يَبُرَ 111

1 وٌ عَلَتَلَ مَتْشْ! ﭑ عَلَتَلَ بَتُمَ نّ ﭑ بْحّ بِرِن نَ، تِنشِنتْييٍ نُن حَمَ يَ مَ. 2 مَرِفِ شَ وَلِيٍ مَكَابَ. عٍ رَقَن مِشِيٍ مَ نَشٍيٍ تِنمَ عٍ مَتٌدٍ. 3 عَ شَ وَلِيٍ نْرْشِ، عَ شَ تِنشِنيِ بُمَ نّ عَبَدَن. 4 عَ عَ نِيَ بِرِن شَ رَتُ عَ شَ كَابَنَكٌي مَ. عَلَتَلَ هِننّمَ عَدَ مَدِيٍ رَ، عَ كِنِكِنِ عٍ مَ. 5 عَ بَلٌي قِمَ مِشِ مَ نَشَن فَاشُمَ عَ يَ رَ، عَ رَتُ عَ شَ سَاتّ مَ عَبَدَن. 6 عَ بَرَ عَ شَ وَلِ سّنبّ مَسٍن عَ شَ حَمَ بّ، حَمَنّ فبّتّيٍ كّ سٌقٍ رَ عٍ يِ. 7 عَ وَلِمَ نْندِ نُن تِنشِنيِ نَن قَرِ. عَ شَ يَامَرِيٍ قِندِ مَ سّرِيّ قَنيِ نَن نَ، 8 نَشٍيٍ مُ كَنَمَ عَبَدَن، عَدَ مَدِيٍ لَنمَ عٍ شَ نَشٍيٍ رَكَمَلِ. 9 عَ بَرَ عَ شَ حَمَ شُن سَرَ، عَ بَرَ عَ شَ سَاتّ مَبَنبَن عَبَدَن. عَ شِلِ سّنِيّن، عَ مَفَاشُ. 10 شَشِلِمَيَ قْلْمَ عَلَتَلَ يَرَفَاشُي نَن مَ. مِشِ نَشَن فَاشُمَ عَلَ يَ رَ، عَ شَشِلِ قَنيِ سْتْمَ نّ. عَدَ مَدِيٍ لَنمَ عٍ شَ عَ مَتْشْ عَبَدَن.