عَننَبِ يٍرٍ مِ 10

1 عِسِرَيِلَ بْنسْي، وٌ وٌ تُلِ مَتِ عَلَتَلَ شَ مَسٍنيِ رَ. 2 عَلَتَلَ شَ مَسٍنيِ نَن يَ؛ «وٌ نَشَ بِرَ سِ فبّتّيٍ حّرّ كِ قْشْ رَ. وٌ نَشَ فَاشُ تْنشُمَيٍ يَ رَ نَشٍيٍ نَ كٌورٍ مَ. سِ فبّتّيٍ فَاشُمَ نَ قٍ مْولِ نَن يَ رَ. 3 عٍ شَ دِينّ مُ قِندِشِ نْندِ رَ. عٍ وُرِ سّفّمَ وُلَ عِ، مِشِ ندٍ عَ مَسٌلِ بٍيرَ رَ. 4 عٍ عَ رَشُنمَ فبٍتِ نُن شّيمَ رَ، عٍ لَنتُمَ مَبَنبَن دّرّ مَ رَ عَلَكٌ عَ نَشَ بِرَ. 5 نَ كُيٍيٍ مُ نْمَ وْيّندٍ. عَ لُشِ نّ عَلْ وُرِ نَشَن تِشِ لَاكْي يِرٍ شْنِيٍ مَفَاشُ سٍ. عَ مُ نْمَ حّرّدٍ، قٌ مِشِ عَ شَنِن. وٌ نَشَ فَاشُ نَ كُيٍ مْولِ يَ رَ، بَرِ مَ عَ مُ نْمَ قٍ حَاشِ شَ نَ مُ عَ قَنيِ رَبَدٍ. 6 عَلَتَلَ، عِ مَنِيّ مُ نَ. عِ سّنبّ فبٌ، عِ شِلِ مَفَاشُ. 7 دُنِحَ مَنفّ، ندٍ نَ نَشَن مُ فَاشُمَ عِ يَ رَ؟ عَ لَنمَ دُنِحَ بِرِن شَ فَاشُ عِ يَ رَ، بَرِ مَ عِ مَنِيّ يٌ مُ نَ دُنِحَ لْننِلَيٍ تَفِ، شَ نَ مُ عَ رَ دُنِحَ مَنفّيٍ يَ مَ. 8 دُنِحَ مِشِ قِندِشِ لْننِتَرٍ نُن شَشِلِتَرٍ نَن نَ. نَ كٌلٌنمَ عٍ شَ وُرِ بَتُي نَن كُي. 9 كُيٍيٍ قِندِشِ فبٍتِ نَن نَ تَرَ سِسِ دَاشِ، عَ قِندِشِ شّيمَ رَ عُقَسِ دَاشِ. شَبُي نَن عَ يَءِلَنمَ. دُفِ فبٍيلِ رَفٌرٌشِ عَ مَ. وَلِكّيٍ نَن كُيٍ يَءِلَنمَ. 10 كْنْ عَلَتَلَ نَن قِندِشِ عَلَ رَ نْندِ كِ مَ. عَلَ حِحّ نَن مَنفّ رَ عَبَدَن. دُنِحَ سّرّنمَ عَ شَ شْنّ نَن يَ رَ، سِيٍ مُ نْمَ تِدٍ عَ يَ رَ. 11 وٌ شَ عَ مَسٍن عٍ بّ، ‹يِ كُيٍيٍ شَ مُ دُنِحَ نُن كٌورٍ دَاشِ، عٍ مُ نْمَ بُدٍ دُنِحَ بّندّ قُحِ قَرِ.›» 12 عَلَتَلَ نَن بْشِ دَا عَ سّنبّ رَ، عَ دُنِحَ تِ عَ شَ لْننِ رَ، عَ كٌورٍ وَلَشّ عِتَلَ عَ شَشِلِ رَ. 13 عَ نَ يَامَرِ قِ، يٍ شَ مَلَن كٌورٍ مَ، عَ مَلَنمَ نّ، عَ قِندِ نُشُي رَ دُنِحَ شُن مَ، يٍ نُن قٌيٍ نَ مِنِ، فَلَنيِ قَن عَ شُي رَ مِنِ. 14 عَدَ مَدِ شَشِلِ مُ نَ. كُيٍ يَءِلَنمَ قَمَ نّ يَافِدٍ عَ شَ وَلِ شَ قٍ رَ، بَرِ مَ كُيٍيٍ قِندِشِ وُلٍ نَن نَ، عٍ مُ حّنفِمَ قٍقٍ مَ. 15 سٍ قُقَقُ نَن عٍ رَ، عٍ قِندِشِ مِشِ شَ وَلِ نَن نَ نَشٍيٍ تِدٍ يٌ مُ نَ، نَشٍيٍ دَنفِمَ دُنِحَ حَشَنكَتَمَ لْشْي نَشّ. 16 يَشُبَ مَرِفِ مُ مَنِيَمَ كُيٍ رَ. يَشُبَ مَرِفِ نَن بِرِن دَاشِ، عَ عِسِرَيِلَ سُفَندِ عَ شَ حَمَ رَ. عَ شِلِ قَلَمَ نّ مَنفّ عَلَتَلَ. 17 وٌ وٌ هَرِفٍ مَلَن، وٌ تَن نَشٍيٍ نَ تَا سُشُشِ كُي، 18 بَرِ مَ عَلَتَلَ بَرَ عَ مَسٍن، «ﭑ بٍكَيٍ كٍرِ مَ نّ عَلْ مِشِ نَشَن فّمّ وٌلِمَ لَاتِ رَ. ﭑ عٍ هَلَكِمَ نّ، عٍ مُ كِسِمَ.» 19 «حَشَنكَتّ بِرِن نَ ﭑ بّ، ﭑ مَ تْورّ فبٌ. كْنْ ﭑ عَ قَلَمَ نّ ﭑ يّتّ بّ، تْورّ نَن عَ رَ ﭑ نَشَن سْتْ، ﭑ شَ تِن نَ رَ. 20 ﭑ مَ كِرِ بَنشِ بَرَ بِرَ، عَ لُوتِيٍ بَرَ بٌلٌن. ﭑ مَ دِيٍ بَرَ كٍلِ ﭑ شُن مَ، مِشِ يٌ مُ نَ نَشَن ﭑ مَلِمَ بَنشِ تِدٍ. 21 عِسِرَيِلَ يَرٍرَتِيٍ شَشِلِ مُ نَ، عٍ مُ عَلَتَلَ قٍنشِ. عٍ شَشِلِتَرٍحَ تٌمَ نَ كُي. عٍ قْشِرَبِرّيٍ يٍنسٍنشِ نَ نَن مَ. 22 وٌن شُي مَفَاشُشِ مّمَ نّ نَشَن كٍلِشِ كْولَ مَ، نَشَن قَمَ يُدَيَ شَ تَايٍ كَنَدٍ، عٍ شَ قِندِ وُلَءِ بَرٍيٍ شْنيِ رَ. 23 عَلَتَلَ، ﭑ عَ كٌلٌن عَدَ مَدِ مُ قٍقٍ رَفِرِ مَ، عَ مُ عَ يّتّ رَحّرّ مَ دُنِحّءِفِرِ كُي. 24 عَلَتَلَ، ﭑ مَتِنشِن عِ شَ سّرِيّ رَ، كْنْ عِ نَشَ شْنْ ﭑ مَ، شَ نَ مُ عَ رَ ﭑ قَشَمَ نّ. 25 عِ شَ شْنْ سِ فبّتّيٍ نَن مَ نَشٍيٍ مُ عِ كٌلٌن، عِ شَ شْنْ حَمَيٍ نَن مَ نَشٍيٍ مُ عِ شِلِ قَلَمَ، بَرِ مَ عٍ وَ مَ يَشُبَ بْنسْي نَن قَشَقٍ، عٍ وَ مَ عٍ شُن نَكَنَقٍ نّ، عٍ شَ عٍ سْنتْ، عٍ وَ عٍ شْنيِ شَ قِندِ فبَلٌي يِرٍ رَ.»