1 Timoti 5

1 Bɨ mɨlep okok kɨlop ma ag gɨnɨmɨn. Nap nad ke ak tek, agñɨ tep gɨnɨmɨn. Bɨ pɨlaj okok kɨlop, mam nad ke ak tek, agñɨ tep gɨnɨmɨn. 2 Bin mɨlep okok kɨlop, nanɨm nad ke ak tek, agñɨ tep gɨnɨmɨn. Bin pɨlaj okok kɨlop, nanay nad ke ak tek, agñɨ tep gɨl, kɨli ayɨp mɨdɨl nɨgtep gɨl, God wɨdɨn mɨdup ne adek sɨÅak teplep yenɨmɨn. 3 Bin kaÅɨl yɨmgeptek mɨdebal okok, kɨlop gos tep nɨÅɨd, kod mɨdtep gɨnɨmɨn. 4 Pen bin kaÅɨl olap ñapay ñɨ apɨs ne ogɨnap yenɨgel, kɨlop yomɨl agenɨmɨn, kɨli nop kod mɨdtep gɨnɨgel. Wog anɨb ak wog awl yɨbɨl, God wɨdɨn mɨdup adek ne sɨÅak. Wog kɨli ned adek ak anɨgɨl mɨdeb, nonɨm nap akaÅ, napɨs nased okok kɨlop yɨmagɨlɨlak tek, pen kod mɨdtep gɨnɨgel. Anɨgenɨgabal, God nop tep gɨnɨgab. 5 Bin kaÅɨl yɨmgeptek mɨdeb ak, God yɨp kod yenɨgab agɨl gos nɨÅɨd, subnab maynab ayaÅ God nop agɨlɨg, yɨp gɨñaÅ agɨl God nop agnɨgɨlɨg nep mɨdeb. 6 Pen bin kaÅɨl mɨñmɨñ gɨ ajup ak, kɨm mɨdebin agɨl gos nɨgup ak pen, nab ne kumɨl tek mɨdeb. 7 Takaw anɨb awl, binɨb okok kɨlop age, kɨli gɨtep gɨnɨgel nɨm, binɨb ogɨnap kɨlop ma nɨÅɨd ag gɨnɨgabal. 8 Pen binɨb an, binɨb ne ke yɨbɨl okok kod mɨdtep ma gɨl, binɨb ne jɨj nokom okok abe kod mɨdtep ma gup ak, chɨn nopun, ne Klays nop gos ma nɨÅɨd sawl gɨl nɨm, anɨgɨl gup ak. Binɨb Klays nop gos ma nepal okok, kɨli anɨgɨl ma gɨpal. Kɨli binɨb kɨli okok kɨlop tap ogɨnap ñɨl kod mɨdebal. Anɨb ak binɨb Klays nop gos ma nepal okok kɨli gɨ tɨmel gɨpal ak pen, binɨb an ned Klays nop gos nɨgup ak pen binɨb ne okok kɨlop kod mɨdtep ma gup ak, ne gɨ tɨmel yɨbɨl gup. 9 Bin kaÅɨl anɨb okok yɨb kɨlop gɨlɨnɨg, bin anɨb ak tek nɨÅɨd gɨlɨnɨmɨn. Sap yɨb ne 60 yonɨmuÅ ak nɨÅɨd, yɨb nop gɨlɨnɨmɨn. Pen bin bɨne nokom olap mɨdɨl, kumnɨmuÅ ak nɨÅɨd, yɨb nop gɨlɨnɨmɨn. 10 Bin yɨb ne teplep yɨbɨl, wog okok mɨdupsek keke gɨtep yɨbɨl gup ak nɨÅɨd, yɨb nop gɨlɨnɨmɨn. Wog teplep ne ak anɨgɨl mɨdeb. Ãapay ne ke kod mɨdtep gɨl, binɨb okok nɨb okok nɨb ownɨgel ak, ag dap kal mɨgan ne lɨl tap mɨdup ñɨtep gup. God binɨb ne okok, tob kɨlop okok ñɨg pak ñɨtep gɨl, binɨb koslam mɨdɨl gos pal lɨg mɨdebal okok kɨlop dɨtep gɨl, wog anɨb ak ke okok mɨdupsek wog teplep yɨbɨl gup ak, yɨb nop gɨlɨnɨmɨn. 11 Pen bin kaÅɨl pɨlaj nep mɨdebal okok, yɨb kɨlop ma gɨlɨnɨmɨn. Chɨn nopun, Klays wog ak gɨnɨgabun agɨnɨgabal ak pen, mɨd dad amɨl, bɨ kɨdek dun agɨl gos nɨÅɨd, Klays wog ak yɨlɨk nɨÅɨd bɨ kɨdeyɨl dɨnɨgabal. 12 Dɨnɨgabal anɨb ak tek, takaw kɨli ke ned aglɨlak ak, takaw anɨb ak tɨbɨlɨkɨl mɨÅel awl dɨnɨgabal. 13 Pen tap ogɨnap sek anɨgɨl gɨpal. Kɨli tap ogɨnap abe yɨlɨk nɨÅɨd, yokɨp kal ak kal ak gɨñub ajɨpal. Kɨli pen yɨlɨk gup anɨb ak nep ma gɨpal, tap okok kuÅay nep gɨpal. Kɨli takaw ñɨg lɨl, takaw yepɨs anɨgɨpal anɨgɨpal agɨlɨg mɨdebal. Takaw okok kuÅay yɨbɨl apal, chɨn agep tek ma mɨdeb. 14 Anɨb ak bin kaÅɨl pɨlaj nep mɨdebal okok, bɨ kɨdeyɨl dɨl, ñapay tɨkɨl, kal kɨli ke wog gɨl kod mɨdtep gɨnɨgel agɨl gos nepin. Kɨli anɨgenɨgabal, binɨb chɨnop mɨlɨk nepal okok, chɨnop agjunɨgel tek ma lɨnɨgab. 15 Pen chɨn nopun, bin kaÅɨl pɨlaj nep mɨdebal okok, ogɨnap kanɨb tep ak kelɨgɨl, Satan nop kɨdek gɨpal. 16 Pen bin olap Klays nop gos lɨnɨgup ak, bin kaÅɨl ne ogɨnap kɨlop kod mɨdtep gɨnɨmuÅ. Anɨgenɨgab, bin kaÅɨl okok keke binɨb kɨli ak keke kod yenɨgel, binɨb God yɨl okok koslam gep tek ma gɨnɨgabal. Pen binɨb God yɨl okok, kɨli bin kaÅɨl yɨmgeptek mɨdebal okok kɨlop, kod mɨdtep gɨnɨgabal. 17 Bɨ Klays binɨb ne okok kɨlop kod mɨdɨl, wog gɨtep gɨpal okok, kɨlop yɨb awl yɨbɨl ñɨl, kab kɨlop ogɨnap sek ñɨtep gɨnɨmɨb. Pen bɨ kɨli ogɨnap kɨles gɨl God takaw jɨj ak apal akaÅ, binɨb okok kɨlop agñɨbal okok, gɨpal gɨpal anɨb ak tek, kɨlop ned nɨÅɨd yɨb awl yɨbɨl ñɨl, kab kɨlop ogɨnap sek ñɨtep gɨnɨmɨb. 18 Buk Baybol agɨl tɨkak ak nopun. Pen anɨb agak, Nɨbi chag bulmakaw poÅɨd apɨl, wit mɨdup tap okok taw chɨb jakek, mɨdup okok ke amɨl, cheg okok ke amɨl gaÅ agɨl, meg mɨgan nop ak ma tunɨg tɨbɨkɨnɨmɨb agak. Wog gɨlɨg, ogɨnap ñɨÅɨnɨg ñɨÅɨnɨmuÅ agak. Pen takaw olap nopun, anɨb agak, Bɨ wog gup ak, kab ne dɨnɨmuÅ agak. Anɨb ak bɨ Klays binɨb ne okok kɨlop kod mɨdebal, wog gɨtep gɨpal okok, kab kɨlop ak ñɨtep gɨnɨmɨb. 19 Bɨ olap nep apɨl agɨnɨmuÅ, Bɨ Klays binɨb ne okok kɨlop kod mɨdep anɨb ak, anɨgɨl anɨgɨl tap tɨmel gup agonɨmuÅ ak, ak ma nɨgɨnɨmɨn. Bɨ omɨÅal akaÅ, omɨÅal nokom pen nɨÅɨd apɨl agenɨgabal, nɨÅɨd apal tek lup agɨl, nɨgɨnɨmɨn. 20 Pen bɨ Klays binɨb ne okok kɨlop kod mɨdebal ogɨnap, tap si tap tɨmel genɨgel, kɨlop tɨmud wukɨnɨmɨn. Binɨb okok mɨdupsek nɨg mɨdelaknɨÅ, kɨlop tɨmud wukɨnɨmɨn. Anɨgenɨgaban, ogɨnap pɨlɨkɨl ma gɨnɨgabal. 21 Takaw agesɨpin anɨb awl, anɨb anɨb gɨnɨmɨn agesɨpin ak, yokɨp ma agebin. God ayɨp, Klays Jisas ayɨp, ensel aglep ne okok ayɨp kɨli nɨg mɨdelaknɨÅ, nep anɨgɨnɨmɨn takaw awl agebin. Pen bɨnonɨm nak okok sek, bɨ nak okok sek, kɨlop nep gɨtep ma gɨnɨmɨn. Kɨlop gɨpan tek, binɨb okok mɨdupsek kɨlop gɨñɨnɨmɨn. 22 Pen bɨ God wog gep olap dɨnɨg, nɨgtep yɨbɨl gɨl, nop ñɨn dɨ mɨdɨlɨg agɨnɨmɨn. Bɨ anɨb okok, ogɨnap tap si tap tɨmel genɨgel, nad ayɨp ma gɨnɨmɨn. Mel. Nad ke suÅtep nep yenɨmɨn. 23 Pen nep mɨnek mɨnek tap gɨl, kogmeg gup ak, ñɨg anep ma ñɨÅɨnɨmɨn. Ãɨg wayn sɨkol ogɨnap sek ñɨbe suÅ lɨnɨmuÅ. 24 Bɨ ogɨnap tap si tap tɨmel gɨpal ak mɨseÅ lup. Ak tek ak chɨn nopun, tap kɨli gɨpal anɨb okok tɨmel yɨbɨl gup. Bɨ ogɨnap pen tap si tap tɨmel gɨl we gɨpal ak, kɨdek mɨseÅ lɨnɨgab. 25 Anɨb ak tek, binɨb ogɨnap tap gɨtep gɨpal ak, abe mɨseÅ lup. Pen gɨtep gɨpal ak ogɨnap kasek mɨseÅ ma lek, pel we gɨl yonɨmuÅ tek ma lup.