HEMASARAHANA 12

1 Abo heiheinoi lailaina esau galewa eai se ita, iaede sine mahana eai se helui, aena eai nawalai, uruna eai ipora saudoudoiâlabui doha ena korona; 2 na sine ta ie boga, to ie eaba, paana i labalaba eo i paisoa bena i haisu. 3 Abo heiheinoi esau galewa eai se ita, dragon lailaina, buiabuiana, uruna haligigiâlabui, eo donana saudoudoi, eo wau uruuruna eai wa korona haligigiâlabui i oudi. 4 Delena eai galewa iporadi i uiagabaedi i gabadobedi tanoubu eai. Na dragon wa sine labalabana wa matana eai i totoro i bagibagi bena i haisu abo natuna i ai. 5 Na natunaâtau i labasi, ia ede bena basileia gamagaridi abo i tanuagaedi, tue poasi arinai abo i tanuagaedi, na sine wa natuna se girihai se abiisini Eaubada arinai, eo ena terona arinai. 6 Sine wa ie dago tupo barabara eai, ena abamia nei eai Eaubada i abinonohaiyao, nei eai abo se heai i lau e asubena tausani esega eo handere labui, eo tataoâhaionaâseâmate. 7 Abotai iala ie tubu galewa eai, Mikailo maena aneru gamagari se ialalau dragon wa arinai; dragon eo ia ena aneru hinage iala se heuio, 8 na se unuidi, hinage galewa eai nige edi tupo se lobaiuio. 9 Dragon didigana wa, saesaena, abo se aiduiei. Iaede mota beabeana wa, iaede Diabolo, tanoubu maudoina tauboraboraidi wa â ia se gabadobei tanoubu eai, maenayao ena aneru hinage se gabadobeidi. 10 Abo arina lailai galewa eai ea ataiei i ene, “Abotai abo se tubuma ede, abihemauri, eo adidiri, eo eda Eaubada ena basileia, eo Keriso gigiborina. Paana eda tataoyao tauhegihegirudi se gabadobeiyao, ia wa eda Eaubada matana eai i hegihegirudi wa, asubena to maiona. 11 Ia hede se saepoiyao, Mamoe osinana debana eai, eo edi mauri ribahemasarahana eai, eo paana isibom edi mauri nige se gadosisiei i lau e se mate. 12 Arinai u kode, oa galewa e, eo omi taumiaina! Ahani mo omi, tanoubu eo gabogabo taumiamiu e, paana diabolo i dobiwa arimiu eai, ena ouyalayala i lai ariri, paana i nuatuiyao ena huia i kuu mo!" 13 Dragon i italobai, hede ia se gabadobeiyao tanoubu eai, abo sine wa merumeru tauâlabasina i hesabaei, i heamamna. 14 Na mabena lailaidi labui sine wa se mosei, doha magesubu lailaina mabena, bena mota wa i loigabaei i lau ena abamia wa barabara eai. 15 Abo mota awana eai goila i alagabaei, doha abaita lailai sine wa i hedidiâwatai, abaita eai bena i healelei. 16 Na tano sine wa i sagui, tano awana i dabari eo abaita wa ie dom, wau mota awana eai i laolaoma wa. 17 Na dragon abo i ouyalayala ariri sine wa arinai, to i lau bena iala i hetubu sine wa nanatunayao headi aridi eai, isi hagahagana wa sora maâmiamiadi, Eaubada ena laugagaeo se sogohidi wa, eo Keriso ena mauri ribana tauabina wa.