Aposel 1

1 Mam Tiyopilus. Yad nep mɨj ned tɨkɨnek ak, Jisas tɨkjakɨl wog gɨl mɨd dad amɨl, wog tɨtay gak, takaw tɨtay binɨb okok kɨlop agñak ak, nep agɨnek. Ne God man ne alaÅ amnɨg, God Kawnan ne ak gos ñaknɨÅ, bɨne takaw nop dad ameb okok kɨlop agñɨ tep gak. Agñɨ tep gek, God nop dad man ne alaÅ amnak. 3 Pen ned yɨpɨl awl dɨl kumɨl tɨkjakɨl, kɨdek bɨne takaw nop dad ameb okok yelaknɨÅ, ñɨn kuÅay yɨbɨl mɨseÅ lak. MɨseÅ lɨl, kɨlop God binɨb dɨl kɨlop kod yenɨgab takaw ak agñolɨgup. Pen ne tɨtay gak ak nɨÅɨd, ak Jisas ne nokom kumɨl tɨkjakup agɨl, nɨgtep gɨlak. Pen kumɨl tɨkjakɨl, ñɨn anep 40 lum awl mɨdɨl, aplan jakɨl wɨsɨp alaÅ amnak. 4 Pen kumɨl tɨkjakɨl, lum awl yolɨgup ñɨn anɨb okok, ñɨn olap apɨl bɨne takaw nop dad ameb okok ayɨp mɨdɨl agak, Nɨbop ned agɨnek tek, bapi nɨbop tap olap ñɨnɨgayn agɨl aglak ak nɨm, man Jelusalem awl kod yenɨmɨb agak. 5 Jon ne kɨlop ñɨg pakñak ak pen, bapi nɨbop Kawnan ne ak pakñɨnɨgab agak. Ãɨn anɨb ak wulep mɨdeb, kod yenɨmɨb agak. 6 Pen ñɨn olap, Jisas bɨne takaw nop dad ameb okok yelak sɨÅak mɨseÅ lek, nop agnɨgɨlak, Bɨawl. Nad mɨñɨl ge, chɨn Yislel binɨb man chɨn ke kod yonɨgabun akaÅ agɨlak? 7 Agelak kɨlop agak, Bapi ne ke aglek, anɨb ñɨn ak tap anɨb ak gɨnɨgab agak. Anɨb ak tap nɨbi mel, nɨbi ma nɨgɨnɨgabɨm agak. 8 Pen nɨgɨm. God Kawnan ne ak apɨl nɨbop kod mɨdaknɨÅ, kɨles ak dɨnɨgabɨm agak. Dɨl, nɨbi am Jelusalem binɨb okok, Judiya plopens binɨb okok, Samaliya plopens binɨb okok, binɨb man okok mɨdupsek, yad tɨtay gɨpin ak kɨlop agñɨnɨgabɨm agak. 9 Anɨb agek, God nop dad man ne alaÅ amnak. Bɨne takaw nop dad ameb okok nɨg yelaknɨÅ, wɨsɨp bad ak ap nop yu gak. 10 Pen anɨgɨl kɨlan gɨl nɨg yelaknɨÅ, bɨ chech kayɨg tep yɨbɨl yɨmɨlek omɨÅal kasek apɨl, yelak wulep sɨÅak mɨseÅ lɨl 11 agɨlek, Galili bɨ okok. Taynen wɨsɨp alaÅ nɨg mɨdebɨm agɨlek? Jisas adɨkɨd ownɨgab ñɨn ak, mɨñɨl anɨgɨl God man ne alaÅ ameb tek ownɨgab agɨlek. 12 Bɨ ensel omɨÅal anɨb ak, anɨb agɨl amnɨleknɨÅ, bɨ Jisas takaw nop dad ameb okok kɨli man Olip dum yelak ak kelɨgɨl, Jelusalem amnɨlak. Man Olip dum anɨb ak, wulep sɨÅak mɨdeb. 13 Am mɨdɨl, kal abañ adek nab alaÅ mɨgan ak yelak. Bɨ anɨb okok nɨm ak, Pita, Jon, Jemis, Edlu, Pilip, Tomas, Batolomyu, Matyu, Jemis nap ak Alpiyus, Saymon ne bɨ Selot agelɨgɨpal okok bɨ kɨli olap ak, Judas nap ak Jemis. 14 Kɨli mɨnek mɨnek apnan gɨl, God nop agelɨgɨpal. Bin ogɨnap sek, Jisas nonɨm Maliya ak sek, Jisas nɨmam sɨkop ak sek, kɨli ayɨp God nop agelɨgɨpal. 15 Pen ñɨn anɨb sɨÅak, binɨb anep 120 tek apnan gɨlaknɨÅ, Pita tɨkjakɨl kɨlop agak, 16 Mam sɨkop, nɨgɨm agak. God Kawnan ak bɨlel Depid nop gos ñek nɨÅɨd, takaw anɨb ak buk Baybol kɨl tɨkak agak. Judas bɨ okok kɨlop poÅɨd amnɨgab, Jisas nop dun agɨl amnɨgabal tek agɨl tɨkek, mɨñɨl agak agak tek gup agak. 17 Jisas bɨ Judas anɨb ak dek chɨn ayɨp mɨdɨl, God wog ak jɨmñɨl golɨgɨpun agak. 18 Bɨ anɨb ak Judas, ne Jisas nop mɨmug nɨÅɨd, mani dak ak dad amɨl, lum wakay olap tawak. Ãɨn olap apyap pakek, kogmeg nop ak pak jakɨl, chɨbol okok lɨmɨg seÅ amek kumak. 19 Anɨgɨl kumek, Jelusalem binɨb mɨdupsek nɨÅɨd, lum tawɨl kumak anɨb ak, yɨb Akeldama agɨlak. Akeldama agɨlak takaw jɨj ak, nɨkɨm yowak lum agɨl agɨlak. 20 Pen Pita agak, Kɨli bɨlel Buk Kɨmep ak tɨkɨl agɨlak, Binɨb ogɨnap man ne anɨb ak, ma am yenɨgel agɨl tɨkɨlak agak. Man nep anɨb ak binɨb ma yenɨgel agɨl tɨkɨlak agak. Takaw olap pen agɨlak, Wog ne golɨgup ak, bɨ olap pen dɨnɨmuÅ agɨl tɨkɨlak agak. 21 Anɨgɨl agɨlak, anɨb ak tek chɨn bɨ olap nɨÅɨd dɨnɨgun agak. Bɨ anɨb ak bɨ yokɨp olap mel, bɨ chɨn ayɨp pel ajɨl, Jon Jisas nop ñɨg pakñak ak nɨÅɨd, mɨd dad amɨl, Jisas kumɨl tɨkjakek God nop dad man ne alaÅ amek nɨgak bɨ olap nɨÅɨd dɨnɨgun agak. Bɨ anɨb ak tek don nɨm, chɨn ayɨp mɨdɨl, bɨawl Jisas kumɨl tɨkjakak takaw ak agñɨnɨgabun agak. 23 Pita anɨb agek, bɨ Matiyas ayɨp, Josep ayɨp kɨlop aglɨlak. Pen Josep yɨb ne olap Basabas. Pen binɨb ogɨnap Jastus agelɨgɨpal. 24 Bɨ omɨÅal anɨb ak, anɨgɨl aglɨl God nop agɨlak, Bɨawl. Judas ne bɨ Jisas takaw nop dad ameb olap yek ak pen wog anɨb ak kelɨgak agɨlak. Kelɨgɨl, man tɨmel ne ke ak amnak agɨlak. Amɨl, tep nop ak an dɨnɨmuÅ agɨl, bɨ omɨÅal awl aglɨpun agɨlak. Anɨb ak nad binɨb mɨdupsek gos nɨÅɨd gɨpal tek nepan ak nɨm, nep agnɨgobun agɨlak. Nad ke bɨ an aglɨpan ak age, nɨÅɨd dɨnɨgun agɨlak. 26 Anɨb agel, bɨ omɨÅal gɨl jakɨlek, Matiyas yɨb ne aplanak. Aplanɨl, bɨ Jisas takaw nop dad ameb anep agɨp okok ayɨp jɨmñɨl yelak.