2 Kolin 9

1 Pen nɨbi mani dɨlɨtep gɨl, Judiya binɨb Klays yɨl mɨdebal okok kɨlop ñɨnɨgabɨm takaw ak, nɨgtep gɨpɨm. Anɨb ak tek nɨbop takaw pal awl agɨl ñu kɨl ma tɨkɨnɨgebin. 2 Yad nepin, nɨbi binɨb yɨmgeptek okok kɨlop dɨtep yɨbɨl gɨnɨgun agɨl pel gos nepɨm. Anɨb ak Masedoniya plopens binɨb okok kɨlop apin, Akaya plopens binɨb yɨb kɨlop dad aplanebin apin. Sub ned yɨl ak, kɨli tap anɨb okok dɨ nan gɨnɨgun wog ak, tɨkjakɨl gɨnɨgel tek lak apin. Pen Masedoniya binɨb okok, nɨbi mani anɨb ak dɨ nan gɨl ñɨnɨgabɨm ak nɨÅɨd, gos kɨli pag yɨkek, kɨli kuÅay nep mani ogɨnap sek ñɨnɨgun agɨl gos nepal. 3 Pen takaw apin, Akaya binɨb yɨb kɨlop dad aplanebin apin ak, takaw won ak nep yonɨmuÅ tek ma lup. Masedoniya kay kɨlop apin, Akaya binɨb kɨli mani dɨlɨtep gɨpal apin. Anɨb ak tek, nɨbi anɨgɨnɨmɨb agɨl, mam chɨn anɨb okok kɨlop ned agyokebin. 4 Chɨn gos anɨgɨl nopun, nɨbi mani anɨb ak dɨ nan gɨl ñɨnɨg gebɨm. Pen mani ma dɨ nan genɨgabɨm, Masedoniya binɨb ogɨnap poÅɨd amjaken anɨb ak nɨgenɨgabal, chɨnop nebeÅ gɨnɨgab. Pen nɨbop abe nebeÅ yɨbɨl gɨnɨgab. 5 Anɨb ak yad mam chɨn okok kɨlop ned agyokin agɨl gos nepin. Kɨli am nɨb ayɨp mɨdɨl, mani ñɨnɨgabun apek ak dɨ nan gem yonɨmuÅ. Anɨgem, yad binɨb ogɨnap ayɨp amjakɨnɨgabun ñɨn ak, gos nɨbi ke nɨÅɨd mani ñɨbɨm ak, kɨli nɨgɨnɨgabal. Chɨn mani tap nɨbi okok yokɨp nep dɨnɨgabun agɨl gos nopun ak, gos nɨgɨnɨgel tek ma lɨnɨgab. 6 Takaw anɨb ak gos nɨgtep gɨnɨmɨb. Binɨb tap yɨŠkuÅay ma yɨbal okok, tap kuÅay ma yenɨgab. Binɨb tap yɨŠkuÅay yɨbal okok nep, tap kuÅay yɨbɨl yenɨgab. 7 Anɨb ak nɨbi nokom nokom nɨgtep gɨl, gos ke nepɨm tek mani ogɨnap ñɨnɨmɨb. Yɨlɨk gaknɨŠma ñɨnɨmɨb. Binɨb ogɨnap nɨbop nebneb gel nɨÅɨd, ma ñɨnɨmɨb. Binɨb ne ke nɨgup tek, mɨñmɨñ gɨlɨg mani ñub ak, God binɨb anɨb ak nop nɨgek tep gup. 8 Pen God ne tap teplep kuÅay yɨbɨl nɨbop ñɨnɨmuÅ tek lek, tap tek dɨnɨgab tek nep ma lɨnɨgab. Anɨgek, tap nɨbi kuÅay yɨbɨl mɨdaknɨÅ, wog tep ne kuÅay yɨbɨl, keke mɨnek mɨnek gɨnɨmɨb tek lɨnɨgab. 9 Takaw anɨb ak tek, buk Baybol ak tɨkɨl agak, Bɨ tap kuÅay yɨbɨl dɨl, binɨb yɨmgeptek okok kɨlop monmon ñub ak, ne gɨtep gup anɨb ak, tap teplep yɨbɨl mɨdɨl pel pelnep yenɨgab agɨl tɨkak. 10 God ne binɨb okok kɨlop pel tap yɨŠñek, wog kɨli okok yɨbal. Ne kɨlop pel tap mɨdup ñek, ñɨbal. Anɨb ak tek nep, God nɨbop tap kuÅay ñek, nɨbi tap okok mɨdupsek mɨdɨl, binɨb tap ma yenɨgab okok kɨlop abe ñɨnɨmɨb tek lɨnɨgab. Pen nɨbi gɨtep gɨpɨm ak, tap awl yɨbɨl yenɨgab, bɨ tap yɨŠyɨmek wog day ne okok tap kuÅay yɨbɨl jakɨnɨgab tek. 11 God nɨbop pel gek, tap nɨbi kuÅay yɨbɨl mɨdek, monmon ñeb tek lɨnɨgab. Ak nɨm, mani kuÅay yɨbɨl ñem, chɨn dad amɨl binɨb kɨlop ñon, kɨli God nop tep yɨbɨl agɨnɨgabal. 12 Anɨb ak tek wog nɨbi gɨpɨm ak, binɨb Klays yɨl mɨdebal okok kɨlop gek, tap mɨdup ak kɨlop ñɨn olap ma tek dɨnɨgab. Tap anɨb ak nɨbi ñem chɨn dad amɨl ñɨnɨgabun ak, kɨli nɨÅɨd God nop tep yɨbɨl agɨnɨgabal. 13 Kɨlop gɨñɨnɨgun agɨl wog anɨb ak gɨpɨm ak, binɨb okok kɨlop gek, gɨtep gɨpɨm anɨb ak kɨli mɨseÅ nɨgɨnɨgabal. NɨÅɨd, anɨgɨl agɨnɨgabal, Klays takaw teplep ak nab nɨbi pi okok mɨdek, nɨbi nɨÅɨd kɨdek gɨpɨm agɨnɨgabal. Pen tap kuÅay yɨbɨl kɨlop ñɨbɨm ak sek, tap kuÅay binɨb ogɨnap kɨlop ñɨbɨm ak sek, anɨb ak abe nɨÅɨd, God yɨb nop dad aplanɨgabal. 14 Pen God nɨbop yɨmug nɨÅɨd gɨtep yɨbɨl gup tek nɨgɨnɨgabal. Nɨgek, gos kɨli am nɨbop komkam gek kɨlop tep gaknɨÅ, nɨbop gos nɨgɨlɨg God nop agnɨg yenɨgabal. 15 Tap teplep God chɨnop ñub ak, ak tap awl yɨbɨl yek ak nɨm, chɨn agɨnɨgun tek ma mɨdeb. Tap teplep anɨb ak nɨÅɨd, God nop tep yɨbɨl agɨnɨgun.