يَبُرَ 63

1 دَوُدَ شَ بّيتِ، عَ نَشَن بَ يُدَيَ، عَ تٌ نُ فبٍنفبٍرٍنيِ مَ تّمُي نَشّ 2 عَلَ نَن ﭑ مَرِفِ رَ. عَلَ ﭑ عِ قٍنمَ، بَرِ مَ ﭑ هَيِ نَ عِ مَ، عَلْ قَتٍ هَيِ تٌ نَ يٍ مَ فبٍنفبٍرٍنيِ مَ. 3 ﭑ لُمَ عِ شَ هْرْ مْبَنشِ كُي عَلَكٌ ﭑ شَ عِ سّنبّ نُن عِ شَ بِنيّ تٌ. 4 عِ شَ هِننّ قَن سِمَيَ بّ. ﭑ بَرَ عِ مَتْشْ. 5 ﭑ عِ تَنتُمَ ﭑ مَ سِمَيَ بِرِن كُي، ﭑ نَن ﭑ بّلّشّيٍ عِتٍمَ عِ مَبِرِ. 6 ﭑ بْنسْي وَ سَمَ نّ عِ تَنتُقٍ رَ سّيوّ كُي. 7 ﭑ نَ ﭑ سَ ﭑ عِ شَ قٍ مَحْشُنمَ كْي بِرِن، 8 بَرِ مَ عِ تَن نَن ﭑ مَلِمَ. ﭑ سّيوَ مَ نّ عِ نِينِ بُن مَ. 9 ﭑ نِي بَرَ قَتُ عِ مَ، عِ بّلّشّ لُمَ نّ ﭑ بُن مَ. 10 نَشٍيٍ كَتَمَ ﭑ قَشَدٍ، عٍ تَن نَن قَشَمَ. 11 سَنتِدّفّمَ قَمَ نّ عٍ سْشْدٍ، وُلَءِ بَرٍيٍ قَ عٍ عِبْودٍ. 12 مَنفّ سّيوَ مَ نّ عَلَ شَ قٍ رَ. نَشٍيٍ عٍ كَلِمَ عَلَ شِلِ رَ، نٍيٍ قَمَ نّ عَ مَتْشْدٍ. كْنْ وُلٍ قَلّيٍ دّيٍ بَلَنمَ نّ.