Aposel 18

1 Kɨdek Pol taun Atens anɨb ak kelɨgɨl, taun Kolin amnak. 2 Amɨl nɨgak, bɨ Juda olap, Podus plopens nɨb ap yek. Yɨb ne ak Akwila, bin ne yɨb ak Plisila. Bɨ bel anɨb ak, kɨli am yelɨgɨpil man Yitali, taun Lom wulep okok. Kɨli anɨgɨl am yelɨgɨpil ak pen, ñɨn anɨb ak Lom gapman bɨnonɨm Klodiyus, Juda ogɨnap Lom ak ma yenɨgel agak ak nɨm, ap taun Kolin anɨb ak yelek. 3 Bɨ bel anɨb ak, kɨli sel kal gɨlelɨgɨpil. Pen Pol abe, wog anɨb ak tek golɨgup ak nɨm, am kɨli ayɨp mɨdɨl, sel okok gɨlelɨgɨpal. 4 Pol ne pen, Juda binɨb, Glik binɨb mɨdupsek nɨgɨlaÅ agɨl, Juda añɨŠlep ñɨn awl ak owaknɨÅ, apnan gɨpal kal ak amɨl, kɨli ayɨp takaw ag amɨl apɨl golɨgup. 5 Anɨgɨ dad amɨl, kɨdek Saylas ayɨp Timoti ayɨp Masedoniya plopens kelɨgɨl owlek. Apel, Pol ne sel kal golɨgup wog ak kelɨgɨl, mɨnek mɨnek Juda binɨb okok kɨlop takaw agñɨ ajɨlɨg agolɨgup, Bɨ God nop aglup ak, binɨb okok kɨlop dɨl kod yenɨgab ak, Jisas ne nokom agolɨgup. 6 Anɨb agak ag pen, takaw nop ak ma nɨÅɨd, nop agjuwɨlak. Agjuwelak, God nop taynen kelɨgɨpal agɨl, chech ne ak pɨpal pakɨlɨg, kɨlop agak, Yad nɨbop God takaw ak agñen ma nepɨm ak, tap nɨbi ke agak. Mɨñɨl nɨbop Juda binɨb kelɨgɨl, binɨb Juda mel okok kɨlop agñɨnɨgayn agak. 7 Anɨb agɨl, kɨlop kelɨgɨl, bɨ Juda mel olap kal ak amnak. Bɨ anɨb ak yɨb ne Titiyus Jastus. Ne God nop kɨdek gɨl agnɨgolɨgup. Kal ne ak yek, Juda apnan gɨpal kal gol sɨÅak. 8 Pen Klispus, bɨ Juda apnan gɨpal kal kod yolɨgup ak, binɨb ne ayɨp yelak okok ayɨp, kɨli Pol Jisas takaw agak ak nɨÅɨd agup agɨl, Jisas nop gos lɨnɨgɨlak. Kolin binɨb kuÅay abe, kɨli Pol takaw agak ak nɨÅɨd, Klays nop gos lɨnɨÅɨd ñɨg pakɨlak. 9 Ãɨn sɨbmɨg olap, Pol wɨsɨn nɨgak, Bɨawl ak nop agak, Yad nad ayɨp mɨdebin ak nɨm, ma pɨlɨkɨnɨmɨn, takaw yɨp ak binɨb okok kɨlop monmon agñɨnɨmɨn agak. Man anɨb awl, binɨb yad kuÅay yɨbɨl mɨdebal, binɨb ogɨnap nep gɨ tɨmel gɨnɨgel tek ma lup agak. 11 Anɨb agek, Pol man okok ma amnak, taun Kolin anɨb anep mɨdɨl, sap yeb nokom, takan anep kagol ak, God takaw ak agñɨ yolɨgup. 12 Pen Lom binɨb okok, bɨawl Galiyo nop agel, ne apɨl Akaya plopens kod yek. Ãɨn anɨb ak, Juda binɨb okok kɨli apnan gɨl, takaw ag adek nokom lɨl, Pol nop nɨgel mɨlɨk yapek, nop dad kot amnɨlak. 13 Amɨl agɨlak, Bɨ anɨb awl binɨb okok kɨlop God takaw agñebin agɨl, God nop kɨdek gɨl agnɨgep takaw olap ke agñub agɨlak. Takaw pel nɨÅɨd kɨdek gɨpɨm ak kelɨgɨnɨmɨb agup agɨlak. 14 Anɨb agelak, Pol takaw anɨb ak pen agɨnɨg gaknɨÅ, bɨawl Galiyo tɨkjakɨl kɨlop agak, Nɨbi Juda binɨb agak. Bɨ anɨb awl tap tɨmel olap gobɨkop, takaw nɨbi apɨm ak nepɨnep agak. 15 Pen wog nɨbi gɨpɨm ak sek, yɨb nɨbi dɨpɨm adek ak sek, gos nɨbi nepɨm ak sek, takaw nɨbi kɨdek gɨnɨgabɨm pal ak sek, tap anɨb okok yɨp apɨl agnepɨm agak. Ak takaw yad mel agak. Takaw anɨb ak nɨbi ke agɨnɨmɨb agak. 16 Anɨb agɨl, Juda binɨb okok kɨlop ag seÅ yokak. 17 Kɨli seÅ amɨlɨg, bɨ Juda apnan gɨpal kal kod mɨdeb ak, yɨb ne Sostenes, nop dɨl pakɨlak. Nop anɨgɨlak ak pen, bɨawl Galiyo nɨÅɨd, takaw olap ma agak. 18 Pen Pol taun Kolin tapɨn mɨdɨl, binɨb Jisas nop gos lɨnɨgɨlak okok kɨlop agak, Nɨbi mɨdem yad amebin agak. Agek, Akwila bin ne Plisila sek, bɨ bel ayɨp Siliya plopens amnun agɨl amnɨlak. Am am taun Senkliya amjakɨl, Pol yad God nop chɨgɨl nep yenɨgayn agɨl takaw aglɨlɨg, kɨmɨg wɨj ne ak tɨkak. Tɨkɨl, sip dɨl saÅɨdɨlak. 19 Pen kɨli am am taun Epesus amjakɨl, Pol ne Juda apnan gɨpal kal mɨgan ak amɨl, Juda binɨb okok ayɨp, takaw ag amɨl apɨl gak. Anɨgek, nop agɨlak, Ãɨn ogɨnap sek chɨn ayɨp awl yenɨmɨn agɨlak. Anɨb agɨlak ak pen, takaw kɨlop ak ma dɨl agak, Nɨbi mɨdem yad amebin agak. God yɨp yaw agenɨgab, kɨdek adɨkɨd ownɨgayn agak. Anɨb agɨl, Akwila bel kɨlop, binɨb anɨb okok ayɨp aglɨl, ne sip dɨl, taun Epesus kelɨgɨl, 22 am am taun Sisaliya amjakak. Amjakɨl, amɨl man Jelusalem alaÅ amjakɨl, binɨb Jisas nop gos lɨnɨgɨlak okok kɨlop nɨÅɨd ag dɨdeg lak. Anɨgɨl, Siliya plopens taun Adiyok ayaÅ amnak. 23 Amɨl, ñɨn kuÅay yɨbɨl mɨdɨl, kɨdek kɨlop kelɨgɨl amnak. Ne am Galesiya plopens okok sek, Piligiya plopens okok sek gɨ ajɨlɨg, binɨb Jisas yɨl yelak okok kɨlop agñɨtep gek, nɨgtep gɨlak. 24 Pen bɨ Juda olap, taun Aleksadliya nɨb, ne apɨl taun Epesus yek. Yɨb ne ak Apolos. Ne bɨ takaw agtep yɨbɨl gɨl, God takaw ned agɨl tɨkɨlak ak nɨgtep yɨbɨl gɨl gak. 25 Apolos ne God wog golɨgup anɨb ak, bɨ ogɨnap nop ned agñɨlak. Gos ne won ak kɨles tɨmel gɨl nɨÅɨd, binɨb anɨb okok kɨlop takaw agñin agɨl gos nɨgak. Ak nɨm, Apolos ne Jisas takaw nokom nokom binɨb okok kɨlop yɨpɨd gɨl yɨbɨl agak. Takaw agak anɨb ak, Jon Bɨ Ãɨg Pakñeb nɨgak tek nep nɨÅɨd anɨb agak. 26 Ãɨn anɨb ak tɨkɨl ne ma pɨlɨkɨl, Juda apnan gɨpal kal ak amɨl, Jisas takaw ak monmon yɨbɨl agñak. Agñek, Akwila ayɨp bin ne Plisila ayɨp nɨÅɨd, nop dad kal kɨli ak amnɨlak. Amɨl, nop God takaw ma nɨgak won ogɨnap, agñɨtep yɨbɨl gɨlek. 27 Kɨdek ne Akaya plopens amnɨg gek, Epesus binɨb Jisas nop gos lɨnɨgɨlak okok, kɨli tep yɨbɨl ne amɨl kɨlop agñɨnɨgab agɨl, Akaya binɨb Jisas nop gos lɨnɨgɨlak okok kɨlop mɨj olap kɨl tɨkɨlak. Tɨkɨl agɨlak, Bɨ God wog gup Apolos amjakek, nop dɨnɨmɨb agɨlak. Anɨb agel nɨm, Apolos amjakɨl mɨj ak yomak. Yomek, Akaya binɨb God kɨlop yɨmug nɨÅɨd gɨtep gek, Jisas nop gos lɨnɨgɨlak okok, kɨli mɨdupsek Apolos nop dɨlak. Mɨnek mɨnek ne Juda binɨb okok kɨlop buk Baybol takaw adek ak agtep gɨlɨg agak, Bɨ God nop aglup ak, binɨb okok kɨlop dɨl kod yenɨgab ak, Jisas ne nokom agak. Anɨgɨl agtep gek, nop takaw olap pen agɨnɨgel tek ma lak. Anɨgek, binɨb Jisas nop gos lɨnɨgɨlak okok, mɨdtep yɨbɨl gɨlak.