تَالِيٍ 7

1 ﭑ مَ دِ، ﭑ مَ وْيّنيِ رَفَتَ عِ بْحّ كُي، ﭑ مَ سّرِيّ شَ لُ عِ سٌندٌنيِ مَ. 2 ﭑ مَ سّرِيّ سُشُ عَلَكٌ عِ شَ سِمَيَ سْتْ، ﭑ مَ شَرَنيِ شَ رَقَن عِ مَ عَلْ عِ يَ قِرِنيِيٍ. 3 ﭑ مَ سّرِيّ شِرِ عِ بّلّشّسٌلٍيٍ رَ، عَ سّبّ عِ سٌندٌنيِ مَ. 4 لْننِ شَ قِندِ عِ مَافِنّ رَ، شَشِلِ قَنيِ شَ قِندِ عِ بَرِ مِشِ رَ. 5 ﭑ مَ سّرِيّ عِ رَتَنفَمَ نّ لَنفٌي مَ، عٍ عِ رَتَنفَمَ نّ يّنّلَ شّمّ تَا عِدْشْي مَ. 6 لْشْي ندٍ، ﭑ نُ نَ ﭑ مَ بَنشِ كُي، ﭑ تَندٍ مَتٌمَ وُندّرِ رَ. 7 ﭑ نَشَ شَشِلِتَرٍ ندٍ تٌ، سّفّتَلَ نَشَن شَ قَهَامُي مُ فبٌ. 8 عَ نَشَ كِرَ سُشُ نَشَن دَنفِمَ لَنفٌي فِنّ شَ بَنشِ دّ رَ. عَ نُ بَرَ عَ شُن تِ مّننِ رَ. 9 نُنمَرٍ تّمُي نَن نُ عَ رَ، كْي نُ بَرَ سٌ، كُيٍ نُ بَرَ عِقْورْ. 10 فِنّ ندٍ نَشَ سَ عَ رَلَن، عَ مَشِرِشِ لَنفٌي فِنّ كِ، عَ نُ وَ مَ نَ شّمّ مَدَشُقٍ نّ. 11 فِنّ مُرُتَشِ نَن عَ رَ، نَشَن وْيّن شُي عِتٍ، عَ مِشِ مَتَندِ. 12 عَ حّرّ مَ تَا كُي شّمّ قٍنقٍ رَ. 13 عَ نَشَ نَ شّمّ سُشُ، عَ عَ مَسُنبُ، عَ عَ قَلَ عَ بّ يّتّ عِفبٌحَ رَ، 14 «ﭑ لَايِدِ تٌنفٌ نّ عَلَ بّ، ﭑ بَرَ نَ رَكَمَلِ سّرّشّ رَ تٌ. 15 ﭑ مِنِشِ عِ قٍندٍ نَ نَن مَ. يَكْسِ ﭑ بَرَ عِ تٌ. 16 مِسِرَ سَدٍ دُفِ مَحِنفِشِ نَ ﭑ سَدٍ مَ، 17 عَ نُن لَبُندّ شِرِ قَنيِ مْولِ بِرِن نَ. 18 قَ بٍ، وٌن شَ يّنّ رَبَ هَن فّيسّفّ، وٌن شَ وٌن وَشْنيِ بِرِن نَبَ، 19 بَرِ مَ ﭑ مَ شّمّ مُ نَ بَنشِ، عَ سِفَشِ بِيَاسِ شْنكُيٍ. 20 عَ بَرَ كْبِرِ فبٍفبٍ شَنِن عَ شُن مَ، عَ مُ قَمَ قٌ يِ كِكٍ حْن.» 21 عَ نَشَ نْ نَ شّمّ رَ عَ شَ كْوتَ سَابُي رَ، عَ نَشَ نْ عَ رَ عَ شَ دّ عِحْشُنيِ رَ. 22 شّمّ نَشَ بِرَ عَ قْشْ رَ كٍرٍن نَ، عَلْ نِنفٍ نَشَن سِفَقٍ نِنفٍ قَشَدٍ، عَلْ شٍلِ نَشَن عَ سَنيِ رَ سٌقٍ يّلّ كُي، عَلْ شْنِ نَشَن تِقٍ فَنتَنيِ مَ، هَن تَنبّ قَ عَ بْحّ سْشْ، عَ قَشَ، عَ مُ عَ كٌلٌن عَ شَ سِمَيَ دَنمَ مّننِ نّ. 24 يَكْسِ ﭑ مَ دِيٍ، وٌ وٌ تُلِ مَتِ ﭑ نَ، وٌ ﭑ مَ مَسٍنيِ رَ مّ. 25 عِ بْحّ نَشَ عِ مَدَشُ عِ شَ بِرَ نَ فِنّ مْولِ قْشْ رَ، عِ نَشَ عِ حّرّ عَ شَ كِرَ رَ، 26 بَرِ مَ عَ بَرَ مِشِ فبٍفبٍ قَشَ، عَ بَرَ سّنبّمَيٍ يَتِ رَبِرَ. 27 عَ شَ بَنشِ قِندِشِ قَشّ كِرَ نَن نَ، مِشِ فٌرٌ مَ عَلِفِيَمَ دّننَشّ رَ.