2 Kolin 6

1 Pen chɨn God ayɨp jɨmñɨl wog gɨpun okok, nɨbop takaw kɨles gɨl agɨl agobun, God nɨbop yɨmug nɨÅɨd gɨtep gup agobun. Pen yɨmug nɨÅɨd gɨtep gep anɨb ak, nɨbi kelɨgɨl gem tap yokɨp lɨnɨgab tek ma lɨnɨmuÅ agobun. 2 God ne anɨb agak, Takaw anɨb ak tek nɨgɨnɨm agɨl yenek ñɨn ak, yɨp agnɨge nɨgɨnek agak. Nep tɨg asɨk dɨnɨm agɨl yenek ñɨn ak nɨm, nep dɨnek agak. Nɨgɨm. Ne takaw nɨgɨnɨm agɨl yek ñɨn ak, mɨñɨl nep mɨdeb. Pen binɨb kɨlop tɨg asɨk dɨnɨm agɨl yek ñɨn ak nɨm, mɨñɨl nep mɨdeb. 3 Chɨn wog gɨpun ak, bɨ ogɨnap nɨÅɨd takaw tɨmel ma agɨnɨgel agɨl gos nopun. Anɨb ak tek tɨtay gɨpun ak, bɨ olap gon apyap pakɨnɨmuÅ tek ma lup. 4 Chɨn pen tɨtay gɨpun ak, binɨb chɨnop nɨÅɨd, bɨ God wog gɨñeb ne mɨdobun nɨgɨnɨgel agɨl, mɨdupsek nep gɨtep gɨpun. Kɨles tɨmel gɨl mɨÅel okok dɨpun. Chɨnop gɨ tɨmel gel mɨÅel dɨpun ak, koslam mɨdobun ak, tɨtay chɨnop gup ak, anɨb okok dɨl kɨles gɨl jak mɨdobun. 5 Chɨnop tapɨn pakɨpal. Chɨnop chɨchɨk dɨl nag lɨpal. Bɨ ogɨnap chɨnop gos tɨmel nɨÅɨd, puÅɨl kuskus gɨl, suk awl yɨbɨl chɨnop apal. Koslam yɨbɨl wog gɨpun. Kɨn tep ma gɨpun. Yuwan nep mɨdobun. 6 Pen God wɨdɨn adek sɨÅak gach sek ma mɨdobun. Gos nɨgtep gɨpun. MɨÅel ogɨnap owup ak, kɨmɨgel jɨmñɨl mɨdobun. Binɨb kɨlop dɨtep gɨpun. God Kawnan ne ayɨp mɨdobun. Binɨb kɨlop mapen yɨbɨl lɨpun. Binɨb chɨnop nɨÅɨd bɨ God wog gɨñeb ne mɨdobun nɨgɨnɨgel agɨl gos nopun. 7 Takaw nɨÅɨd yɨbɨl nep apun. God chɨnop kɨles ñaknɨŠwog gɨpun. Gɨtep gup adek ak nɨÅɨd dɨl, wog ne gɨpun. 8 Binɨb ogɨnap yɨb chɨnop dad aplanɨbal, ogɨnap dad apyopal. Ogɨnap chɨnop bɨ gɨtep gep apal, ogɨnap chɨnop bɨ gɨ tɨmel gep apal. Ogɨnap chɨnop bɨ yepɨs agep agɨl nepal ak pen, chɨn bɨ takaw nɨÅɨd yɨbɨl apun ak mɨdobun. 9 Ogɨnap chɨnop ma nopun apal ak pen, binɨb kuÅay chɨnop nɨgtep gɨpal. Kubun tek lup ak pen, koÅɨm mɨdobun. Ogɨnap chɨnop gos tɨmud wukɨl tapɨn pakɨpal ak pen, ma kubun. 10 MɨÅel awl gek chɨb gup ak pen, pel mɨñmɨñ gɨpun. Yɨmgeptek mɨdobun ak pen, binɨb kɨlop gon, tap teplep kuÅay yɨbɨl dɨpal. Tap ma mɨdeb okok mɨdobun ak pen, tap okok mɨdupsek mɨdeb. Anɨb ak tɨtay gɨpun ak, binɨb chɨnop nɨÅɨd, bɨ God wog gɨñeb ne mɨdobun nɨgɨnɨgel agɨl, mɨdupsek nep gɨtep gɨpun. 11 Kolin binɨb, takaw ogɨnap we gɨl ma apun, mɨseÅ yɨbɨl apun. Nɨbop yɨmug nɨÅɨd mapen yɨbɨl lɨpun. 12 Chɨbol chɨnop ak asɨk lek, nɨbop mapen yɨbɨl lɨpun. Pen chɨbol nɨbop ak ma asɨkek, chɨnop mapen ma lɨpɨm. 13 Nɨbop nɨgen ñapay yad tek lek anɨb agebin, Nɨbop gɨpun tek, chɨnop pen anɨgɨnɨmɨb agebin. Chɨnop abe yɨmug nɨÅɨd mapen yɨbɨl lɨnɨmɨb. 14 Binɨb Klays nop gos ma nepal okok, kɨli gɨpal ak ke mɨdeb. Anɨb ak nɨbi ayɨp jɨmñɨl ma yenɨmɨb, wog jɨmñɨl ma gɨnɨmɨb. Tɨtay dɨl? Binɨb God agak tek kɨdek gɨpal okok ayɨp, binɨb God takaw tɨbɨlɨkɨpal okok ayɨp jɨmñɨl yenɨgel tek lup akaÅ? Mɨlek ak ayɨp, kɨsɨlɨm ak ayɨp jɨmñɨl yenɨgel tek lup akaÅ? Mel yɨbɨl. 15 Pen Klays ayɨp, kɨcheki bɨawl ak ayɨp jɨmñɨl yenɨgel tek lup akaÅ? Binɨb Klays nop gos lɨnepal okok ayɨp, binɨb Klays nop gos ma lɨnepal okok ayɨp, jɨmñɨl yenɨgel tek lup akaÅ? Mel yɨbɨl. 16 Pen God agnɨgep kal awl ak ayɨp, tap yepɨs agnepal kal mɨdebal okok ayɨp, takaw olap ag adek nokom lɨnɨgel tek lup akaÅ? Mel yɨbɨl. Bɨlel God ne anɨb agak, Yad kɨli ayɨp mɨdɨl, nab kɨlop okok ajɨnɨgayn agak. Yad God kɨli ak mɨden, kɨli binɨb yad okok yenɨgabal agak. Anɨb ak tek chɨn nopun, chɨn ke God pel mɨdep ak kal ne mɨdobun. 17 Pen Bɨawl ak ne takaw olap agak, Kɨlop kelɨgɨl, am ke okok nep yenɨmɨb agak. Tap asɨŠokok ma wɨlɨkem, nɨbop dɨnɨgayn agak. 18 Dɨl, nap nɨbi mɨden, nɨbi ñɨpay yad okok yenɨgabɨm agak. God Bɨawl yɨbɨl, tap okok mɨdupsek gɨnɨmuÅ tek nep mɨdeb ak, ne anɨb agak.