÅɨd bɨ chɨm kadɨŠgep bɨawl yɨbɨl mɨdeb ak ame, takaw anɨb ak agɨnɨmuÅ agak. 18 Agek, nɨnay ñɨne anɨb anop poÅɨd bɨawl yɨbɨl yek ak amɨl agak, Pol kalabus bɨ ak agup, Bɨ pɨlaj awl takaw olap mɨdeb nen, nop poÅɨd dad, bɨawl yɨbɨl mɨdeb ak ame, takaw anɨb ak agɨnɨmuÅ agup agak. Agek, poÅɨd apebin agak. 19 Anɨb agek, bɨawl yɨbɨl ak ne ñɨ anɨb anop ñɨn kɨd ak dɨl, poÅɨd gol okok amɨl agak, Yɨp takaw agɨnɨg apan anɨb ak agan agak. 20 Agek, ñɨ pɨlaj anɨb ak agak, Tol Juda bɨ okok kɨli nep takaw agyokɨl, yepɨs agɨnɨgabal. Anɨb agɨnɨgabal, Pol nop dad bɨ Juda bɨawl takaw tɨg asɨkep okok mɨdebal ak apenɨmɨn, takaw ogɨnap sek agnɨÅɨd nɨgtep gɨnɨgun agɨnɨgabal agak. 21 Anɨb ak takaw kɨli agɨnɨgel ak ma nɨgɨnɨmɨn agak. Bɨ kɨli anep 40 tek, Pol nop ñaglɨl nep nɨm, kɨdek tap ñɨÅɨnɨgabun agɨl, takaw aglɨpal agak. Kɨli takaw nep ak nɨÅɨd, anɨgɨnɨgun agɨl kod mɨdebal agak. 22 Ãɨ pɨlaj anɨb ak anɨb agek, bɨ chɨm kadɨŠgep bɨawl yɨbɨl ak nɨÅɨd, nop agyokɨlɨg agak, Binɨb ogɨnap kɨlop nɨÅɨd, bɨ chɨm kadɨŠgep bɨawl yɨbɨl anop anɨb anɨb gɨl agɨl apebin ma agɨnɨmɨn agak. 23 Bɨ chɨm kadɨŠgep bɨawl yɨbɨl ak anɨb agɨl, bɨ chɨm kadɨŠgep bɨawl ne omɨÅal ak kɨlop suk agek apel agak, Mɨñɨl maynab ayaÅ, taun Sisaliya amnɨmɨb agak. Bɨ chɨm kadɨŠgep okok kɨlop 200 ak dɨl, bɨ kusal dɨnɨgel okok kɨlop 200 ak dɨl, bɨ chag hos sek dɨnɨgel okok kɨlop 70 ak dɨl dad amnɨmɨb agak. 24 Pol nop hos ogɨnap sek dɨ nab lɨl, poÅɨd dam, gapman bɨawl Peliks mɨdeb ak yokɨnɨmɨb agak. 25 Anɨb agɨl, ne mɨj olap ñu kɨl tɨkɨl agak, 26 Yad Klodiyus Lisiyas agak. Yad nep gapman bɨawl Peliks mɨj kɨl tɨkebin agak. Nad mɨdtep gɨnɨmɨn agak. 27 Bɨ nep yokebin awl, Juda binɨb nop paklɨnɨg gɨlak agak. Anɨgɨlak ak pen yad nɨgɨnek, ne bɨ Lom nɨb, anɨb ak tek bɨ chɨm kadɨŠgep yad ogɨnap ayɨp amɨl, nop dad ownok agak. 28 Dad apɨl, nop pakɨnɨg gɨlak takaw jɨj anɨb ak nɨgin agɨl, nop dad bɨ Juda bɨawl takaw tɨg asɨkep okok kɨli yelak ak amnɨnek agak. 29 Amɨl nɨgɨnek, Juda binɨb kɨli gɨpal tek takaw adek ogɨnap yek agak. Pen ne tap ogɨnap gek, nop pɨsnep paklep akaÅ, nag lep takaw jɨj olap ma yek agak. 30 Pen takaw olap apal, Bɨ anɨb anop ñɨluk lɨl mɨdɨl ñaglɨnɨgabun apal agak. NɨÅɨd nɨm, nad mɨdeban ak kasek agyokebin agak. Bɨ nop takaw agebal anɨb okok, abe agyoken amɨl, takaw jɨj anɨb ak nep agɨnɨgabal agak. Tep agak. 31 Bɨ chɨm kadɨŠgep bɨawl yɨbɨl ak anɨb agɨl mɨj tɨkñek, bɨne okok, kɨli Pol nop maynab ayaÅ nep poÅɨd am am, taun Adipatlis amjakɨlak. 32 Mɨnek, bɨ chɨm kadɨŠgep okok sek, bɨ kusal dɨnɨgel okok sek kɨli adɨkɨd kal kɨli Jelusalem yek ak owlak. Bɨ chɨm kadɨŠgep chag hos sek okok nep, Pol nop dad Sisaliya amnɨlak. 33 Amɨl, taun Sisaliya amjakɨl, gapman bɨawl anop mɨj ñɨl agɨlak, Bɨ dap ñɨn adek nep lobun awl, yɨb ne Pol agɨlak. 34 Gapman bɨawl ak ne mɨj pi ak nɨgɨlɨg nɨÅɨd, Pol nop agak, Nad man akal nɨb agak? Agek, Pol agak, Plopens yad Silisiya agak. 35 Anɨb agek, bɨawl ak nɨÅɨd nop agak, Bɨ nep takaw apal okok apel, takaw agɨnɨgabun agak. Anɨb agɨl, bɨne ogɨnap kɨlop agak, Nop dam gapman bɨnonɨm Helod kal ak nag lɨl, kod mɨdtep gɨnɨmɨb agak.