Mak 14
PBT1 Iis phatɨsirɨ uvisirɨ uthuuri ishamaÅga amuirɨ uthugh koma Israeli Got nomthegha mee nisirɨ uthughuni ikhɨvanɨ uthughun phuninira ikhavɨre iti. Kha uthughun Gotɨna aphuraphurava aghae rako bisir aÅga anɨndir gumasiri ikii, koma Judariro othevi ikeeÅsi gumasi, momooÅno othɨvha thavɨn Iesusɨnɨ usuiragh aÅm mbɨsueghti ana aremighaousua utuavivɨusua urui. 2 Mee kamagh nori vɨÅgeeghi, “Ee ishamanɨ uthughun aÅnɨ usuighem thughatɨs phatɨ. Ee ramuightima ishamani iti gumasi rako amisi mbɨzorughani ikhɨva thavɨn ee ramuighemi." 3 Iesus Betaninɨ uÅuuni ikhava mamburan arɨmarɨm itir gumagh Saimon rɨphenana aven aghaana akoghɨna aphava apheraghav iti. Ana aphava apheraghav itima, amighan mavɨm mbughuna aghuuÅ zuirɨm mburueÅn mav nigha zii. Ana akɨmana aghuuÅna amuisi mbɨsɨvani iti. AÅnɨ uvhues bari iphɨni iti. Amighan khavɨm mburueÅn khav nigha Iesusɨusua zegha mburueÅm mbɨsɨva bigha mburueÅn Iesusɨna aphanaÅ giÅe. 4 Ma uthughuni iti tharsi mee navi siava kamagh nori vɨÅgɨvɨre iti, “Theghousua kha mburueÅn mbughuna aghuuÅ zui thav amighan khavi iphasava aÅga amui? 5 An ana amandaghɨva aÅgɨro ovɨsira avɨrara nighaghi. AÅnɨ uvhues ombaranɨ uvavɨranɨ uvhues aÅga afhira. Gumughun ana aÅgɨro ovɨsi phatɨsi tharsira akuruvaghami.” Mauthughura mee phuvɨra aÅga avhesi. 6 Mem mbɨkemisima Iesus kamaghɨm mbɨÅgeeghi, “Ana thaghi. Gee thoghousua osɨmndɨghan aÅga anɨndi? Ana thaghi! Ano othɨvhana aghuuÅn naÅga amui. 7 Bisi phatɨsi tharsi mɨghasɨgh gen phorugh ikaami. Gee mana uthughun mena akuruvaghan nɨghnɨgh zɨɨti gee mena akuruvaghami. Kɨ mɨghasɨgh gen phorugh ikhan thughatɨs phatɨ. 8 Kɨ aremightima ana ramuaÅgamir bighaaÅ, ana anaaÅga amui. A ufhuaraghɨm mbughuna aghuuÅ zuirɨm mburueÅ nam mbɨkarɨgh aghevightima mee gɨn na umoghɨ rarɨghami. 9 Kɨ guisimbaaÅra gem mbɨÅgeeghi, mee unuaghɨnan khavɨna aÅanan manavɨn Gotɨna akamana aghuuÅ ukunɨva amighan khava amuisiro othɨv ivɨra aÅm mbɨkɨmɨva anaaÅgi nɨghɨnɨghɨvɨre ikaami." 10 Judas Iskariot a Iesusɨm mbɨsevisir gumasir 12 pɨlan gumaghan mav. A Iesus nighɨva Gotɨna aphuraphurava aghae rako bisir aÅga anɨndir gumasiri ikiira afharimuura arɨghaousua memɨusua gu. 11 Mauthughura mee aÅna akaman khavɨ oraegha bar phuvure inighinighava, aÅgɨro ovɨsi aÅra nɨɨmɨusua akamana aghavaghara rɨkɨri. Thighira aÅnɨ usuiragh mera anɨɨÅmɨusua utuavivɨusua urui. 12 Iis phatɨsirɨ uvisirɨ uthuuri ishamaÅga amuirɨ uthusirɨ ufhuaragha zuirɨ uthugho otosima Judarir gumasi mee othɨvhan khav iti. Mee ufhuaragha Israelir Got nomthegha mee nisirɨ uthugh aÅgi nɨghɨnɨghɨva sivsivɨni ikamam mbɨsuegh ana nighɨv Got ranɨɨÅva aÅm mbɨnambaghɨv ana nigh maaÅɨva anara amaÅga. Thighira Iesusɨn suren gumasi aÅna azaaghi, “Ee aÅanan manavɨn maaÅɨ, nɨɨ Israeli Got nomthegha mee nisirɨ uthughuni ishama ramuamɨusua, ee bisia rɨkɨr ti?" 13 Mem mbɨkemisima a non suren gumaghan phunini amaÅga kamagha aniiÅm mbɨÅgeeghi, “AÅgo uÅuuni ikhɨvan maÅɨtima gumagha thavɨ rɨmɨm mbɨnaÅgɨ uphugh zɨɨ aÅgom mbatoghti, aÅgo aÅn gɨn maaÅɨ. 14 Ana aven zui rɨphen aÅgo aÅn maÅɨva aÅn guavɨm mbɨkɨmɨri, ‘Fhɨghɨn gumagh kamagha azaaghi, “Kɨ non suren gumasir phorugh Israeli Got nomthegha mee nisirɨ uthughi nɨghnɨgh ishamaÅga amuira aÅan mana?” ‘ 15 AÅgo aÅm mbɨkɨmti a iphɨn rɨphenana aveni itira aÅanani ikhɨvana aÅgon khɨvaghami. AÅanan khav bisi bar ikha emɨusuavɨra gari. Uthughun khavɨn gee aÅanan khav ee norivɨusua bisi bar andar rɨkɨrighiri." 16 Mauthughura aÅn suren gumaghaniiÅ mee thaegha uÅuuni ikhɨvana aven guava garima bisi am mbɨkemisi moghɨra gusi, aniiÅ maghɨra Israeli Got nomthegha mee nisirɨ uthughusua aghae rako bisia rɨkɨri. 17 Ma uÅguarthughura Iesus nom mbɨsevisir gumasir 12 pɨlar phorugha guava otuivi. 18 Mee aÅna aghan akoghɨn apiighav ikha aphava, Iesus kamaghɨm mbɨÅgeeghi, “Kɨ guisimbaaÅra gem mbɨÅgeeghi, gena thav na nighɨva nana aphanaÅga amuir gumasi tharsira afharimuu ratɨghami, a ivɨra nan phorugha ikhava aphi." 19 Mee aÅna akamam mbaraegha, navi bar osemi. Mee barɨ uvhaghuvhagha aÅna azaaÅsɨgha kamagh aÅm mbɨÅgeeghi, “Kɨghee, kɨra ti?" 20 Mem mbɨkemisima a mee ikaragha kamagh mem mbɨÅgeeghi, “Gee 12 pɨla gena thavɨra. Ma gumagh nan phorugh uvighanɨ utumani ithaaÅnɨ uvavɨra raghumi thav. 21 Gumasir Otar, Gotɨm mbɨgharɨm mbɨkemisir moghɨra, ana aremighemi. Gumagh, Gumasir Otar nigha aphanir gumasira afharɨ athɨsi khav! A bar maghatiighemi! InaghamuuÅ aÅm mbatesi phatɨghav khasi, a inderaghaghi!" 22 Iesus non suren gumasir phorugha apha ikhava, a uvighanɨ utuman mav nigha Gotɨm mbɨnambagha ana biigha, ana nigha non suren gumasigha anɨɨÅga, kamagh mem mbɨÅgeeghi, “Khara nan neerɨnofhɨgh. Gee ana nigh ana ramɨ." 23 Mauthughura a uainiro ovɨsiri imboori aphiri ithaaÅ nigha Gotɨm mbɨnambagha meÅga aniiÅsi, mee uvhaghuvhagha norir guri. 24 Mee uainiro ovɨsiri imboori aphima a kamagh mem mbɨÅgeeghi, “Khara nan Åaan. Kɨ gumasi rako amisi bar mena akuruvaghaousua ana asighɨusuami. Kɨ kamagh ramuighti Got kha akama rɨÅgɨrana aghavaghar ikeghemi. 25 Kɨ guisimbaaÅra gem mbɨÅgeeghi, Kɨ nomthegh uainiro ovɨsiri imboori tharsi rameghem phatɨghami, kamaghɨre ikhɨɨ maaÅɨ Got kha bisigha ativamirɨ uthugho otoghomi. Kha uthughun, kɨ uainiro ovɨsiri imbooriri iÅgaa ramaÅga." 26 Mauthughura mee Gotɨni izɨɨ ufhirɨm mbɨtighan mavɨa amuigha rɨkhavigha Olivɨno oraghɨn zee. 27 Iesus kamagh non suren gumasi vɨÅgeeghi, “Gotɨm mbɨgharano osɨr kamagh iti, ‘Kɨ sivsiviir garir gumagh aÅm mbɨsueghtima sivsivii atamatamɨra areghemi.’ Kamagha amuisi gee bar, nani itir nɨghnɨghana aghavaghar gɨvaghtima, gee na thaeghɨva areghemi. 28 Kɨ gem mbɨÅgeeghi, kɨ aremigh nomtheghɨ rɨkavigh genɨ ufhuaragh Galilin distrighɨn maÅÅaÅga." 29 A mem mbɨkemisima Pita kamaghɨm mbɨÅgeeghi, “Mee bar nɨɨ thaeghtima kɨra phatɨghami." 30 An aÅm mbɨkemisima Iesus kamagh aÅm mbɨÅgeeghi, “Kɨ guisimbaaÅra nɨɨm mbɨÅgeeghi, thighira rɨmaaÅn khavɨn nɨɨ nombɨ uthughun phunini ko mbɨkethavɨn nɨɨm mbɨkɨmaÅga, ‘Kɨ ana ikeeÅsi phatɨ.’ Maghɨra utuar gɨna afhuvan buaaÅniiÅ ramuaÅga." 31 An aÅm mbɨkemisima Pita akamana aghavaghara amua kamaghɨusue, “Kɨ nɨɨn phorugha aremighaousuava arɨmaÅga, kɨ kamaghɨm mbɨkemighem phatɨghami. Bar phatɨghami!” Mauthughura suren gumasi bar kamaghɨra aÅm mbɨÅgeeghi. 32 Iesus non suren gumasir phorugha olivir ther mɨghɨn zee. Ma mɨghɨni izɨɨ Getsemani. Mee aÅn zegha, Iesus kamagh mem mbɨÅgeeghi, “Gee khagh raphighɨv ikɨthi kɨ Gotɨn phorughum mbɨkɨmaÅga." 33 Mauthughura a Pita, ri Jems koma Jon mee nigha gu. Thighira atitiiÅ phuvɨra aÅna anandima, a bar osemigha, 34 kamagh mem mbɨÅgeeghi, “Nan navana avee, osɨmndɨgh ana itheragha gueghiri. Kɨ aremighaousuava amui. Gee khaghi ikhɨva, inderaghɨvɨra gan." 35 Mauthughura a muaÅ sɨvagha gugha, non khoma moghɨra unuaghɨnaÅgi irɨgha kamagh Gotɨn phorugham mbɨÅgɨ kamaghɨusue, utuavɨni igharis thav ikhɨtima nɨɨ uthughun maghatɨghan khav nam mbathɨghɨn ana nii. 36 A kamagh Gotɨn phorugham mbɨÅgeeghi, “Giifheve, nani inaghaves, bigha thav bar nɨɨno osemisi phatɨ. Kamagh amuisi mbɨzaghɨn khav, nɨɨ nam mbathɨghɨn ana nii. Nɨɨ nan vhusvhusan gɨn maÅa thaghɨri. Nɨɨ non vhusvhusan mɨn, nɨɨ ramu." 37 Mauthughura a nomthegha non suren gumaghan phunini ko mbɨkethavɨna aghan zegha garima mee akui. Mee akuima a kamagh Pita mbɨÅgeeghi, “Saimon, nɨɨ akuire? Nɨɨ thange nan phorugh ikegh ganɨva uthughuno othɨvhaaÅni ikeghem phatɨghtire? 38 Gee inderaghɨvɨra ganɨva, Gotɨn phorughum mbɨkɨmti osɨmndɨgha thav gee ramuightima gee ireghem phatɨghami. Kɨ ikaaÅi, gen navira averi vhusvhusi, mbɨkarɨsia aghavagharisi phatɨ. Kamagha amuisi pharphari geÅga amui." 39 Mauthughura a nomthegha gugha ufhuaragha Gotɨn phorugham mbɨkemisi moghɨra nomthegha aÅn phorugham mbɨÅgeeghi. 40 Gumughun a nomthegha non suren gumasivɨusua za gari, mee akuavɨre iti. Pharphari phuvɨra meÅga amui. Mauthughura a meÅga aghurasi, mee aÅm mbɨkɨmaÅgamira akaagha asa. 41 Mauthughura a uthughum mbɨkethavɨn gugha Gotɨn phorugham mbɨkemigha nomthegha za mem mbɨÅgeeghi, “Gee avughusuava akuavɨre itire? Othɨvhan khava thaghi! Uthugho oto. Gee gan, Gumasir Otar mee ana nighɨva othevir maghatɨsigha amuir gumasira afharira arɨghaousua zii. 42 Gee rɨkavighɨva! Ee maÅÅaÅga! Gee gan. Na nigh aphanir gumasir ranɨɨÅgamir thavɨra, a muna zii!" 43 Iesus Pita, ri Jems ko Jonɨm mbɨÅgɨvɨre itima, Judas, aÅm mbɨsevisir gumasir 12 pɨlan mav oto. Avɨrani ikhɨv aÅn phorughum mbɨsoghomirɨm mbɨzorsir akosi rako ifhani nigha Iesusɨusua zii. Gotɨna aphuraphurava aghae rako bisir aÅga anɨndir gumasiri ikii rako Judariro othevi ikeeÅsi gumasi rako Judarir gumasira aphani, mee mee amaeÅsi, mee zii. 44 Iesus nigh mena fharira rɨghaousua amuir gumaghɨ ufhuaragha kamaghɨusue, “Kɨ othɨvhan khavɨn gen khɨvaghami. Kɨ iÅÅɨsamir gumagh, a Iesusɨra. Gee anɨ usuiragh, inderaghɨvɨra aÅn ganɨva, ana nigh maaÅɨ." 45 Mauthughura Judas Iesusɨusua zavɨre ikha kamaghɨm mbɨÅgeeghi, “Fhɨghɨn gumagh!” Judas aÅni iÅÅɨsi. 46 Maghɨra gumasi zava Iesus agharir aÅga ariigha, mbɨghɨravɨra aÅnɨ usuira. 47 Mauthughura Iesusɨna aghani iti gumaghan mav nom mbɨzorughana akos asigha, Gotɨna aphuraphurava aghae rako bisir aÅga anɨndir gumasira aphananiri iÅaaran gumaghanɨ ukuara rɨtusi aÅnɨ ukuar rɨtughirɨ. 48 Maghɨra Iesus kamaghɨm mbɨÅgeeghi, “Kɨ okeer gumagh phatɨ. Gee thoghousua nanɨ usuighaousua mbɨzorsira akosi rako ifhani niia zii? 49 Kɨ mɨghasɨgha gen phorugha ikha, Gotɨn rɨphenam mbɨroghɨna aven surea amui. Gee nanɨ usuighani iphɨrphɨri. Gotɨm mbɨgharano osɨrɨm mbɨkemisi moghɨra gee kamagh naÅga amui." 50 Mauthughura Iesusɨn suren gumasi bar ana thaeghava are. 51 Gumaghani ikaman mav bigha thav arusi phatɨ, am mbɨsasinɨ ughura akɨrani iti thav ikegha Iesusɨn gɨn zui. Mauthughura Iesusɨna aphani aÅnɨ usuirasima, 52 a nona akɨrani itirɨm mbɨsasinɨ ughuran khava thaegha imuÅgamara ara gu. 53 Iesusɨna aphani ana nigha Gotɨna aphuraphurava aghae rako bisir aÅga anɨndir gumasira aphanivɨusua gu. Gotɨna aphuraphurava aghae rako bisir aÅga anɨndir gumasiri ikii, rako Judarir gumasira aphani, rako Judariro othevi ikeeÅsi gumasi, mee bar za nori akuvaghav iti. 54 Mauthughura Pita thighiiÅn muaÅn aÅga athɨgha Iesusɨn gɨn guava bar gua Gotɨna aphuraphurava aghae rako bisir aÅga anɨndir gumasira aphanan rɨphenan rɨvɨnana aven gughava a ganganir gumasir phorugha apheraghav ikha arivan fheeghi. 55 Gotɨna aphuraphurava aghae rako bisir aÅga anɨndir gumasiri ikii rako Judariro osɨmndɨsiva oragha anda rɨkɨrir gumasi bar Iesusɨm mbɨsueghti ana aremighaousua akaman mena akuruvaghaousua uruiava, avheeÅi. 56 Gumasira avɨrara khorigha amuirɨm mbɨÅgɨmɨÅgɨr Iesusɨa amuisi, mem mbɨÅgɨmɨÅgɨ uvhorsira zui phatɨ. 57 Marsi rɨkhavigha khorigha amuira akaman khavɨn aÅm mbɨÅgeeghi, 58 “Ee orasima, a kamaghɨusue, ‘Gumasi iÅarisi Gotɨ rɨphenan khav kɨ ana rɨphɨrighɨva, uthughun phunini ko mbɨkethavɨra igharis thavɨni iÅarighemi. Kɨ iÅarighemi thav gumasi aÅni iÅarighem phatɨghami.’ “ 59 MbɨÅgɨÅgɨr kharsi ivɨra guisimbaaÅra uvhorsira zui phatɨ. 60 Mauthughura Gotɨna aphuraphurava aghae rako bisir aÅga anɨndir gumasira aphan rɨkhavigha men thooÅnɨ utugha Iesusɨna azaaghi, “Nɨɨ akama thav ikarvaghani iphɨrphɨrisire? Mee nɨɨÅga asira akaman khav, a guisimbaaÅra, o?" 61 Mauthughura Iesus inɨmɨre ikha mem mbɨÅgɨÅgɨma thav ikarasi phatɨ. Mauthughura Gotɨna aphuraphurava aghae rako bisir aÅga anɨndir gumasira aphan nomthegha aÅna azaaghi, “Nɨɨ Krais, Got nom ee niamɨusua mbɨsevisir gumagh? Gumasi rako amisi kha Gotɨni izɨɨ ufhi, nɨɨ ano Otarara me?" 62 An aÅm mbɨkemisima Iesus kamagh aÅm mbɨÅgeeghi, “Kɨ aÅno Otarara. Gumughun nɨɨ ganti, Gumasir Otar kha gamgaaÅ iti Gotɨn guvɨn aghara apheraghɨva ovheenɨ ughura sam zaami." 63 Mauthughura Gotɨna aphuraphurava aghae rako bisir aÅga anɨndir gumasira aphan non shaara biighava azaaghi, “Ee theghousua nomthegh gumasi tharsir phorugh dɨɨgh ti mee zɨva akaar aÅga asɨ ti? Marikɨɨ! 64 Gee nori aÅm mbarasi, am mbɨÅgɨÅgɨr maghatɨsir Gotɨni izɨɨra afharavasi. Gee manmagh nɨghɨnɨsi?” Mauthughura mee barbar akaman aÅga asa, kamaghɨusue ana aremighemi. 65 Mauthughura marsi aÅgi iphari. Mee aÅna arɨmaghaniiÅ avaragha, mee nona afharir aÅm mbɨsogha kamagh aÅm mbɨÅgeeghi, “Nɨɨm mbɨkɨm. ThɨɨÅra nɨɨm mbɨsosi?” Mauthughura ganganir gumasi ana nighava aÅm mbɨsoghavɨre iti. 66 Uthughun khavɨra Pita rɨphena rɨvɨnam mbɨÅɨniiÅni itima, Gotɨna aphuraphurava aghae rako bisir aÅga anɨndir gumasira aphanani iÅaarana amighan mav zii. 67 A zava Pitan garima ana arivan fheema, a rɨkɨrav aÅn gara, kamaghɨm mbɨÅgeeghi, “Nɨɨ gumaghan khav nɨɨ ivɨra Iesusɨn phorugha ike. A NasaretiiÅn gumagh mav." 68 An aÅm mbɨkemisima a nombɨn guaragha kamaghɨusue, “Kɨ nɨɨm mbɨÅger bighan mav ikeeÅsi phatɨ.” Mauthughura rɨvɨnani itɨmani ikhɨvana akamaniiÅno otoghɨva akɨran maÅamɨusuava amuima maghɨra utuar afhui. 69 Gumughuni iÅaarana amighan khav khagh aÅn garavɨra utuivighav itir gumasi rako amisi nomthegha mem mbɨÅgeeghi, “Muna mena mavɨra." 70 A mem mbɨkemisima a nomthegha nombɨn guaragha muaÅ gɨn, aÅna aghanɨ utuivighav itir gumasi Pita mbɨÅgeeghi, “Nɨɨ Galilin distrighɨn gumagh, kamagha amuisima guisimbaaÅra nɨɨ mena mavɨra." 71 Maghɨra Pita mbɨghɨravɨram mbɨÅgɨ kamaghɨusue, “Kɨ guisimbaaÅram mbɨÅgeeghi. Kɨ khorira amuightima Got naÅga asɨghasiighemi.” A kamagh mem mbɨÅgeeghi, “Kɨ gem mbɨÅger gumaghan khav ikeeÅsi phatɨ." 72 A kamaghɨm mbɨÅgɨvɨre itima utuar nomthegha afhui. Maghɨra Pita Iesus aÅm mbɨkemisi mbɨÅgɨÅgɨmaÅgi nɨndɨɨ, “Nɨɨ ufhuaraghɨ uthughun phunini ko mbɨkethavɨm mbɨkɨmaÅga, ‘Kɨ Iesusi ikeeÅsi phatɨ.’ Maghɨra utuar gɨnɨ uthughun phuninin afhuighemi.” Pita anaaÅgi nɨghɨnɨghava ara gua bar phuvɨra azii.