Aposel 14

1 Pol ayɨp, Banabas ayɨp am taun Aykoniyam yɨlek. Ned kɨli taun Adiyok mɨdɨl wog gɨlek day ak, gos kɨli nokom nɨÅɨd gɨlek. Juda apnan gɨpal kal ak amɨl, takaw agtep yɨbɨl gɨlek. Juda binɨb dɨl, binɨb Juda mel okok dɨl, kuÅay yɨbɨl Jisas nop gos lɨnɨgɨlak. 2 Pen Juda binɨb ogɨnap agɨlak, Takaw kɨli omɨÅal apil ak ma dɨnɨgabun agɨlak. Kɨli anɨb agɨl, am binɨb Juda mel okok kɨlop agɨlak. Agel, binɨb Juda mel okok, kɨli binɨb Jisas nop gos lɨnɨgɨlak okok kɨlop mɨlɨk nɨgɨlak. 3 Pen Pol ayɨp, Banabas ayɨp takaw anɨb ak nɨÅɨd, man anɨb ak ma kelɨg amnɨlek. Mɨdɨlɨg, Bɨawl chɨnop yɨmug nɨÅɨd gɨtep gup agɨl, takaw teplep anɨb ak kɨles gɨl monmon agñelɨgɨpil. Pen God kɨlop omɨÅal kod mɨdaknɨÅ, tap mageptek okok gelek, binɨb okok nɨÅɨd, takaw agebil anɨb awl, nɨÅɨd yɨbɨl agebil agɨl nɨgɨlak. 4 Pen taun Aykoniyam binɨb anɨb okok, asɨk keke lɨlak. Pɨs olap bɨ Jisas takaw nop dad ameb omɨÅal ak takaw agɨlek tek nɨgɨlak, pɨs olap Juda binɨb agɨlak tek nɨgɨlak. 5 Pen Juda binɨb okok ayɨp, binɨb Juda mel ogɨnap ayɨp, bɨawl kɨli okok ayɨp, kɨli Banabas ayɨp, Pol ayɨp kɨlop gɨ tɨmel gɨl, kab ju paklun agɨl gos ak nɨgɨlak. 6 Kɨli omɨÅal pen takaw anɨb ak nɨÅɨd, pɨlɨk taun Listla ayɨp Debi ayɨp, Likoniya plopens nab okok amɨl, anɨb okok ajɨlɨg, 7 God takaw teplep ak agñɨlek. 8 Pen taun Listla anɨb ak, bɨ olap nonɨm nop tɨkak ñɨn ak nep tob tɨmel gak ak yek. Bɨ anɨb ak ne besɨg mɨdɨlɨg, 9 Pol takaw agaknɨŠnɨg yek. Pol bɨ anɨb ak nop nɨÅɨd, bɨ anɨb awl yɨp gek suÅ lɨnɨgab agɨl nɨg mɨdeb tek lup agɨl, Pol ne nop nɨÅɨjsek lɨl, 10 takaw awl agɨl agak, Jakan agak. Agek, kasek tɨkjakɨl amnak. 11 Pol anɨgek, binɨb nɨg yelak okok takaw yɨbɨl kɨli Likoniya takaw ak agɨl agɨlak, Bɨ wɨsɨp alaÅ nɨb okok, bɨ yɨbɨl tek lɨl, apɨl agebil awl agɨlak. 12 Anɨb agɨl, Banabas nop agɨlak, Ak bɨ Sus, pel agnopun ak agɨlak. Pen Pol nop agɨlak, Ak bɨ takaw agep Hemes, pel agnopun ak agɨlak. 13 Tap Sus agɨl agnɨgelɨgɨpal anɨb ak, kal nop agnɨgep gɨlak ak, taun kab wali gol anɨb ak yek. Ak nɨm, bɨ Sus nop sɨbogep bɨawl ak, ne bɨ Sus pel agnopun ak mɨñɨl owup awl agɨl, chag bulmakaw aÅlam ogɨnap dɨl, mab sum teplep ogɨnap dɨl dad owak, kab wali kanɨbtub ak. Bɨawl anɨb ak ayɨp, binɨb kuÅay yɨbɨl ayɨp apɨl, chag bulmakaw ogɨnap Banabas ayɨp Pol ayɨp kɨlop pak sɨbog ñɨnɨg gɨlak. 14 Pen bɨ Jisas takaw nop dad ameb omɨÅal ak, Pol ayɨp Banabas ayɨp, binɨb kɨli gɨnɨg gɨlak anɨb ak nɨÅɨd, chɨlop taynen God tek anɨgebal agɨl, chech kɨli omɨÅal okok tɨg talɨkɨl, binɨb kuÅay yelak nab anɨb ak amɨl suk agɨlek. 15 Anɨb agɨlek, Bɨ okok, taynen anɨb won ak gebɨm agɨlek? Chɨl God mel, bɨ yɨbɨl yɨpɨd gɨl agɨlek. Pen God bɨawl yɨbɨl tap okok mɨdupsek gɨlak ak, takaw teplep nop ak dad apobul agɨlek. Ne adekab alaÅ gɨlɨl, lum awl gɨlɨl, ñɨg solwala ak gɨlɨl, tap okok mɨdupsek gɨlɨl gak agɨlek. Chɨl takaw teplep nop ak agol, tap yokɨp agnepɨm okok kelɨgɨl, God pel mɨdep ak nop agnɨg yenɨmɨb agɨl nɨbop agobul agɨlek. 16 Bɨlel tɨkɨl, binɨb man keke okok tɨtay gɨlak ak, God ne takaw ma agak agɨlek. 17 God pen we gɨl ma yolɨgup, mɨseÅ yolɨgup agɨlek. Mɨnek mɨnek nɨbop dɨtep gɨlɨg, gek man pakɨl, tap mɨdup kuÅay jak mɨdaknɨÅ, mɨñmɨñ gɨpɨm agɨlek. 18 Anɨb agɨlek ak pen, binɨb anɨb okok bɨ omɨÅal wɨsɨp alaÅ nɨb opil agɨl, chag bulmakaw aÅlam ogɨnap pak sɨbog ñɨnɨg gelak, koslam ag ag tɨpagɨlek. 19 Pen Juda binɨb ogɨnap taun Adiyok sek, taun Aykoniyam sek, kɨli apɨl, binɨb kuÅay anɨb okok kɨlop yepɨs agɨl agɨlak, Bɨ omɨÅal yepɨs agebil agɨlak. Anɨb agelak, binɨb anɨb okok nɨÅɨd, Pol nop kab ju paklɨl, pɨsnep kumeb agɨl, lɨpɨg dam kab wali gɨlak ak beÅ okyaÅ yokɨlak. 20 Yokelak, binɨb Jisas nop gos lɨnɨgɨlak okok, ap puÅɨl kuskus gelak, Pol tɨkjakɨl, adɨkɨd taun Listla mɨgan ayaÅ amnak. Mɨnek, ne ayɨp, Banabas ayɨp taun anɨb ak kelɨgɨl, taun Debi amnɨlek. 21 Pol ayɨp Banabas ayɨp, taun Debi amɨl, Jisas takaw teplep ak binɨb okok kɨlop agñelek, binɨb kuÅay yɨbɨl Jisas nop gos lɨnɨgɨlak. Pen kɨli omɨÅal ned opul anep amnɨgul agɨl, adɨkɨd taun Listla, taun Aykoniyam, Pisidiya plopens taun Adiyok man anɨb okok amnɨlek. 22 Amɨlɨg, binɨb ned Jisas takaw agel nɨgɨlak okok, kɨlop tepayaÅ ak agñɨtep gɨlɨg agɨlek, Jisas takaw ak ma kelɨgɨnɨmɨb, nop gos lɨnepɨm tek nep nɨgɨnɨmɨb agɨlek. Anɨgem, nɨbop mɨÅel ñɨnɨgabal ak pen, tap anɨb ak gos ak ma nɨgɨnɨmɨb agɨlek. God chɨnop dɨl kod mɨdɨl man ne alaÅ dad amnɨgab agɨl, kɨles gɨl gem amnɨmuÅ agɨlek. 23 Anɨb agɨlɨg, man keke Klays binɨb ne pelpel apnan gɨpal ak, bɨ Klays binɨb ne okok kɨlop kod mɨdebal ogɨnap aglɨlek. Aglɨl, tap ma ñɨbɨl, Bɨawl nop agnɨgɨlɨg agɨlek, Bɨ okol, nep gos lɨnepal tek, kɨlop kod yenɨmɨn agɨlek. 24 Man Pisidiya okok anɨgɨl ajɨl, Pampiliya plopens okok amnɨlek. 25 Taun Pega amjakɨl, God takaw ak binɨb anɨb okok kɨlop agñɨl, taun Ataliya ayaÅ amnɨlek. 26 Amɨl, sip dɨl, Siliya plopens taun Adiyok ned mɨdɨl owlek ak adɨkɨd amnɨlek. Kɨli ned amnɨg gelek, Adiyok binɨb Jisas nop gos lɨnɨgɨlak okok, God nop agnɨÅɨd agɨlak, Takaw tep nad ak binɨb okok kɨlop agñɨnɨg amebil tek, kɨlopmɨÅal kod mɨdtep gɨnɨmɨn agɨlak. Agɨl, kɨlopmɨÅal agyokel, am takaw anɨb ak mɨdupsek agñɨ ajelɨgɨpil. 27 Anɨb ak adɨkɨd Adiyok apɨl, binɨb Jisas nop gos lɨnɨgɨlak okok kɨlop suk agɨlek. Agel apelak agɨlek, Nɨbi chɨlop God nop agnɨg yɨbeknɨÅ, God chɨlop kod mɨdtep gak agɨlek. Jisas takaw tep ak agñɨ ajol, binɨb Juda mel okok, God kɨlop kanɨb yɨkak, kɨli kuÅay yɨbɨl Jisas nop gos lɨnepal agɨlek. 28 Kɨlop anɨgɨl agñɨl, kɨli ayɨp pel yelɨgɨpil.