يَبُرَ 94

1 ﭑ مَرِفِ عَلَ نَشَن عَ فبٍحْشْمَ، عِ شَ عِ مَكّنّن عِ شَ نْرّ كُي. 2 عِ تَن نَشَن دُنِحَ كِيتِ سَمَ، عِ شَ كٍلِ، عِ شَ يّتّ عِفبٌي شَ وَلِيٍ رَفبِلٍن عٍ مَ. 3 ﭑ مَرِفِ، عَ لَنمَ مِشِ كٌبِيٍ شُن شَ رَكٍلِ هَن مُن تّمُي؟ 4 عَ لَنمَ مِشِ حَاشِيٍ شَ عٍ يّتّ مَتْشْ تُن عٍ شَ يّتّ عِفبٌحَ كُي؟ 5 عَلَتَلَ، عٍ عِ شَ حَمَ تْورْ مَ، عٍ عِ شَ مِشِيٍ هَلَكِمَ. 6 عٍ كَاحّ فِنّيٍ نُن شْحّ قَشَمَ، عٍ كِرِدِيٍ نِي بَمَ. 7 عٍ نُ قَ عَ قَلَ، «عَلَتَلَ مُ يِ قٍيٍ تٌمَ، يَشُبَ مَرِفِ عَلَ مُ يِ رَكْرْ سِمَ.» 8 وٌ تَن شَشِلِتَرٍيٍ، نَشٍيٍ لُمَ حَمَ تَفِ، وٌ شَشِلِ سْتْمَ مُن تّمُي؟ 9 نَشَن تُلِ دَاشِ، نَ لُمَ عَ مُ قٍ مّ؟ نَشَن يَ دَاشِ، نَ لُمَ عَ مُ سٍ تٌ؟ 10 نَشَن حَمَنّيٍ شُرُ مَ، نَ مُ عٍ حَشَنكَتَمَ؟ عَ تَن نَن شَشِلِ قِمَ عِبُنَدَ مَ مَ. 11 عَلَتَلَ عَ كٌلٌن عَ عَدَ مَدِيٍ شَ مَحْشُنيِيٍ نَ نّ قُقَقُ. 12 عَلَتَلَ، سّيوّ نَ مِشِ بّ عِ نَشَن مَتِنشِنمَ، عِ نَشَن مَتِنشِنمَ عِ شَ سّرِيّ رَ، 13 عَلَكٌ عَ شَشِلِ شَ سَ تْورّ لْشْييٍ، هَن مِشِ حَاشِيٍ عٍ فبٍ حَشَنكَتّ سْتْمَ تّمُي نَشّ. 14 عَلَتَلَ مُ عَ شَ حَمَ رَبٌلٌمَ، عَ مُ عَ شَ مِشِيٍ رَبّحِنمَ. 15 كِيتِ تِنشِنشِ قَمَ نّ سَدٍ، تِنشِنتْييٍ بْحّ بِرَ مَ نّ نَ قْشْ رَ. 16 ندٍ ﭑ شُن مَقَلَمَ مِشِ حَاشِيٍ شْن مَ؟ ندٍ تِمَ ﭑ بّ مِشِ كٌبِيٍ شِلِ مَ؟ 17 شَ ﭑ مَرِفِ مُ قِندِ ﭑ مَلِمَ رَ نُ، ﭑ مَ قٍ دَنمَ نّ فَبُرِ كُي نُ. 18 ﭑ مَرِفِ، ﭑ نَ مَحْشُن عَ ﭑ سَنيِ مُ تِمَ سْنْن، عِ شَ دُفُتّفّحَ ﭑ دّ مّنمَ. 19 ﭑ مَ كْنتْقِلِيٍ نَ وُيَ، عِ عٍ بَمَ ﭑ مَ، عِ قَ ﭑ نَسّيوَ. 20 عِ نْمَ تِندٍ مَنفّيَ تِنشِنتَرٍ رَ، نَشَن يَامَرِ تِمَ قٍ كٌبِ رَ؟ 21 عٍ كَقُمَ عٍ بٌرٍ مَ تِنشِنتْي قَشَقٍ رَ، عٍ مِشِ تْوحّفّ كِيتِ كُي. 22 كْنْ مَرِفِ نَن نَ ﭑ كَنتَمَ رَ، عَ لُمَ عَلْ قَنيٍ ﭑ سَبَتِمَ نَشَن قَرِ. 23 عَ عٍ شَ وَلِ كٌبِيٍ رَفبِلٍنمَ نّ عٍ مَ، عَ عٍ شُن نَكَنَ عٍ شَ حَاشُحَ رَ. مُشُ مَرِفِ عَلَ عٍ سْنتْمَ نّ.