भजन संग्रह 99
WBT1 परमप्रभु यावे पिप बाक्ब। जात जात ङा मुरपुकी ख्रिंख्रि पामेक्ल। मेको करूब आन तारी बाक्ब। रागीम ख्रिनु कुल। भजन संग्रह ९३:१; भजन संग्रह १८:११ 2 परमप्रभु यावे सियोनम ठेयब बाक्ब। जात जात ङा मुर नेल्ल आन क्येङा ठेयब बाक्ब। 3 मेको नेल्लेमी इन ठेयब नु हिंचा ङा नें कली ठेयब सेल्मेक्ल। परमप्रभु यावे का ला बाक्ब। 4 सक्ति पाइश्शो पिपम, ठीक निसाफ दाक्ब, गे कुल मकोव़थु, याकूब आ रागीमी ठीक पतीके नु ठीक निसाफ वोइक्तीनी। यसैया ९:६ 5 परमप्रभु यावे, आंइ परमप्रभु कली ठेयब सेलीन। आ खोइल थेक्तीकेमी मान पने। मारदे हना मेको का ला परमप्रभु बाक्ब। भजन संग्रह १३२:७-८; १इतिहास २८:२; बिलाप २:१ 6 मोसा नु हारून मेको कली चढ़ेब बाक्ताक्स। परमप्रभु यावे कली पुंइशा लोव़ पाइब आन दातेमी सामुएल का यो बाक्त। मेकोपुकीमी परमप्रभु यावे कली पुंइशा लोव़ पामेनु, मेकोमी मेको आन कली लोव़ लेश्शो बाक्त। 7 मेकोमी गोस्स के थाम रे पा मेकोपुकी नु लोव़ पशो बाक्त। मेकोपुकीमी मेको आ देंशो नु आ फुल्लुम मुशा ब्रेक्शो लोव़ टिशो बाक्तेक्म। 8 परमप्रभु यावे, आंइ परमप्रभु, गे मेको आन कली लोव़ लेश्शो बाक्तीनी। गे मेको आन कली माफ गेब परमप्रभु बाक्तीनी। गे मेको आन मरिम्शो पशो आ क्येक्क यो लेश्शो बाक्तीनी। प्रस्थान ३४:७ 9 परमप्रभु यावे, आंइ परमप्रभु कली ठेयब सेलीन। मेको कली आ डांडाम मान पने। मारदे हना परमप्रभु यावे, आंइ परमप्रभु का ला बाक्ब।