Mak 8

1 Kha uthughun gumasi rako amisir avɨrari igharis tharsi nori akuvaghav iti. Mee ramaÅgamir aghae phatɨ. Kamagha amuisima Iesus non suren gumasir dɨɨsima mee aÅmɨusua zima a kamagh mem mbɨÅgeeghi, 2 “Gumasi rako amisir kharsi, mee nan phorugh aron phunini ko mbɨkethavɨni itima, aghae mange othevisima mbɨtii mena azi, kamagha amuisima kɨ menɨ ukuarukuvi. 3 Gumasir marsi isaghuni ikegha zee. Kamagha amuisi kɨ mee amandaghtima mem mbɨtiir navira nori nonɨ uÅuimbar maÅɨva arɨmasi meÅgi ighutima mee iraami." 4 Am mbɨkemisima aÅn suren gumasi aÅna akam ikara, “Ee gumasi iti phatɨsira aÅanan khavɨni iti. Ee managh membagha uvisirɨ uthuu nigh mee ranɨɨÅti?" 5 Mee kamaghɨm mbɨÅgeema Iesus kamagh mena azaaghi, “Gee manmaghɨra uvisirɨ uthuu iti?” Mee ana ikaragha kamaghɨm mbɨÅgeeghi, “7 pɨla." 6 Mem mbɨkemisima Iesus unuaghɨnara apiighousua gumasi rako amisi vɨkemisi mee apiigha. Mauthughura a 7 pɨla uvisirɨ uthuu nigha Gotɨm mbɨnambagha anda bɨɨghɨusuegha, gumasi rako amisir anɨɨÅmɨusua non suren gumasigha aniiÅsima mee andar meÅga anɨndi. 7 Mee ivɨra osɨrir sovsegher move iti. A ivɨra andavhagha Gotɨm mbɨnambagha andar mee ranɨɨÅmɨusua non suren gumasi vɨÅgeeghi. 8 Gumasi rako amisira avɨrara mee amegha bar izɨva. Gɨn aÅn suren gumasi aghaero othevi mee thamɨraesi tharsi, mee anda nigha 7 pɨla akɨrari ikhiigha aghuisima, anda izɨva. 9 Uthughun khavɨni itir gumasi rako amisir rɨmbomboni 4,000ɨna aghan gu. Mee amesima, a mee amandasi, mee nonɨ uÅuimbar gue. 10 Mee zuima, a non suren gumasir phorugha akeman bɨnigha, Dalmanutana aÅanan gue. 11 Mee guesima FarisiiÅ zegha khoruo amuir azaaÅsɨsir Iesusɨa amui. Gota aghavagharan aÅra raniiÅti, a non gamgaaÅn bigha thavɨ ramuightima mee ganighi ikeeÅgɨm mbɨkɨmaÅga, “Got guisimbaaÅra ana amanda." 12 Mem mbɨkemisima a men khoruo amuir azaaÅsɨsir kharsighi iphɨrphɨrigha ughurii usuegha, mem mbɨÅgeeghi, “Gee thighira khari iti gumasi rako amisi, thoghousua bisigha amuir gamgaaÅ khɨvaousua nana azaaghi? Kɨ guisimbaaÅra gem mbɨÅgeeghi, Got kha bisigha amuir gamgaaÅno othɨvha thavɨn gen khɨvagham thughathɨs phatɨ." 13 A mem mbɨkemigha a mee thaegha nomthegha akemana anambogha, rɨmɨn muaaÅmogh gu. 14 Mee gua Iesusɨn suren gumasi uvisirɨ uthuur nɨghnɨgh oÅanigha gue. Mee uvighanɨ utumanɨ uvavɨra nisima a men phorugha akemani iti. 15 Thighira Iesusa akamana aghavagharan kamagh mem mbɨÅgeeghi, “Gee inderaghɨvɨra norivɨusua gan! Gee inderaghɨvɨra FarisiiÅn iis ko Herotɨn iisɨusua phorugh inderaghavɨra ganɨri." 16 Iesus mem mbɨkemisima, mee kamagh norira nori vɨÅgeeghi, “Ee uvighanɨ utuma thav nigha zesi phatɨsima, kamagha amuisima an eem mbɨÅgeeghi." 17 Mee norira nori vɨÅgeema, Iesus mem mbɨÅgɨÅgɨ ikeeÅga kamagh mena azaaghi, “Gee thoghousua kamaghɨusue, ee uvighanɨ utuma thav nigha zesi phatɨ? Eei, gee kha amui bisir garava anda iÅgaere? Gee thighari inderaghɨvɨra anda ikaaÅtire? Gen navia aghavagharigha nɨghɨnɨsi othevigha bar isaghure iti. 18 Gee arɨmasi ikha, garir phatɨsire? Gee ukuari ikha, orasi phatɨsire? Gee bisir kharsighi nɨghɨnɨsi phatɨsire? 19 Gee, kɨ uvisirɨ uthuur 5 pɨla bɨɨghɨusuegha geÅga aniiÅsima, gee 5,000ɨn gumasigha aniiÅsima, mee anda apha izɨvagha, thaesiro othevi gee andar manmaghɨra akɨragha aghui?” Mee kamagh ane ikara, “Ee 12 pɨla akɨragh aghui." 20 A nomthegha kamagh mem mbɨÅgeeghi, “Kɨ uvisirɨ uthuur 7 pɨla bɨɨghɨusuegha geÅga aniiÅsima, gee 4,000ɨn gumasi rako amisigha aniiÅsima, mee anda apha izɨvasi gee andaro othevir akɨrar manmaghɨra aghui?” Mee kamagha ana ikara, “Ee 7 pɨla akɨrari ikhiigha aghui." 21 Mee kamagh aÅm mbɨÅgeema, a kamagh mem mbɨÅgeeghi, “Gii, gee thighar bisi ikaaÅtire." 22 Mee Betsaidan guesima, gumasir marsi gumaghan arɨmaghan thughaniiÅm mbɨzesi mav nigha, Iesusɨusua zii. Mee zegha afharɨn aÅra rɨghaousuava Iesusɨ aghori. 23 Mem mbɨkemisima Iesus gumaghan arɨmaghan thughaniiÅm mbɨzesi thavɨna afharimuunɨ usuragha, ana nigha uÅuua thaegha akɨran gu. AniiÅ akɨran gugha, Iesus gumaghan arɨmaghaniiÅgi ipharigha nona afharimuun aÅni iphɨa athɨgha kamagh aÅna azaaghi, “Nɨɨ bigha thavɨn gari?" 24 Ana aÅm mbɨkemisima gumaghan khav khogha garava kamaghɨm mbɨÅgeeghi, “AÅre, kɨ garima, gumasi ther mɨn garava arui." 25 Mauthughura Iesus nomthegha nona afharimuun aÅn arɨmaghaniiÅnɨ usuirasima, gumaghan arɨmaghaniiÅ ukuighirɨsima, a nom inderaghɨvɨra bisir gari. 26 A garima, Iesus ana amandagha kamaghɨm mbɨÅgeeghi, “Nɨɨ nomtheghɨva uÅuun khavɨna aven maÅan thaghri. Nɨɨ nor rɨphenan maaÅɨri." 27 Iesus non suren gumasir phorugha rɨkhavigha Sisariafilipainɨ uÅuuna aghani itirɨ uÅuimbar sovsegher zui. Mee gua a utuavɨn mena azaaghi, “Gumasi rako amisi thɨɨÅra naÅga arɨsi?" 28 Mee ana ikaragha, “Marsi kamaghɨusue, nɨɨ Jon, gumasi uruer gumagh. Igharisi gumasi kamaghɨusue, nɨɨ Gotɨna akam nigha zesi gumagh Elaija. Marsi kamaghɨusue, nɨɨ fhomɨra ikesir Gotɨna akam nigha zesi gumaghan mav." 29 Mem mbɨkemisima Iesus kamagh mena azaaghi, “Geegha? Gee thɨɨÅra naÅga arɨsi?” A mem mbɨkemisima Pita kamagh ana ikara, “Nɨɨ Krais, Got nom ee niamɨusua mbɨsevisir gumagh." 30 An aÅm mbɨkemisima, Iesusa akamana aghavagharan kamagh mem mbɨÅgeeghi, “Gee nan gun gumagha thavɨm mbɨkɨma thaghri, kɨ thɨɨÅra." 31 Iesus men surea amuava kamaghɨm mbɨÅgeeghi, “Gumasir Otar barɨm mbɨzasiri ikii rako osɨmndɨsi niaÅga. Gumasira aphani, koma Gotɨna aphuraphurava aghae rako bisir aÅga anɨndir gumasiri ikii, koma Judariro othevi ikeeÅsi gumasi, mee aÅna agharkuvighɨva ana nigh igharisi mbuzorsir gumasir raniiÅtima mee aÅm mbɨsueghtima ana aremighemi. Gumughun, uthughun phunini ko mbɨkethav gɨvaghtima a nomtheghɨ rɨkavighemi." 32 Iesus kamagh nono ovhevheeÅna akama aghurigha mem mbɨÅgeema, Pita ana nigha mbɨkeeÅn gugha, aÅga atarava kamagh aÅm mbɨÅgeeghi, “Nɨɨ kamaghɨm mbɨkɨman bar thaeghri." 33 A kamaghɨm mbɨÅgeema, Iesus oragha non suren gumasir garava, Pita avesa kamagh aÅm mbɨÅgeeghi, “Satan, nɨɨ namɨusua isagh muna maaÅɨ! Nɨɨ gumasir bisighi nɨghnɨgha, Gotɨn bisighi nɨghɨnɨsi phatɨ." 34 Gumughun Iesus, gumasi rako amisir dɨɨva ivɨra non suren gumasir dɨɨsima, mee aÅmɨusua zima, a kamagh mem mbɨÅgeeghi, “Gumagha thav nan gɨn zaasa, a vhusvhuisi bisi gɨna amandagh non khani ighuuve isaghuphughuva nan gɨn zɨɨ. 35 Gumagha aÅamɨre ikaaousua nɨghɨnɨsi, aÅnɨ utum a mɨghasɨgh ikhaamiri ikɨrana aghuuÅ nighem phatɨ. Gumagh naÅgi nɨghnɨgha nana akamana aghuuÅ ukurava arui thav ana aremightima aÅnɨ utum a mɨghasɨgh ikhaamiri ikɨrana aghuuÅ niaÅga. 36 Gumagha thav unuaghɨnani iti bisi bar anda nighɨva, a gɨna aremighti, bisir kharsi manmaghɨra aÅna akuraghti? Bar phatɨ. 37 A uvhuesan manavɨn nonɨ utum aÅmɨusua aÅ raniiÅti? Bar phatɨ. 38 Thighire itir gumasi rako amisi mee Gotɨn akɨrasegha othevir maghatɨsigha amui. Mena thɨɨÅra nani izɨɨ ko nana akaman gunɨm mbɨkɨman aÅemsiightima, gɨn Gumasir Otar noni inaghavesɨnɨ uÅuuni ikegh zɨva ivɨra mena aÅemsiighemi. A enselir aghuuir phorugh Gotɨn aÅarana aven zighiraami."