HEMASARAHANA 15

1 Abo heiheinoi esau hinage, galewa eai ea iita, saesaena, nabunabutuana, aneru haligigiâlabui nimadi eai iwala haligigiâlabui, isi taumurimuritaâariri ede, paana aridi eai Eaubada ena ouyalayala ena abaâheohina. 2 Ea italau, abo gabogabo daudaumorina ea iita, doha galasi eo oeagi alaalasina maena se hebori, eo isi suisui wa se saepoi ialana eai se baguna, ena oitau eo esana numerona wa se saepoidi, gabogabo doha galasi wa hasarina eai se totoro, Eaubada ena huelele nimadi eai. 3 Eaubada ena heaheari Mose wanana se wanai, eo Mamoe wanana, si ene, “Em paipaisoa se lai ariri, se didiga, Guiau Eaubada Gigigiboriâaririna e! Em laulau gamagaridi duduraidi, mamohoidi ede, Mumuga eai i laoma e wauâta, Wasawasana e! 4 Eai taba nige esam i matausiei, i hedebasaei, Guiau e? Paana oa oabom Tabuna ede. Basileia gamagamagari abo se laoma se aihelahuim, paana em abiabi dudurai se masarahao." 5 Teina ginauri ta muridi eai ea ita, tabanako, Eaubada ena nuatu abaâhemasarahana dubuna wa, galewa eai se soeauri, 6 abo dubu boeana eai aneru haligigiâlabui iwala baaea haligigiâlabui se tautautu wa, se pesama, isi we’u maisaâlailaidi eai se hepasadi, se lolo ariri, se namanamari, eo nuapoudi eai gold se auduaduariei. 7 Abo ginauri maumauridi hasi wa tauna esau bia gold haligigiâlabui ie abi, Eaubada ena ouyalayala eai se monau, ia wa ena mauri i lau e nige nosina wa. 8 Dubuna wa asuasu i monau, Eaubada namanamarina eo gigiborina eai i laoma, taba nige esau abina i ata i awasae dubu eai ta, i lau e aneru haligigiâlabui edi iwala baaea haligigiâlabui se hepaisoaheohidi.