HEBERU 4

1 Taba ta matausi mo, ata se ribahesunumaedao bena ena aiyawasi eai ta lusora, ia mo esau arimiu eai dobila eai i tarutoro. 2 Paana ita arida eai wasa lolona se guguiai, doha isi; na riba ataiena nige i helolodi, paana tauataiena nige nuadi esega sunuma eai ta. 3 Ita tauataiwataina ta lusorao aiyawasina wa arinai, doha i ribaei, “Egu ouyalayala eai ea ribaâaigora, taba nige se lusora egu aiyawasi eai,” ia mo dobila ta se nuatunonohaiyao, tanoubu ena huia tubu eai. 4 Doha haedi hinage i ribaeyao, asubena hehaligigiâlabuina ribana, i ene, “Na Eaubada ana paisoa gamagaridi aridi eai i aiyawasi, asubena hehaligigiâlabuina eai." 5 Abaâurina esau eai hinage i ene, “Taba nige se lusora egu aiyawasi eai." 6 Hedeâomi i masaraha, headi abo se lusora, na isiâbaguna wa wasa lolona se ataibagunai wa, isi nige se lusora, edi awayagara debana eai. 7 Asubena esau hinage i ribaei, “Wauâta,” sorasora lohalohana abotai Davida ena uriuri eai, iaede ta ribaeyao, “Wauâta, ena arinana au ataiei, tabu nuamiu au heoiuradi." 8 Taba Iosua abina ie ata aiyawasi wa i mosedi, taba nige murina eai abo asubena esau i ribaei. 9 Hede Eaubada ana bodao edi sabate aiyawasina sora ie ota; 10 paana ia wa taulusorao ena aiyawasi eai, ana paisoa gamagaridi aridi eai i aiyawasi hinage, gonoana doha Eaubada ana paisoa eai i aiyawasi. 11 Hage nuada ta headidiridi bena ta lusora wau aiyawasi eai wa, ata tau esau i beu, iilana gonogonoana doha isi, iaede awayagara. 12 Paana Eaubada ena riba maumaurina ede, eo i paipaisoa, i mata ariri, nige elepa abaâaiaiunu matalabulabui esau ena mata doha, iabom i gorigorilapai i lau e nua eo earua i tupalapaidi, eo siada popodi eo aroarodi hinage, i heula ariri nuatu eo aipate nua boeana eai i itasipoidi. 13 Nige ginauri maumauri esau matana eai i tauyamui, na ginauri gamagaridi se masaraha, eo ia matana eai se weseâauridio, ia wa arinai ta itaitalau. 14 Arinai eda kohenaâsaesaena, lailaina, galewa eai i lusorao, iaede Iesu, Eaubada Natuna, eda miamia ta taba ta sogohididini. 15 Eda kohenaâsaesaena ta taba nige ta ene eda beruberu nige se abiita, ia amnadi i ataiedio, ia tupo gamagari eai noho i hearodio, doha ita ta hearodi, ia mo nige baaeana. 16 Arinai besi ta laoma, ena ainauia teronana eai ta hanahanauma, maânuaadidirida, bena ena nuatoatoa ta hearo, ena ainauia ta lobai, i saguida eda deha huiadi eai.