1 Kōōriintēēk 8

1 Kany, baa, āmwoowook ng’ālyoo kurubta keey banyeechaa /kēēsooytoochinē āynātōōs. Kubooyiit man, kiinkētē sinee kule kēētinyē ꞉tukul kiirnān. Ng’āsēē keey ꞉ake kiirnān, kuchāmē ꞉ake biiko alak ānkōōtitiirē. 2 Nto chiito nyoo yibē keey kule inkētē kiito ake, kumēēnkētē kiyoo kuu wōloo kātāmāchāktōōs kōōnkētito. 3 Nteenee, chiito nyoo chāmē Yēyiin, kuchāmtooy ꞉Yēyiin kule nyeenyii. 4 Kunyi, kurubta keey āk banyeechaa /kēēsooytoochinē āynātōōs, āmwooyē kule buch ꞉āynātōōsyēchoo. Māmii ꞉Yēyiin ake, nteenee akeenke ꞉Yēyiin nkit! 5 Ānkoo ku chaang’ ꞉tukuuk barak nto wōlēēb ng’wēny chēē kutunkyinē ꞉biiko alake kuu āynātōōsyēkwaa nto mokorēēnikwaa, 6 kiinkētē ꞉acheek kule akeenke ꞉Nyēē /kēēkutunkyinē. Nyooto ku Yēyiin nyoo Baaba ānkitoowu kiy ake tukul ānkēēminyē kēēkoonyitē inee. Akeenke ꞉Mokoryoontēēt. Nyooto ku Yēēsu Kiriistō nyoo yēchiintōōs kiy ake tukul āk Yēyiin ānkukōōnēēch soboonto. 7 Mēēbērē inkētē ꞉biiko tukul ng’aleechēēb manta. Tākōōyiimē biikaab Kiriistō alak yoo kaam bany chēē /kākēēsooytoochi āynātōōs. Nto kuuyu tākukuskusēch ꞉bichooto, kōōsōōtē kule tōōs ng’ōōki yoo kaam banyeechaata. 8 Yoo kakyaam āmit, nto kamakyaam, mēēbērē yēyēēch kēēlēēkityi Yēyiin. 9 Ōriib keey! Ānkoo ōtyookootiin o-am banyeechaa, ‑mookany kōōsākyi biiko choo mānāākich ꞉kaakaaseeng’waa kunyōōr kāānākuut /ānkiiboot. 10 Yoo kāsook akweek choo ōng’oomēch ꞉chiito nyoo kuskus ꞉kaakaaseenyii ō-āmē banyeechaa /kākēēsooytooy ii, ōmiitē oob ō-āsānchinē nkinee kwaam banyeechaata? 11 Kunyoo, mākōōsākyi ꞉kiirnātēēng’woong’ kubot ꞉ng’eetaabiya nyiitēnyi kimēēchinē *Kāārārookiintēēt. 12 Yoo kōōchoolwookēnchi mbo ng’eetaabkoomēt ām kēēli ōsuusyoonē kāāyēnchinooyēēng’waa nyoo kuskus, kōōchoolwookēnchi Kiriistō. 13 Kunyi, yoo ākoo yēyē ꞉kiyoo ā-āmē mbo ng’eetaabiya kubootyo, kāmēētāwāā-āmē banyeechaa subak.