Genese 5

1 Adamu isina bukana ede ina. Huia ne Eaubada tau i hetubu, Eaubada ana ao eai ia i hetubu. 2 I hetubudi tau eo sine, eo i ainauiaidi, esadi i mosedi Tau, huiana i hetubudi wa. 3 Adamu ia borimai handere esega, eo tauâesegaâiâmateâsaudoudoi, abo i hemala tama, natuna iabom ana ao eai, eo ia tautauna eai, esana wa ie tore Seta. 4 Adamu asubenana, huia ne i hemala tama wa murina eai ede borimai handere haligigiâhaiona; nanatunayaao headi tatao eo sisine hinage i labasidi. 5 Arinai Adamu ena mauri asubenadi maudoidi ede borimai handere haligigiâhasi eo tauâesegaâiâmateâsaudoudoi; abotai ie mate. 6 Seta ie mia borimai handere esega eo haligigi, muridi eai abo i hemala Inosi tamana. 7 Inosi se labasi wa murina eai Seta ie mia borimai handere haligigiâhaiona eo haligigiâlabui; ia nanatunayao headi tatao eo sisine i abidi hinage. 8 Arinai Seta ena mauri asubenadi maudoidi ede borimai handere haligigiâhasi eo saudoudoiâlabui. Abotai ie mate. 9 Inosi ie mia wa borimai tataoâhasiâseâmateâsaudoudoi, abotai i hemala Kenana tamana. 10 Kenana se labasi wa murina eai Inosi borimai handere haligigiâhaiona eo saudoudoiâhaligigi ie mia, eo nanatunayao headi tatao eo sisine ie abidi hinage. 11 Arinai Inosi ena mauri asubenadi maudoidi ede handere haligigiâhasi eo haligigi; abotai ie mate. 12 Kenana ie mia borimaina tataoâhaionaâseâmateâsaudoudoi, abo i hemala Mahalalela tamana. 13 Mahalalela se labasi murina eai Kenana ie mia borimai handere haligigiâhaiona eo tataoâlabuiâseâmate, eo nanatunayao tatao eo sisine headi i abidi. 14 Arinai Kenana ena mauri asubenadi maudoidi ede borimai handere haligigiâhasi eo saudoudoi; abotai ie mate. 15 Mahalalela ie mia borimaina tataoâhaionaâseâmatehaligigi, abo i hemala Iareda tamana. 16 Iareda se labasi wa murina eai Mahalalela borimai handere haligigiâhaiona eo tauâesegaâiâmateâsaudoudoi, eo nanatunayao tatao eo sisine headi i abidi. 17 Arinai Mahalalela ena mauri asubenadi maudoidi ede borimai handere haligigiâhaiona eo tataoâhasiâseâmateâsaudoudoihaligigi; abotai abo ie mate. 18 Iareda borimai handere esega eo tataoâhaionaâseâmate eo labui ie mia, abo i hemala Enoka tamana! 19 Enoka se labasi wa murina eai Iareda borimai handere haligigiâhaiona ie mia, eo nanatunayao tatao eo sisine headi i abidi hinage. 20 Arinai Iareda ena mauri asubenadi ede borimai handere haligigiâhasi eo tataoâhaionaâseâmate eo labui; abotai ie mate. 21 Enoka borimai tataoâhaionaâseâmate eo haligigi ie mia, abo i hemala Metusela tamana. 22 Metusela se labasi wa murina eai Enoka Eaubada maena se laulau borimai handerehaiona, eo nanatunayao tatao eo sinine headi i abidi. 23 Arinai Enoka ena mauri asubenadi maudoidi ede borimai handere haiona eo tataoâhaionaâseâmate eo haligigi. 24 Enoka Eaubada maena se laulau esega, i lau e ia nige’e, paana Eaubada ia i abiya’o. 25 Metusela ie mia borimaina handere esega, eo tataoâhasiâseâmate haligigiâlabui, abo i hemala Lameka tamana. 26 Lameka se labasi wa murina eai Metusela ie mia borimai handere haligigiâlabui eo tataoâhasiâseâmate eo labui, eo nanatunayao tatao eo sisine headi i abidi. 27 Arinai Metusela ena mauri asubenadi maudoidi ede borimai handere haligigiâhasi eo tataoâhaionaâseâmate eo haligigiâhasi; abo ie mate. 28 Lameka borimai handere esega eo tataoâhasiâseâmate eo labui ie mia, natuna tau esau se labasi. 29 To esana wa ie tore Noa, i ene, “Tano GUIAU i ribahemate wa boeana eai te ina ta abo abaâaiyawasina i leama, ada paisoa arinai eo nimada edi paipaisoa aridi eai." 30 Noa se labasi wa murina eai Lameka ie mia borimaina handere haligigi eo tataoâhasiâsemateâsaudoudoiâhaligigi, eo nanatunayao headi, tatao eo sisine i abidi. 31 Arinai Lameka ena mauri asubenadi maudoidi ede borimai handere haligigiâlabui eo tataoâhaionaâseâmateâsauâdoudoiâhaligigiâlabui; abo ie mate. 32 Noa borimai handere haligigi ie mia, abo i hemala Sema, Hama eo Iapeta tamadi.