1 Timoti 3

1 Takaw anɨb ak nɨÅɨd yɨbɨl yek. Bɨ an Klays binɨb ne okok kɨlop kod mɨdep wog ak gɨnɨm agɨl, gos tep yɨbɨl nɨgup. 2 Pen bɨ olap Klays binɨb ne okok kɨlop kod mɨdep ak yenɨm agɨl nɨgup ak, anɨgɨl yonɨmuÅ. Bɨ sayn tep, binɨb ogɨnap nɨgel kɨlop tep gɨnɨmuÅ. Bin nokom olap dɨnɨmuÅ. Bɨ takaw sayn tep agɨl, gos nɨgtep gɨl, binɨb okok kɨlop gɨtep gek, nop agjunɨmuÅ tek ma lup. Ag dap kal mɨgan ne lɨnɨmuÅ. Takaw agñɨ tep gɨnɨmuÅ. 3 Pen ñɨg kɨles ñɨbɨl sawl ma lɨnɨmuÅ. Kabɨyam tɨmel ma juwɨl, kɨlop takaw saynsayn agɨnɨmuÅ. Penpen ma agɨnɨmuÅ. Mani din agɨl gos kuÅay ma nɨgɨnɨmuÅ. 4 Bin ñapay ne amɨlɨgon okok kɨlop kod mɨdtep gek, ñapay okok pen bapi nɨÅɨd agup agɨl, nɨg dɨl kɨdek gɨnɨgel. 5 Pen bɨ olap, bin ñapay ne ke okok kod mɨdtep ma gɨnɨgab ak, Klays binɨb ne okok kɨlop taydɨl kod mɨdtep gɨnɨgab? 6 Bɨ mɨñɨl nep Klays nop gos nɨgup ak, bɨ kod mɨdep olap ma yonɨmuÅ. Bɨ mɨñɨl nep gos nɨgup anɨb ak, yad bɨ teplep yɨbɨl mɨdɨl bɨawl mɨdebin agɨl nɨgɨnɨgab. Anɨgenɨgab, God bɨlel Satan nop bɨlok nɨÅɨd yul awl ñak tek ak, kɨdek bɨ anɨb anop anɨb nep gek apyap pakɨnɨgab. 7 Bɨ kod mɨdep anɨb ak, binɨb Klays yɨl ma mɨdebal okok nop nɨÅɨd, bɨ teplep yɨbɨl agɨl nɨgɨnɨgel. Bɨ anɨb ak pen teplep mel ak, binɨb Klays yɨl ma mɨdebal okok nop agjunɨgabal. Agjuwel, apyap pakek, Satan gon ne ak dɨnɨmuÅ tek lup. 8 Anɨb ak tek, bɨ Klays binɨb ne okok kɨlop wog gɨñeb okok, binɨb ogɨnap nɨgel kɨlop tep gɨnɨmuÅ. JoÅɨb tam sek ma lɨl, ñɨg kɨles kuÅay ma ñɨbɨl, mani tap okok chɨn nep dun agɨl gos ma nɨgɨnɨgel. 9 Pen takaw nɨÅɨd yɨbɨl ned we gup ak, mɨñɨl God ne mɨseÅ agek gos nopun. Takaw nɨÅɨd yɨbɨl anɨb ak, bɨ anɨb okok kɨli nɨÅɨd, gos pal ak teplep won ak nɨg mɨdɨlɨg, dɨtep gɨl nep yenɨgel. 10 Ned wog ogɨnap aglem, tɨtay dɨl tek gɨnɨgabal agɨl nɨg yenɨmɨb. Gɨtep gel, nɨbi agem, bɨ Klays binɨb ne okok kɨlop wog gɨñeb okok wog ak gɨnɨgel. 11 Pen bin kɨli okok abe, binɨb ogɨnap nɨgel tep gɨnɨmuÅ. Binɨb ogɨnap kɨlop ma agjuwɨl, takaw sayn tep agɨl, gos nɨgtep gɨl, wog gɨnɨgel anɨb okok dɨtep gɨnɨgel. 12 Pen bɨ Klays binɨb ne okok kɨlop wog gɨñeb okok, bin nokom dɨl, bin ñapay ne amɨlɨgon okok kɨlop kod mɨdtep gɨnɨgel. 13 Bɨ wog anɨb ak gɨtep gɨnɨgabal okok, binɨb nab okok yɨb tep ak dɨl, agyɨkɨl agɨnɨgabal, Chɨn gos nɨÅɨd yɨbɨl won ak, Klays Jisas nop gos lɨnopun agɨnɨgabal. 14 Kasek nɨnɨgayn tek lup agɨl, takaw anɨb ak, nep mɨj ñu kɨl tɨkebin. 15 Pen yad kasek ma nenɨgayn, mɨj awl nɨÅɨd, chɨn God binɨb ne okok, binɨb ne ayɨp tɨtay dɨl tek yonɨgabun agɨl, nɨgtep gɨnɨgaban. God ne bɨ pel mɨdep ak, chɨn binɨb ne pelpel apnan gɨl mɨdobun. Chɨn jɨmñɨl kal meg kɨles yɨbɨl tek mɨdon nɨm, takaw nɨÅɨd yɨbɨl ne ak dɨl, kɨles tɨmel yɨbɨl gɨl jakɨl mɨdobun. 16 Chɨn nɨgtep yɨbɨl gɨpun, God takaw nɨÅɨd yɨbɨl we gɨl mɨdeb ak, mɨñɨl God ne mɨseÅ agak. Jɨj ak mɨseÅ agek gos nopun, ak tap awl yɨbɨl mɨdeb. Takaw anɨb ak anɨgɨl agup, Ne bɨ yɨbɨl lɨl mɨseÅ apek, binɨb okok nop nɨgɨlak agup. God Kawnan ne ak anɨgɨl yomek, tap anɨgɨl gek, yɨpɨd gɨl amnak agup. Ensel okok nop nɨgɨlak agup. Ne anɨgak takaw ak, man okok okok amɨl binɨb okok kɨlop agñɨlak agup. Agñel, binɨb lum awl yɨl ak nop gos lɨnɨgɨlak agup. Pen God ne nop dad adɨkɨd man ne alaÅ amek, yɨb awl yɨbɨl dak agup.