تَالِيٍ 10

1 سُلٍمَنِ شَ تَالِيٍ دِ شَشِلِمَ، عَ بَبَ رَ سّيوَ مَ نّ، كْنْ دِ لْننِتَرٍ قِندِ مَ نِمِسّ نَن نَ عَ نفَ بّ. 2 هَرِفٍ سْتْ كِ حَاشِ مُ سٍسٍ فَسَمَ مِشِ مَ، كْنْ تِنشِنيِ نَن سِمَيَ قِمَ مِشِ مَ. 3 عَلَتَلَ مُ مِشِ تِنشِنشِ لُمَ كَامّ رَ، كْنْ عَ تٌندِ مَ نّ مِشِ حَاشِ وَشْنقٍ رَ. 4 بّلّشّ وَلِتَرٍ سٍتَرٍحَ نَن بّندُنمَ مِشِ مَ، بّلّشّ وَكِلِشِ بَننَيَ نَن قِمَ مِشِ مَ. 5 دِ نَشَن وَكِلِمَ شّ شَبَ تّمُي عَ قِندِشِ شَشِلِمَ نَن نَ، كْنْ دِ نَشَن شِمَ شّ شَبَ تّمُي عَ قِندِشِ يَافِ نَن نَ عَ بَبَ بّ. 6 بَرَكّ نَ مِشِ تِنشِنشِ قْشْ رَ، فبَلٌي بِرَ نّ تِنشِنتَرٍيٍ قْشْ رَ. 7 تِنشِنتْي شِلِ قِندِ مَ دُبَ نَن نَ، كْنْ مِشِ حَاشِ شِلِ لْيمَ نّ. 8 لْننِلَ تِنمَ لُدٍ سّرِيّ بُن مَ، كْنْ لْننِتَرٍ شَ وْيّنيِ عَ شُن نَكَنَمَ نّ. 9 مِشِ نَشَن حّرّ مَ نْندِ رَ، عَ حّرّ مَ كَنتَرِ نَن كُي، كْنْ مِشِ نَشَن مُ عَ حّرّ مَ تِنشِنيِ رَ، نَ تَن قَمَ رَيَرَبِدٍ نّ. 10 مِشِ نَشَن نْندِ نْشُنمَ عَ بٌورٍيٍ مَ، عَ عٍ تْورْقٍ نّ. دّ كَنيِ شَشِلِتَرٍ عَ شُن نَكَنَمَ نّ. 11 وْيّنيِ تِنشِنشِ تِنشِنتْي شَ سِمَيَ شْن كُيَمَ نّ، كْنْ مِشِ حَاشِ تَن دّ فبَلٌي رَ مِنِمَ نّ. 12 فبّسّنشْننّيَ فٍرٍ رَكٍلِمَ نّ، كْنْ مَرَقَنيِ دِحّمَ نّ قٍ كَنَشِ بِرِن مَ. 13 لْننِ نَن نَ شَشِلِمَ نّنيِ بُن مَ، كْنْ فبٍندٍفٍلَ نَن سِنمَ شَشِلِتَرٍ قَرِ مَ. 14 قٍ كٌلٌنيِ رَفَتَشِ لْننِلَيٍ يِ رَ، كْنْ لْننِتَرٍ شَ وْيّنيِ قٍ نَن تُن كَنَمَ. 15 بَننَ مِشِ هَرِفٍ قِندِشِ عَ كَنتَ سٍ نَن نَ، كْنْ سٍتَرٍحَ نَن مِسِكِينّ شُن نَكَنَمَ. 16 تِنشِنتْي شَ فٍينِ قِندِشِ سِمَيَ نَن نَ، مِشِ حَاشِ سَرٍ قِندِشِ حَشَنكَتّ نَن نَ. 17 مِشِ نَشَن شُرُي قَهَامُمَ، عَ تِشِ سِمَيَ كِرَ نَن شْن، كْنْ نَشَن مّيمَ نَ مَرَ سِ رَ، عَ بْنْمَ نّ. 18 وُلٍ قَلّ فبّسّنشْننّيَ رَفَتَمَ نّ، شَشِلِتَرٍ نَن مِشِ تْوحّفّمَ. 19 وْيّنيِ رَوُيَقٍ نْمَ مِشِ قِندِدٍ يُنُبِتْي رَ، كْنْ شَشِلِمَ تَن عَ دّ سُشُمَ نّ. 20 تِنشِنتْي شَ وْيّنيِ تِدٍ فبٌ فبٍتِ بّ، كْنْ مِشِ حَاشِ بْحّ تِدٍ شُرُن. 21 تِنشِنتْي شَ مَرَ سِ مِشِ رَحّرّ مَ نّ، كْنْ شَشِلِتَرٍ قَشَمَ لْننِتَرٍحَ نَن كُي. 22 عَلَتَلَ شَ بَرَكّ نَن مِشِ بَننَمَ، مِشِ سّنبّ مُ سٍسٍ سَمَ نَ قَرِ. 23 قٍ حَاشِ رَقَن مِشِ كٌبِ مَ، كْنْ لْننِ رَقَن شَشِلِمَ مَ. 24 مِشِ حَاشِ هّنمّمَ قٍ نَشَن نَ، نَ نَن عَ لِمَ. مِشِ تِنشِنشِ وَشْنقٍ، عَلَ نَن نَ نَبَمَ عَ بّ. 25 قٍ شْرْشْي نَ قَ، مِشِ حَاشِ يٌ مُ تِمَ، كْنْ تِنشِنتْي تَن تِمَ نّ عَبَدَن. 26 مُلُشُنيِ قٍ نَشَن نِيَمَ مِشِ حِنيِ رَ، تُورِ قٍ نَشَن نِيَمَ مِشِ يَ رَ، تُننَشْنّ قَن نَ نَن نِيَمَ عَ شّيمَ رَ. 27 عَلَتَلَ شَ يَرَفَاشُي سِمَيَ نَن قِمَ مِشِ مَ، كْنْ مِشِ حَاشِيٍ شَ سِمَيَ شْن مُ كُيَ. 28 مِشِ تِنشِنشِيٍ شَ تِنَ قِندِ مَ عٍ بّ سّيوّ نَن نَ، كْنْ مِشِ حَاشِيٍ شَ تِنَ قِندِ مَ عٍ بّ تْورّ نَن نَ. 29 عَلَتَلَ شَ كِرَ قِندِشِ كَنتَرِ نَن نَ مِشِ تِنشِنشِيٍ بّ، كْنْ عَ قِندِشِ هَلَكِ نَن نَ تِنشِنتَرٍيٍ بّ. 30 تِنشِنتْي مُ بِرَ مَ قٍقٍ مَ، كْنْ مِشِ حَاشِ مُ لُمَ بْشِ مَ. 31 مِشِ تِنشِنشِ دّ لْننِ نَن مَسٍنمَ، كْنْ وُلٍ قَلّ نّنيِ بٌلٌنمَ نّ. 32 تِنشِنتْي دّ قٍ قَنيِ نَن قَلَمَ، كْنْ مِشِ حَاشِ قٍ حَاشِ نَن قَلَمَ.