Iesusɨm Mbɨsevisir Gumasi 3
PBT1 Uthughun mavɨn aro 3 okloghɨ utu, khara Judarir akoghɨn gumasi Gotɨn phorugham mbɨÅger uthugh. Uthughun khavɨra Pita ri Jon Gotɨ rɨphenan zui. 2 Uthughun khavɨn navan avhera usu maghatɨsi gumaghan mav iti. Gumasi mɨghasɨgha ana azɨgha gua Gotɨ rɨphen ighuisi rɨvɨnan itɨman akamanin ana arɨsi. Itɨman akamanin khavɨn izɨɨ, Itɨman AghuuÅ Kɨnara. A khagh ikava aÅgɨro ovhɨsivɨusua gumasi rako amisi Gotɨn rɨphen ighuisi rɨvɨnana avhen zui tharsi mena azaaghi. 3 Uthughun khavɨn a gari Pita ri Jon avhen maÅÅamɨusua zima ana aÅgɨro ovɨsivɨusua aniiÅna azaaghi. 4 Ana aniiÅna azarasima Pita ri Jon ivhɨra aÅn gari. Mauthughura Pita kamaghɨusue, “Nɨɨ rɨkɨr aÅgara ganri!" 5 Am mbɨÅgeema gumaghan khav bigha thav niamɨusua nɨghɨnɨgha, mbɨghɨravɨra aniiÅra gari. 6 Mauthughura Pita kamaghɨm mbɨÅgeeghi, “Khɨɨ aÅgɨro ovɨsi phatɨ. Khɨɨ iti bighɨn, khɨɨ anan nɨɨ ranɨɨÅmɨusua. NasaretiiÅn gumagh Krais Iesus, aÅni izɨɨn, nɨɨ rɨkavigh raru!" 7 Mauthughura Pita aÅna agharan guvɨnɨ usuiraghava, ana ufheesima. AÅn guamtɨvani ko aÅgari uzuamɨra gamngaa nisima, 8 a rɨkavigha utuiva zui. Mauthughura a Pita ri Jon phorugha Gotɨn rɨphenan mbɨkeeÅn avhen gugha, ifhaa iphɨna amaaÅga, Gotɨn izɨɨ ufhii. 9 Gumasi rako amisi bar aÅn garima ana aruava Gotɨn izɨɨ ufhima 10 mee aÅn ganigha ana ikeeÅga kamaghɨusue, gumaghan khavɨra Gotɨ rɨphen ighuisi rɨvɨnan itɨman akamanin apheraghav iti. Kha itɨman izɨɨ khara, Itɨman AghuuÅ Kɨnara. A mɨghasɨghava anamogha apheraghav ikava, aÅgɨro ovhɨsivɨusua gumasi rako amisir azaaghi. Ara mee rɨÅgavan maghatɨgha amuigha phura nɨghɨnɨsi, manmaghɨra amuisi bighaaÅ khavɨ oto. 11 Gumasi rako amisi akaman khavɨ oraegha, rɨÅgavan maghatɨgha amuigha, akhɨrsɨgha gua gumaghan khavɨn gari. Mee aÅn garima a Pita ri Jonɨnɨ usuiragha, Gotɨ rɨphenan azuaÅnɨ utughav iti. Rɨphenan azuaÅn khavɨnɨ izɨɨ, Solomonɨn AzuaÅ. 12 Uthughun khavɨn Pita kamagh ganigha, mem mbɨÅgeeghi, “IsraeliiÅn akhoghɨn gumasi rako amisi, thoghousua bighan khav geÅga amuisima gee rɨÅgavan maghatɨgha amui? Gee thoghousua mbɨghɨravɨra aÅn gara kamaghɨusue, aÅga ti nonira aghavaghari ikama ti, o aÅga Gotɨna arɨmasi rɨfhaaÅn inderaghavɨre ikava, aÅga kha gumagha amuisima ana arui? Bar phatɨ. 13 Ena avhavi Abraham ri Aisak koma Jekovɨn Got, a non iÅaaran gumagh Iesus bar ana iphɨufhui. Gee ana aremighaousua ana nigha aphanir gumasir afharɨ athɨ. Pailat ana thamɨraghaousua mbɨgerɨ uthughun, gee kamaghɨm mbɨÅgeeghi, ‘Ee thange aÅn vhusvhusi phatɨ!’ Ara gee akɨran aÅga ase. 14 Gotɨna arɨmasi rɨfhaaÅn othevira aghuira amui gumagh, gee aÅgi iphɨrphɨrighava, gumaghan maghatɨgh norivɨusua ana thamɨraghaousua Pailatɨ mbɨÅgeeghi. A gumasi vɨsuaghɨusuesi anda arɨghiresir gumagh. 15 GeÅga amui gee aÅamɨra iti gumagh, gee aÅm mbɨsuesi ana aremisi Got aÅga amuisima a nomthegha rɨkavhi. AÅga noni bighan khavɨn ganigha ana ikeeÅgava aÅn gunɨm mbɨÅgeeghi. 16 AÅga Iesusɨn izɨɨn nɨghɨnɨghana aghavaghar iti. Iesusɨn izɨɨra, gee ganigha ikeeÅsi gumaghan khav, a gamgaaÅ nii. AÅgan nɨghɨnɨghan aghavaghar Iesusɨn ikava bighan khuaÅga amuisima, nɨghɨnɨghan aghavagharan khavɨra kha gumagh amuisima, a bar indera, gee thighira nori aÅn gari. 17 Nana andarsi, khɨɨ kamagh ikaaÅi, gee amuisiro othɨv gee ana ikeeÅsi phatɨ, gen gumasiri ikii ivhɨra. 18 Got fhomɨra aÅna akam nigha zesi gumasi bar mem mbɨkemisima, mem mbɨÅgɨ kamaghɨusue, a Got nom ee niamɨusua mbɨsevisi gumagh, mbɨzagh niaÅga. Got nom mbɨÅgɨÅgɨgha amuisi moghɨn andar aghae othuivi. 19 Gee non nɨghɨnɨsir maghatɨsi thaeghɨva, nɨghɨnɨsigh ɨragh Gotɨusua zɨɨtima, a geno othevir maghatɨsi gɨna amaaÅga. 20 Gee kamagh ramuightima, Ikhɨv avughususan genɨ unduur rako navan amɨɨÅndɨghan gera anɨɨÅtima, gee phurei ikhɨva Got nom ee niamɨusua mbɨsevisi gumaghagha gan ikɨɨ. 21 Got bar fhomɨra fhomɨra nona ambuuÅn gumasi vɨkemisima, mee kamaghɨusue, ‘Thighira Iesus Gotɨnɨ uÅuuni ikhɨɨ, maaÅɨ Got kha bisi ramutima anda nomthegh bisiri iÅgaar mɨno othuivighemi.’ Got mbɨkemisi moghɨn, bisi bar othuivhami. 22 Moses fhomɨra kamaghɨm mbɨÅgeeghi, ‘Got gen Ikhɨv, nan mɨn akam nigha zesi gumaghan mav, a gena arɨghan gena thavam mbɨsevighemi. Gee, aÅm mbɨÅgeer bisi, gee bar andavaraghɨva anda ramu. 23 AÅm mbarasi phatɨsi tharsi, Got meÅga asɨghasiighemi. Mee nomthegh Gotɨn gumasi rako amisir phorugh ikaami thughatɨs phatɨ.’ 24 Gotɨna ambuuÅn gumasi bar, Samuelɨnɨ utugha ze, mee baro othuivamirɨ uthusir kharsir gunɨ mbɨkemi. 25 Got fhomɨra nona akam nigha zesi gumasi akamana aghavagharan meÅga aniiÅsima, gee men boorir mɨn ikhɨva, akaar aghavagharir kharsi ivhɨra gena andarsi. Got fhomɨra akama rɨÅgɨrana aghavagharan gena avhavir phorugha aÅga amuisima, gee men boorir mɨn ikhɨɨ, akama rɨÅgɨran aghavagharan khav, a ivhɨra genav. Got kamagh Abrahamɨm mbɨkemisi moghɨn, ‘Nɨɨna avhavir otara thav otoghtima, khɨɨ aÅmɨusua inderaghɨvɨra kha unuaghɨnan iti gumasi rako amisi bar mee ramuaÅga.’ 26 Got kamagh vhusvhusi, gee uvhuaghuvhuagh nono othevir maghatɨsia thaeghtima, kamaghɨ ramutima a inderaghɨvɨra gee ramuaÅga. Bighan khavɨusua a noni iÅaaran gumagham mbɨsevigha gemɨusua ufhuaragha ana amanda."