يَبُرَ 72

1 عَلَ، عِ شَ عَ نِيَ مَنفّ شَ كِيتِ تِنشِنشِ سَ. عِ شَ تِنشِنيِ شَ لُ مَنفّ شَ دِ دّ عِ. 2 نَ كُي عَ شَ عِ شَ حَمَ مَكِيتِ نْندِ رَ، عَ شَ تِنشِن تْورْ مِشِيٍ بّ. 3 مَسٍنيِ شَ تِ فٍيَيٍ قَرِ، حَمَ بْحّ سَشِ رَ، شِبَارُي شَ يٍنسٍن بْشِ مَ، تِنشِنيِ نَن حَمَ يَمَرِ مَ. 4 مَنفّ شَ سّرِيّ رَبَ تْورْ مِشِيٍ بّ، عَ شَ سٍتَرٍ شَ دِيٍ رَكِسِ، عَ شَ عٍ فٍرٍقَيٍ رَيٍنسٍن. 5 مِشِيٍ شَ فَاشُ عِ يَ رَ عَبَدَن، دَنمِ سٌفٍ نُن كِكٍ يَنبَمَ. 6 مَنفّ شَ لُ عَلْ تُنّ نَشَن بِرَ مَ شّيٍ مَ، نَشَن بْشِ رَقَنمَ. 7 تِنشِنتْي شَ قٍ قَنمَ نَ وَشَتِ نّ، دَنمِ كِكٍ يَنبَمَ، بْحّسَ فبٌمَ نّ. 8 عَ شَ مَنفّيَ فبٌمَ نّ، سَ قْلْ سٌفٍتٍدٍ هَن عَ سَ دْشْ سٌفٍفٌرٌدٍ رَ، عَ قْلْ عٍقِرَتِ شُرٍ مَ هَن سَ دْشْ بْشِ دَنيِ رَ. 9 مِشِ نَشٍيٍ نَ وُلَ عِ، عٍ شِنبِ سِنمَ نّ عَ بُن مَ، عَ يَشُييٍ لُ عَ سَنيِ بُن مَ. 10 تَرَ سِسِ مَنفّيٍ نُن سُرِ مَنفّيٍ قَمَ نّ بُحَيٍ رَ. سٍيبَ نُن سٍبَ مَنفّيٍ قَن دُوتِ قِمَ نّ عَ مَ. 11 مَنفّ بِرِن عٍ شِنبِ سِنمَ نّ عَ بُن مَ، سِيٍ بِرِن لُ عَ شَ يَامَرِ بُن مَ. 12 نَ كُي سٍتَرٍيٍ قَمَ نّ عَ شِلِدٍ مَرَكِسِمَ. عَ مِسِكِينّ سّنبّتَرٍ مَلِمَ نّ. 13 عَ كِنِكِنِمَ نّ سّنبّتَرٍيٍ نُن سٍتَرٍيٍ مَ، عَ تْورْ مِشِيٍ رَكِسِ. 14 عَ عٍ شْرّيَمَ نّ مَءِقُي نُن قٍ كٌبِيٍ مَ، بَرِ مَ عٍ قِندِشِ عَ شَنُنتٍنيِيٍ نَن نَ. 15 عَ شَ مَنفّيَ شَ بُ! عَ سٍيبَ بْشِ شَ شّيمَ سْتْمَ نّ. مِشِيٍ شَ عَلَ مَشَندِ عَ بّ تّمُي بِرِن، عٍ نَشَ تَفَن دُبَدٍ عَ بّ. 16 عَلَ دٌنسٍ يِرِوَ مَ نّ بْشِ كُي. فٍيَيٍ رَقٍمَ نّ سَنسِيٍ رَ، عٍ بٌفِيٍ لُ عَلْ سَنسِ بٌفِ نَشٍيٍ نَ لِبَن. مِشِيٍ فبٌمَ نّ تَا كُي عَلْ بْشِ سّشّ. 17 مَنفّ عَلَ شِلِ فبٌ عَبَدَن! دَن مُ نَ عَ شِلِ مَ سٌفٍ بُن مَ. سِ بِرِن بَرَكّ سْتْمَ نّ عَ سَابُي رَ، عٍ قَ عَ مَتْشْ. 18 عِسِرَيِلَ مَرِفِ عَلَتَلَ تَنتُ. عَ كٍرٍن نَن كَابَنَكٌي رَبَمَ. 19 عَ شِلِ شُنفبٍ شَ تَنتُ عَبَدَن. دُنِحَ بِرِن شَ عَ شَ بِنيّ كٌلٌن. عَمِنَ! عَمِنَ! 20 يِسَيِ شَ دِ دَوُدَ شَ مَشَندِيٍ رَحْنيِ نَن نَ كِ.